ജീവിതത്തില്‍ എവിടെയാണ് അടി പറ്റിയത്? എംജി ശ്രീകുമാറിന്റെ ചോദ്യത്തിന് ബാല നല്‍കിയ മറുപടി

വില്ലത്തരവും നായക വേഷവുമൊക്കെയായി സജീവമായിരുന്നു ബാല. നീണ്ടനാളത്തെ ഇടവേളയ്ക്ക് ശേഷമായി ഷെഫീക്കിന്റെ സന്തോഷത്തിലൂടെയായി മലയാള സിനിമയിലേക്ക് തിരിച്ചെത്തിയിരുന്നു. വ്യത്യസ്തമായ പ്രതികരണങ്ങളായിരുന്നു ചിത്രത്തിന് ലഭിച്ചത്. നിരവധി അവസരങ്ങള്‍ ലഭിക്കുന്നുണ്ടെന്നും, വൈകാതെ ,സംവിധാനത്തിലും താന്‍ കൈവെക്കുമെന്നും അദ്ദേഹം വ്യക്തമാക്കിയിരുന്നു. സോഷ്യല്‍മീഡിയയിലൂടെയായി തന്റെ വിശേഷങ്ങളെല്ലാം ബാല പങ്കിടുന്നുണ്ടായിരുന്നു. ബാലയുടെ ഭാര്യ എലിസബത്തും യൂട്യൂബ് ചാനലിലൂടെയായി സജീവമാണ്. കരള്‍ രോഗത്തെ തുടര്‍ന്ന് ചികിത്സയില്‍ കഴിയുകയാണ് അദ്ദേഹം.
നേരത്തെയും അദ്ദേഹം ആശുപത്രിയില്‍ കഴിഞ്ഞിട്ടുണ്ടെന്നും അതുപോലെ ഇത്തവണയും തിരികെ എത്തുമെന്നുമായിരുന്നു എലിസബത്ത് പറഞ്ഞത്. അദ്ദേഹത്തോട് സംസാരിച്ചിരുന്നുവെന്നും അസുഖത്തെക്കുറിച്ച് എല്ലാവരും അറിഞ്ഞതില്‍ അദ്ദേഹത്തിന് സങ്കടമുണ്ടെന്ന് പറഞ്ഞതായും അവര്‍ പറഞ്ഞിരുന്നു. ബാലയുടെ സുഹൃത്തുക്കളായിരുന്നു സോഷ്യല്‍മീഡിയയിലൂടെ ഈ വിവരം പുറത്തുവിട്ടത്. മകളെ കാണണമെന്ന് ബാല എപ്പോഴും പറയാറുണ്ടെന്നും, അതിനൊരു അവസരമാവട്ടെ എന്ന് കരുതിയാണ് അങ്ങനെ പറഞ്ഞതെന്നുമായിരുന്നു സൂരജ് പാലാക്കാരന്‍ വിശദീകരിച്ചത്. ബാലയെ കാണാനായി ആദ്യഭാര്യ അമൃത സുരേഷും മകള്‍ അവന്തികയും എത്തിയിരുന്നു.
അഭിനയത്തിന് പുറമെ ചാനല്‍ പരിപാടികളിലും സജീവമായ ബാല എംജി ശ്രീകുമാര്‍ അവതരിപ്പിക്കുന്ന പറയാം നേടാമിലും പങ്കെടുത്തിരുന്നു. പരിപാടിയുടെ പ്രമോ വീഡിയോ സോഷ്യല്‍മീഡിയയിലൂടെ വൈറലായിക്കൊണ്ടിരിക്കുകയാണ്.
അടുത്തിടെ ഒരാള്‍ എന്നോട് പറഞ്ഞ കാര്യമാണ്. ഷെഫീക്കിന്റെ സന്തോഷം നന്നായി പോയി, വില്ലനായി കാണുന്നത് വളരെ ഇഷ്ടമാണെന്നായിരുന്നു അദ്ദേഹം പറഞ്ഞത്. എല്ലാം കൃത്യമായി പ്ലാന്‍ ചെയ്യുന്നയാളാണ് ബാല എന്ന് എംജി പറഞ്ഞപ്പോള്‍ അതൊക്കെ മുന്‍പ് എന്നായിരുന്നു ബാലയുടെ മറുപടി. ജീവിതത്തില്‍ ബാലയ്ക്ക് എവിടെയാണ് അടി പറ്റിയതെന്നും ബാലയോട് എംജി ചോദിച്ചിരുന്നു. ഈ ചോദ്യം നിങ്ങള്‍ തന്നെ എന്നോട് ചോദിക്കണം. എന്നേക്കാളും നന്നായിട്ട് ഇതിന്റെ ഉത്തരം നിങ്ങള്‍ക്കറിയാമെന്ന് ബാല പറഞ്ഞപ്പോള്‍ ചിരിക്കുകയായിരുന്നു എംജി ശ്രീകുമാര്‍.