ഇഷ്ടം പോയി
ബഡായി ബംഗ്ലാവിലെ പോലെ ജീവിതത്തില്‍ താന്‍ ശരിക്കും മണ്ടിയാണെന്ന് കരുതിയവരേറെയാണ്. ബിഗ് ബോസില്‍ പങ്കെടുത്തതിന് ശേഷം ആര്യയോടുള്ള ഇഷ്ടം പോയെന്ന് കുറേ പേര്‍ പറഞ്ഞിട്ടുണ്ട്. ഇന്‍ബോക്‌സ് മുഴുവനും അത്തരത്തിലുള്ള മെസ്സേജുകളായിരുന്നു. ശരിക്കുള്ള എന്നെ ഉള്‍ക്കൊള്ളാന്‍ അവര്‍ക്കൊന്നും കഴിയുന്നേയുണ്ടായിരുന്നില്ലെന്ന് ആര്യ പറയുന്നു. ബിഗ് ബോസ് ആദ്യ സീസണിലും വിളിച്ചിരുന്നു. ഇനി ആ പരിസരത്തേക്കേ പോവാനുദ്ദേശമില്ല.
പിഷാരടിയുടെ ഭാര്യ
രമേഷ് പിഷാരടിയുടെ ഭാര്യയാണ് ഞാനെന്ന് വിശ്വസിക്കുന്നവരുണ്ട്. ഞങ്ങള്‍ക്ക് കുട്ടികളില്ലാത്ത കഥയാണ് ബഡായി ബംഗ്ലാവിലേത്. ഒരു ആന്റി പിഷാരടിയെ വിളിച്ച് ട്രീറ്റ്‌മെന്റ് എടുക്കേണ്ടുന്നതിനെക്കുറിച്ചൊക്കെ പറഞ്ഞുകൊടുത്തിരുന്നു. പുള്ളിയെ അറിയാല്ലോ, കാര്യമായി അതൊക്കെ കേട്ടു. പിഷാരടിയുടെ ഭാര്യ സൗമ്യ നല്ല ജോവിയലാണ്. ആ സെൻസിലേ എടുക്കുള്ളൂ. നല്ലൊരു ക്യാരക്ടറാണ്.
ഭര്‍ത്താവിനെക്കുറിച്ച്
കാണുമ്പോഴെല്ലാം ഭര്‍ത്താവിനെക്കുറിച്ച് എന്താ കൊണ്ടുവരാത്തതെന്ന് ആളുകള്‍ ചോദിക്കുമായിരുന്നു. ആ സമയത്ത് വിവാഹിതയാണ്. എന്തിനാണ് എല്ലാവരും എന്റെ ഭര്‍ത്താവിനെ തിരക്കുന്നതെന്ന് ചിന്തിക്കുമായിരുന്നു. പിന്നീടാണ് മനസ്സിലായത് അവരുദ്ദേശിക്കുന്നത് പിഷാരടിയെ ആണെന്ന്. പിഷാരടിയും സൗമ്യയും ഒരുമിച്ചുള്ളപ്പോഴും ഭാര്യയെ കൊണ്ടുവന്നില്ലേയെന്ന ചോദ്യം നേരിട്ടിട്ടുണ്ട്.
മകളുടെ അച്ഛനാണ്
മുന്‍ഭര്‍ത്താവിനോട് ശത്രുതയൊന്നുമില്ല. അദ്ദേഹം എന്റെ മകളുടെ അച്ഛനാണ്. എനിക്കുള്ളത് പോലെ തന്നെ മകളില്‍ തുല്യ അവകാശം അദ്ദേഹത്തിനുണ്ട്. അത് നിര്‍ത്താന്‍ താന്‍ ആളല്ല. അത് എന്റെ മോളോട് ചെയ്യുന്ന വലിയ ദ്രോഹമായിരിക്കും. ഞങ്ങള്‍ വേറെ കല്യാണം കഴിച്ചാലും റോയയുടെ അച്ഛനും അമ്മയും ഞങ്ങള്‍ തന്നെയായിരിക്കും. അദ്ദേഹത്തിന് തുല്യ സ്ഥാനമുണ്ട്. അതിലൊന്നും ഒരു മാറ്റവും വരില്ലെന്നും താരം പറയുന്നു.
പ്രണയത്തെക്കുറിച്ച്
തനിക്കൊരു പ്രണയമുണ്ടെന്നും ബിഗ് ബോസിൽ നിന്നും തിരിച്ചെത്തിയതിന് ശേഷം തങ്ങൾ ഒന്നിക്കുമെന്നും ആര്യ പറഞ്ഞിരുന്നു. ബിഗ് ബോസിൽ നിന്നും തിരിച്ചെത്തിയതിന് ശേഷം മുൻപുള്ള ആളെയായിരുന്നില്ല കണ്ടത്. സിംഗിളായി തുടരാനാണ് ആഗ്രഹം. അങ്ങനെ പറഞ്ഞപ്പോൾ അതിൽ പ്രഷർ ചെയ്യാൻ തോന്നിയില്ല. മാനസികമായി ആകെ തകർന്നുപോയ അവസ്ഥയായിരുന്നു. ഇപ്പോഴാണ് താൻ ആ അവസ്ഥയെ അതിജീവിച്ചതെന്നും ആര്യ അഭിമുഖത്തിൽ വ്യക്തമാക്കിയിരുന്നു.