ഒരുപാട് മിസ്സ് ചെയ്യുന്നു; വേഗം മടങ്ങിവരൂ; പ്രതീഷിനോട് സ്വാതി നിത്യാനന്ദ്!

പ്രേക്ഷക പ്രീതിയും റേറ്റിങ്ങിൽ ഒന്നാമതും നിന്ന ഭ്രമണത്തിൽ സീനിയർ താരങ്ങൾക്ക് ഒപ്പമാണ് സ്വാതിയും തന്റെ അഭിനയം കാഴ്ച വച്ചത്. മുകുന്ദൻ, ലാവണ്യ, ശരത് തുടങ്ങി മിനി സ്ക്രീനിലും ബിഗ് സ്ക്രീനിലും നിറഞ്ഞു നിന്ന മുൻ നിര താരങ്ങൾക്ക് ഒപ്പമാണ് സ്വാതി തന്റെ പ്രകടനം ഗംഭീരമാക്കി മാറ്റിയത്. മുകുന്ദന്റെ മകളായും, ശരത്തിന്റെ കാമുകിയായായിട്ടും ആണ് ഹരിത എന്ന കഥാപാത്രം പ്രേക്ഷകരിലേക്ക് എത്തിയത്.

ഭ്രമണത്തിന്റേത് ഉൾപ്പെടെ ക്യമറ ചലിപ്പിച്ച അറിയപ്പെടുന്ന ക്യാമറമാനായ പ്രതീഷ് നെന്മാറായുമായുണ്ടായ സൗഹൃദമാണ് പ്രണയത്തിലേക്ക് എത്തിയത്. ആ പ്രണയം കഴിഞ്ഞ വർഷമാണ് വിവാഹത്തിലേക്ക് കടന്നത്. ലോക് ഡൌൺ നിയമങ്ങൾ പാലിച്ചു നടന്ന വിവാഹചിത്രങ്ങൾ വൈറൽ ആയിരുന്നു. വിവാഹശേഷവും അഭിനയരംഗത്ത് സജീവം ആണ് സ്വാതി.

വ്‌ളോഗർ കാർത്തിക് സൂര്യക്ക് ഒപ്പമുള്ള ഫോട്ടോഷൂട്ട് ചിത്രങ്ങൾ അടുത്തിടെ ഏറെ വൈറൽ ആയിരുന്നു. പ്രീ വെഡിങ് ഫോട്ടോഷൂട്ടും, പോസ്റ്റ് വെഡിങ് ഫോട്ടോ ചിത്രങ്ങളും തീമാക്കിയാണ് ഇരുവരും ഫോട്ടോഷോട്ടിൽ തിളങ്ങിയത്. അന്നുമുതൽ സ്വാതി വീണ്ടും വിവാഹിത ആയോ എന്നുള്ള ചോദ്യവുമായിട്ടാണ് സദാചാരവാദികൾ രംഗത്ത് എത്തിയത്.

കെട്ടിയോൻ ഇഷ്ടം. ഞങ്ങളുടെ തിരക്കകൾ കാരണം ഒരുമിച്ച് ചെലവഴിക്കാൻ വേണ്ടത്ര സമയം ഞങ്ങൾക്ക് ലഭിക്കുന്നില്ല, പക്ഷേ എങ്ങനെയെങ്കിലും ഒക്കെ ഞാൻ ഈ തിരക്കേറിയ ദിവസങ്ങൾ കൈകാര്യം ചെയ്യുന്നു. ശരിക്കും, ശരിക്കും മിസ് ചെയ്യുന്നു ഉടൻ മടങ്ങിവരിക. എന്ന ക്യാപ്ഷ്യനോടെയാണ് ഭർത്താവിന് ഒപ്പമുള്ള ചിത്രം സ്വാതി പങ്ക് വച്ചിരിക്കുന്നത്.