പട്ടിണിയും വിശപ്പും അനുഭവിച്ചതിന് കണക്കില്ല; പറഞ്ഞതൊന്നും കള്ളമല്ല; തെളിവുമായി ദയ!

ബിഗ് ബോസ് താരം ദയ അശ്വതിയുടെ പോസ്റ്റുകൾ വൈറലാകുന്നു. ഇപ്പോൾ ഏറ്റവും ഒടുവിലായി ഹൃദയ സ്പർശിയായ ഒരു കുറിപ്പുമായിട്ടാണ് താരം എത്തിയിരിക്കുന്നത്. ബിഗ് ബോസിൽ പങ്കെടുക്കുന്നതിന്റെ ഇടയിൽ താൻ ജീവിതത്തിൽ നേരിട്ട ബുദ്ധിമുട്ടുകളെയും, പ്രതിസന്ധികളെയും കുറിച്ച് താരം തുറന്നുപറഞ്ഞിരുന്നു. എന്നാൽ ബിഗ് ബോസിൽ പിടിച്ചു നിൽക്കാൻ ദയ പടച്ചു വിടുന്ന കഥകൾ മാത്രമാണ് ഇതെന്നായിരുന്നു സോഷ്യൽ മീഡിയയിൽ പൊതുവേ ഉള്ള ചർച്ച.

മാത്രവുമല്ല താരത്തിന് രണ്ടു പെൺകുട്ടികളാണ് ഉള്ളതെന്നും ആണ്കുഞ്ഞുങ്ങൾ അല്ലെന്നും ആരോപണം ഉണ്ടായിരുന്നു. ഇതിനു മറുപടിയുമായി താരം ലൈവിൽ എത്തിയിരുന്നെങ്കിലും താരത്തിനെതിരെയുള്ള സൈബർ ആക്രമണത്തിന് കുറവ് വന്നിരുന്നില്ല. എന്നാൽ വീണ്ടും താരം മറുപടി നൽകുകയാണ് ഇപ്പോൾ.

"വളരേ വിഷമത്തോടെയാണ് ഈ ഫോട്ടോ ഞാൻ ഇവിടെ പോസ്റ്റ് ചെയ്യുന്നത്. ഈ ഫോട്ടോയിൽ കാണുന്നത് ഇന്ന് നിങ്ങൾ കാണുന്ന ദയ അച്ചുവാണ് ഈ ഫോട്ടോ എടുത്തപ്പോൾ എനിക്ക്‌ വയസ്സ്, 19. ,16- വയസ്സിൽ വിവാഹം കഴിഞ്ഞു പോയ ആളേ അല്ലായിരുന്നു ഞാൻ ഒത്തിരി ക്ഷീണിച്ചു പട്ടിണിയും വിശപ്പും ഞാൻ എന്റെ ഭർത്താവിന്റെ വീട്ടിൽ നിന്നും അനുഭവിച്ചതിന് കണക്കില്ല", എന്നാണ് ദയയുടെ പുതിയ പോസ്റ്റിൽ പറയുന്നത്.

ALSO READ: രജിത് കുമാറിന്റെ ഒപ്പം ഉള്ളതാരാ; തള്ളിയതല്ലെന്ന് ഇപ്പോൾ മനസിലായില്ലേ എന്ന് ആരാധകർ!

" പലപ്പോഴും എന്റെ വീട്ടിൽ നിന്നും ആണ് അരി എത്തിക്കാറ്. ഞാൻ ബിഗ് ബോസിൽ പറഞ്ഞിരുന്നു ,എന്റെ ഭർത്താവിന്റെ വീട്ടിൽ ഉള്ളപ്പോൾ അദ്ദേഹം ഗൾഫിലുള്ളപ്പോൾ ,ഒത്തിരി കഷട്ടപ്പെട്ടിരുന്നു എന്ന് ആടും ,പശുവും, കോഴിയും, തൈയ്യൽ മിഷ്യനും ചവിട്ടി കഷട്ടപ്പെട്ട കഥ ,സത്യമെന്ന് തെളിയിക്കാൻ എനിക്ക് ഈ ഫോട്ടോ മാത്രമാണ് കൈയ്യിൽ ഉള്ളതെന്നും ദയ പറയുന്നു"

" എന്റെ ചേട്ടന് ഞങ്ങളെ കാണാൻ വേണ്ടി അന്ന് എടുത്തതാ ഫോട്ടൊ ആണ് ഇത് കഴുത്തിൽ കിടക്കുന്നതു പോലും മുക്കിന്റെ മാലയാണ് എനിക്ക് ആൺ കുട്ടിയാണ് ഉള്ളത്. ഈ ഫോട്ടൊ നോക്കി ഇനി നിങ്ങൾക്ക് തീരുമാനിക്കാം ഞാൻ പറഞ്ഞതിൽ വല്ല കള്ളത്തരം ഉണ്ടോ എന്ന്", എന്നും താരം പറയുന്നു.