ഊതികെടുത്താൽ ശ്രമിച്ചാൽ നമ്മൾ തിരിച്ചു ആളി കത്തുന്ന ഒരു തീക്കുണ്ഡമായി മാറണം; ജാസ്മിൻ

ബിഗ്ബോസ് മലയാളം നാലാം സീസണിലെ ശക്തരായ മത്സരാർത്ഥികളിൽ ഒരാൾ ആയിരുന്നു ജാസ്മിൻ എം മൂസ. ജീവിതത്തിൽ എത്ര വലിയ ബുദ്ധിമുട്ടുകൾ വന്നാലും പ്രശ്നങ്ങൾ ഉണ്ടായാലും അതിനെയെല്ലാം അതിജീവിച്ച് മുന്നേറുന്ന പ്രത്യക്ഷത്തിലുള്ള ഹീറോകളിലൊരാൾ കൂടിയാണ് ജാസ്മിൻ. മനോധൈര്യം കൊണ്ട് ജീവിതവിജയം കൈവരിച്ച ജാസ്മിൻ ഇന്ന് ഒരു ബോസി ബിൽഡർ കൂടിയാണ്. സോഷ്യൽ മീഡിയയിൽ ഏറെ സജീവമായ ജാസ്മിൻ പങ്കിടുന്ന പോസ്റ്റുകൾ ഒക്കെയും വൈറലാണ്. ഇപ്പോഴിതാ ജാസ്മിൻ പങ്കിട്ട ഒരു പോസ്റ്റാണ് ആരാധകർ ഏറ്റെടുത്തിരിക്കുന്നത്.

ജാസ്മിന്റെ വാക്കുകൾ.

ജീവിതത്തിൽ അഭിനയിക്കാൻ അറിയാത്തവർ ആയി ചിലരുണ്ട് . അവസരത്തിനൊത്തു മാറാനാവാത്ത ഒഴുക്കിനൊത്ത് നീന്താന്നറിയാത്ത നാട്യത്തിന് കൂട്ട് ചേരാനാവാതെ മണ്ണോളം തായ്‌ന്ന മൂട് പടങ്ങളില്ലാത്ത പച്ചയായ ചില മനുഷ്യർ. ലോകത്തിനവർ കോമാളികളും അഹങ്കാരികളും ആയിരിക്കും.. എല്ലാവര്ക്കും സ്വീകാര്യരാവുക എന്നാൽ ഏറ്റവും നന്നായി അഭിനയിക്കുക അല്ലെങ്കിൽ പലപ്പോഴും മിണ്ടാതിരിക്കുക എന്നുള്ളതാണ് ഇപ്പോ കണ്ടു വരുന്നത്‌ . എത്ര അല്ലെന്നു പറഞ്ഞാലും ഇത് ഒരു കയ്ക്കുന്ന സത്യം ആണ്.

ജീവിതത്തിൽ ചിലർ നമ്മളെ ഊതി കെടുത്താൻ നോക്കുമ്പോൾ നമ്മൾ തിരിച്ചു ആളി കത്തുന്ന ഒരു തീക്കുണ്ഡം ആയി അങ്ങട്ട് മാറുക- ജാസ്മിൻ പറയുന്നു.

നിരവധി ആളുകൾ ആണ് ജാസ്മിന് മറുപടിയുമായി എത്തുന്നത്. എനിക്ക് ഈ പെണ്ണിനെ ഭയങ്കര ഇഷ്ടം ആണ് ഭയങ്കര തന്റെടി ആയ പെൺകുട്ടി ആണ് കണ്ടത് കണ്ടപോലെ ആരെയും പേടിക്കാതെ മുഖത് നോക്കി പറയുന്ന സ്വഭാവം അത് എല്ലാർക്കും ഇഷ്ടം പെടില്ല അവരുടെ മനസിൽ ഒന്നും വെക്കില്ല നിഷ്കു ആയിരിക്കും അവർ. പക്ഷെ ചെല നേരത്തെ സ്വഭാവം കാണുബോൾ എടുത്ത് കിണറ്റിൽ ഇടാൻ തോന്നും- എങ്കിലും നിഷ്കളങ്കർ ആണ്- ആരാധകർ പറയുന്നു.

ജാസ്മിൻ്റ ജീവിതത്തിൽ ഉടനീളം വളരെ വെല്ലുവിളി നിറഞ്ഞ സാഹചര്യങ്ങളിലൂടെയാണ് കടന്നു പോയിട്ടുള്ളത്. ജാസ്മിൻ വളരെ ചെറുപ്പത്തിൽത്തന്നെ വിവാഹിതയായ വ്യക്തിയാണ്. ഗാർഹിക പീഡനത്തിന് ഇരയായ സ്ത്രീയാണ് ജാസ്മിൻ. പരാജയപ്പെട്ട 2 വിവാഹങ്ങളും ആരുടെയും പിന്തുണയില്ലാത്ത ഒരു ജീവിതവുമാണ് ജാസ്മിനെ സ്വന്തം കാലിൽ നിൽക്കാനാകുന്ന അത്ര സ്വതന്ത്രയാക്കി മാറ്റിയത്.