അശ്വതിയുടെ പോസ്റ്റ്
ഷാഫിയുടെ കല്യാണത്തിന് ചക്കപ്പഴം ടീമിനൊപ്പം നിന്ന് എടുത്ത ഫോട്ടോയ്‌ക്കൊപ്പമാണ് അശ്വതിയുടെ ഇന്‍സ്റ്റഗ്രാം പോസ്റ്റ്. ചേട്ടത്തീ അവള്‍ തന്നെയാണ് എന്ന് ഷാഫി പറഞ്ഞ ആ ദിവസം ഞാന്‍ ഇപ്പോഴും ഓര്‍ത്തുന്നു. പിന്നീട് ആ പ്രണയ യാത്രയ്ക്ക് സാക്ഷിയാവുക എന്നത് മനോഹരമായിരുന്നു. അര്‍ഹമായ എല്ലാ സന്തോഷങ്ങളും നിങ്ങള്‍ക്ക് ഉണ്ടാവട്ടെ എന്ന് ഞാന്‍ ആശംസിയ്ക്കുന്നു- അശ്വതി എഴുതി.
ചേട്ടത്തി തന്നെ
ചക്കപ്പഴം എന്ന സീരിയലില്‍ ചേട്ടന്റെ ഭാര്യയായിട്ടാണ് അശ്വതി അഭിനയിക്കുന്നത്. റീല്‍ ലൈഫില്‍ മാത്രമല്ല, റിയല്‍ ലൈഫിലും ചേട്ടത്തി എന്ന് തന്നെയാണ് ഷാഫി അശ്വതിയെ വിളിയ്ക്കുന്നതും. രണ്ടാമത്തെ പ്രസവത്തിന് ശേഷം ചക്കപ്പഴത്തില്‍ നിന്ന് വിട്ടു നില്‍ക്കുകയായിരുന്ന അശ്വതി രണ്ട് മക്കളെയും കൂട്ടിയാണ് അനിയന്റെ കല്യാണത്തിനായി എത്തിയത്.
ചക്കപ്പഴം പ്രേമം
ചക്കപ്പഴം സീരിയല്‍ കണ്ട് കണ്ട് ആണ് തനിയ്ക്ക് ഷാഫിക്കയെ ഇഷ്ടമായത് എന്ന് നേരത്തെ മഹീന പറഞ്ഞിരുന്നു. ഇഷ്ടം തോന്നിയപ്പോള്‍ ഇന്‍സ്റ്റഗ്രാമിലൂടെ പ്രണയം തുറന്ന് പറഞ്ഞതും മഹീന തന്നെയാണ്. സീരിയലിലെ എല്ലാവരുമായും റാഫിക്ക് എന്നത് പോലെ തന്നെ മഹീനയ്ക്കും നല്ല ബന്ധമുണ്ട്. ചക്കപ്പഴത്തില്‍ റാഫിയുടെ ഭാര്യയായി അഭിനയിക്കുന്ന സുപ്രിയയും മഹീനയും കൂട്ടുകാരികളുമാണ്.
കല്യാണം ആഘോഷമാക്കി ടീം
ചക്കപ്പഴത്തില്‍ അച്ഛനായും അമ്മയായും ചേട്ടനായും അഭിനയിക്കുന്ന എല്ലാവരും റാഫിയുടെ കല്യാണത്തിന് എത്തിയിരുന്നു. കുടുംബത്തിലുള്ള ആളുടെ കല്യാണം എന്നത് പോലെ തന്നെ ഏറ്റെടുത്ത് ആഘോഷമാക്കുകയായിരുന്നു ടീം. വേദിയില്‍ വച്ച് ചക്കപ്പഴം ടീം നടത്തിയ പെര്‍ഫോമന്‍സുകളും ഇതിനോടകം സോഷ്യല്‍ മീഡിയ ഏറ്റെടുത്തു കഴിഞ്ഞു.