ഗോപികയും കീർത്തനയും എന്റെ സിസ്റ്റേഴ്സാണോ എന്ന് പലരും ചോദിച്ചിട്ടുണ്ട്! അവരോടുള്ള സൗഹൃദത്തിന്റെ കാരണം അതാണ്, ഭാവന നല്ല ഫ്രണ്ട്ലിയാണ്! വിവാഹത്തിനൊക്കെ ക്ഷണിച്ചിരുന്നുവെന്നും അരുൺ രാഘവ്!

വിളക്കുമരമെന്ന ചിത്രത്തിലൂടെയായിരുന്നു അരുണ്‍ രാഘവ് സിനിമയില്‍ തുടക്കം കുറിച്ചത്. വിജയ് മേനോന്‍ സംവിധാനം ചെയ്ത ചിത്രത്തില്‍ ഭാവനയുടെ ഭര്‍ത്താവായാണ് അരുണ്‍ വേഷമിട്ടത്. ആ ചിത്രത്തിനിടയിലെ അനുഭവത്തെക്കുറിച്ചും അരുൺ സംസാരിച്ചിരുന്നു. ഫ്രീയാണോയെന്ന് അണിയറപ്രവർത്തകർ ചോദിച്ചപ്പോൾ അല്ലെന്നായിരുന്നു പറഞ്ഞത്. സിനിമയാണെന്നറിഞ്ഞതോടെ സമയം കണ്ടെത്തുകയായിരുന്നു. ഭാവനയാണ് ചിത്രത്തിലെ ഹീറോയിൻ എന്നും ഭാവനയുടെ ഭർത്താവിന്റെ വേഷമാണ് അരുണിന് എന്നുമായിരുന്നു സംവിധായകൻ പറഞ്ഞത്. കാരവാനൊക്കെ ആദ്യമായി കണ്ടത് അന്നായിരുന്നു. പരിചയപ്പെടും മുന്‍പേ ഭാവനയുടെ കൂടെ അഭിനയിക്കേണ്ട അവസ്ഥയായിരുന്നു. ഭയങ്കര ഫ്രണ്ട്‌ലിയാണ് ഭാവന. 10 ദിവസത്തോളം ഞങ്ങളൊരുമിച്ചുണ്ടായിരുന്നു. നല്ലൊരു ഫ്രണ്ട്ഷിപ്പുണ്ടായിരുന്നു. വിവാഹത്തിന് എന്നെ ക്ഷണിച്ചിരുന്നു. പോവണമെന്നൊക്കെ ആഗ്രഹിച്ചിരുന്നു. ബാലി ട്രിപ്പിന് പോയി തിരിച്ച് വന്ന സമയത്തായിരുന്നു വിവാഹം. അന്ന് പോവാന്‍ പറ്റിയിരുന്നില്ലെന്നും അരുൺ പറയുന്നു.

.

അഭിനേതാവായ ശ്രിനിഷ് അരവിന്ദുമായുള്ള സൗഹൃദത്തെക്കുറിച്ചും അരുൺ തുറന്നുപറഞ്ഞിരുന്നു. ശ്രീനിയുമായി നല്ല പരിചയമുണ്ട്. ചെമ്പരത്തി സീരിയലില്‍ ഒരു കല്യാണ സ്വീക്വന്‍സില്‍ മാത്രമാണ് ഞങ്ങള്‍ ഒരുമിച്ച് വന്നത്. തമിഴ് കലര്‍ന്ന ശ്രീനിയുടെ മലയാളം എനിക്കൊരുപാട് ഇഷ്ടമാണ്. അവന്‍ കൊച്ചിയിൽ വീട് നോക്കിയപ്പോളെല്ലാം ഞങ്ങള്‍ കോണ്ടാക്റ്റ് ചെയ്തിരുന്നു.

ഭാര്യയിലും പൂക്കാലം വരവായിലും അരുണിനൊപ്പം മൃദുല വിജയ് യുമുണ്ടായിരുന്നു. മൃദുലയുമായുള്ള സൗഹൃദത്തെക്കുറിച്ചും അരുണ്‍ വാചാലനായിരുന്നു. മൃദുലയ്‌ക്കൊപ്പം 5 വര്‍ഷത്തോളം പരിചയമുണ്ട്. വിവാഹത്തിനൊക്കെ പോയിരുന്നു. രണ്ടര വര്‍ഷത്തോളം ഞങ്ങള്‍ ഭാര്യയില്‍ ഒരുമിച്ചുണ്ടായിരുന്നു. പൂക്കാലം വരവായില്‍ വന്നപ്പോഴാണ് ഞങ്ങള്‍ ശരിക്കും സുഹൃത്തുക്കളായത്. മൃദുലയുടെ നമ്പറൊക്കെ ഷെയര്‍ ചെയ്യുന്നത് അപ്പോഴാണ്. എന്ത് കാര്യങ്ങളുണ്ടെങ്കിലും ഷെയര്‍ ചെയ്യും. നല്ല സുഹൃത്തുക്കളാണ് ഞങ്ങള്‍. അഭിമന്യവും സംയുക്തയുമായി അരുണും മൃദുലയും എത്തിയപ്പോൾ ഗംഭീര പിന്തുണയായിരുന്നു പ്രേക്ഷകർ നൽകിയത്. അഭിയുക്ത എന്ന പേരിൽ ഫാൻസ് ഗ്രൂപ്പുകളും സജീവമായിരുന്നു.

അഭിനേത്രികളായ ഗോപികയും കീര്‍ത്തനയുമായി പരിചയത്തിലായതിനെക്കുറിച്ചും അരുണ്‍ പറഞ്ഞിരുന്നു. കീര്‍ത്തനയും ഗോപികയും എന്റെ റിലേറ്റീവാണോ, സിസ്‌റ്റേഴ്‌സാണോ എന്നൊക്കെയാണ് കുറേ പേര്‍ എന്നോട് ചോദിച്ചിട്ടുള്ളത്. ജീവിതത്തില്‍ ഞാന്‍ പെട്ടെന്ന് തന്നെ ഫ്രണ്ട്‌സാക്കി മാറ്റിയ 2 പേരാണ് ഇവര്‍. വെജിറ്റേറിയനാണ് ഞാന്‍, കൂടെയുള്ളവരെ വെജിറ്റേറിയനാക്കാന്‍ ശ്രമിക്കാറുമുണ്ട്. സീ കേരളം ചാനലിലെ ഒരു ചടങ്ങില്‍ വെച്ചായിരുന്നു ഇവരെ കണ്ടത്. എന്‍രെ പെരുമാറ്റ രീതി കൊണ്ട് ജാഡയുള്ള ആളാണെന്നായിരുന്നു ഇവരും കരുതിയത്. സംസാരിച്ച വന്നപ്പോഴാണ് അവരും വെജിറ്റേറിനാണെന്ന് മനസ്സിലാക്കിയത്. ആദ്യമായാണ് ആര്‍ടിസ്റ്റുകളില്‍ ഒരു വെജിറ്റേറിയനെ കാണുന്നത്.