എനിക്ക് ആദ്യ ഭാര്യ രണ്ടാം ഭാര്യ എന്നില്ല; രണ്ടാളും ജീവൻ തന്നു സ്നേഹിക്കുന്നവർ; എന്റെ കാര്യങ്ങൾ നോക്കാനും, സന്തോഷം നൽകാനും ഇവരേ ഉള്ളൂ; ബഷീർ ബഷി

മഷൂറയും സുഹാനയുമാണ് ബഷീറിന്റെ ജീവിത സഖികൾ. ആദ്യഭാര്യ സുഹാനയോട് അനുവാദം വാങ്ങിക്കൊണ്ടാണ് ബഷീർ മഷൂറയെ കൂടി തന്റെ ജീവിതത്തിലേക്ക് എത്തിക്കുന്നത്. തന്റെ ജീവിതത്തിൽ സുഹാനയ്ക്ക് വലിയ സ്ഥാനമാണ് നൽകുന്നതെന്ന് അദ്ദേഹം മുൻപ് പല തവണ വ്യക്തമാക്കിയിട്ടുണ്ട്. ഇപ്പോഴിതാ ആദ്യ ഭാര്യയും രണ്ടാം ഭാര്യയും ഒരേ പോലെയാണ് എന്ന് പറയുകയാണ് ബഷീർ.

ആദ്യ ഭാര്യ രണ്ടാം ഭാര്യ എന്നൊന്നും എനിക്കില്ല. ഇവർ രണ്ടുപേരും എന്റെ ഭാര്യമാരാണ്. രണ്ടുപേരും എന്നെ പൊന്നുപോലെ ചങ്ക് പോലെ സ്നേഹിക്കുന്നവർ ആണ്. എന്റെ ഉമ്മയും വാപ്പയും മരിച്ചുപോയി. അപ്പോൾ എന്റെ സന്തോഷം, എന്റെ കാര്യങ്ങൾ ഒക്കെയും ഭംഗിയായി നോക്കുന്നത് ഇവർ ആണ്. ഇവരാണ് എന്റെ ലോകം- ബഷീർ പറയുന്ന വീഡിയോ ആണ് ഇപ്പോൾ വൈറലാകുന്നത്.

ഉപ്പച്ചിയെപ്പോലെ തന്നെ താരങ്ങളാണ് ബഷീറിന്റെ രണ്ടു മക്കളും. കുഞ്ഞി മക്കളും ഒത്തുള്ള ചിത്രങ്ങളും വീഡിയോയും താരം സോഷ്യൽ മീഡിയ വഴി പങ്കിടാറുണ്ട്. താരത്തിന്റെ വെബ് സീരീസായ കല്ലുമ്മക്കായയിലും ഇരുവരും അഭിനേതാക്കളാണ്. കേരളത്തിന്റെ ഫ്രീക്കി ബേബി എന്നാണ് സുനൈന മുൻപ് അറിയപ്പെട്ടിരുന്നത്. മൂന്നാമത്തെ കുഞ്ഞിന് വേണ്ടി കാത്തിരിപ്പിലാണ് കുടുംബം.

മോഡൽ രംഗത്തേക്ക് ഇറങ്ങും മുൻപേ കപ്പലണ്ടി കച്ചവടം നടത്തുകയായിരുന്നു ബഷീർ. കുടുംബത്തെ സഹായിക്കാൻ, തന്നാൽ ആകുംപോലെ എല്ലാം ബഷീർ കഷ്ടപ്പെടാൻ തയ്യാറിയിരുന്നു. എന്നാൽ പഠനം നല്ല രീതിയിൽ മുൻപോട്ട് കൊണ്ടുപോകാൻ താരത്തിന് കഴിഞ്ഞില്ല. കപ്പലണ്ടി കച്ചവടം നടത്തുന്നതിന്റെ ഇടയിലാണ് സുഹാനയുമായി പ്രേമത്തിലായതെന്ന് ബഷീർ മുൻപ് പറഞ്ഞിട്ടുണ്ട്.

ബിഗ് ബോസിൽ നിന്നും തിരികെ എത്തിയ ബഷീറിന്റെ അസൂയാവഹമായ വളർച്ചയാണ് പിന്നീട് പ്രേക്ഷകർ കണ്ടത്. ഭാവിയില്‍ ഒരു സിനിമ സംവിധാനം ചെയ്യാനുള്ള ആഗ്രഹവുമായി നടക്കുന്ന ബഷീർ തന്നെയാണ് വെബ് സീരീസ് കല്ലുമ്മക്കായയുടെ സംവിധാനം നിർവ്വഹിച്ചത്. അതോടെയാണ് ഇവരുടെ യൂ ട്യൂബ് ചാനലുകളും കൂടുതൽ ശ്രദ്ധിക്കപ്പെട്ടുതുടങ്ങിയത്.