എല്ലാവരും ആവശ്യപ്പെട്ട കാര്യം ഞാന്‍ ചെയ്തു! മമ്മി വീട്ടിലുള്ളത് കൊണ്ട് ധൈര്യം കൂടുതലായിരുന്നു! വീഡിയോ പങ്കിട്ട് പേളി മാണി

പേളി മാണിയെന്ന പേരിലുള്ള യൂട്യൂബ് ചാനലിലൂടെയായാണ് പേളി വിശേഷങ്ങള്‍ പങ്കുവെക്കാറുള്ളത്. 16 ലക്ഷം സബ്‌സ്‌ക്രൈബേഴ്‌സുണ്ട് പേളിക്ക്. കരിയറിലേയും ജീവിതത്തിലേയും വിശേഷങ്ങളെല്ലാം പേളി പങ്കിടാറുണ്ട്. കുഞ്ഞതിഥിയായ നിലയുടെ കാര്യങ്ങളെക്കുറിച്ചും ആരാധകര്‍ ചോദിക്കാറുണ്ട്. അടുത്തിടെയായിരുന്നു പേളിയും ശ്രീനിയും പുതിയ വീട്ടിലേക്ക് മാറിയത്.

അര്‍ധരാത്രിയില്‍ തക്കാളിച്ചോറ് കഴിക്കുന്ന വീഡിയോ കഴിഞ്ഞ ദിവസം പേളി പങ്കിട്ടിരുന്നു. ആസ്വദിച്ച് കഴിച്ച ആ വിഭവത്തിന്റെ റെസിപ്പിയെക്കുറിച്ചായിരുന്നു ആരാധകര്‍ ചോദിച്ചത്. അടുത്ത വീഡിയോയില്‍ അത് പങ്കുവെക്കാമെന്നായിരുന്നു താരം പറഞ്ഞത്. മമ്മിയും ഡാഡിയും വീട്ടിലുണ്ട്. നിലയുടെ കാര്യം ഡാഡി നോക്കും, മമ്മി കൂടി സഹായത്തിനുണ്ടെങ്കില്‍ ധൈര്യത്തോടെ ഉണ്ടാക്കാനാവുമെന്ന് പറഞ്ഞായിരുന്നു പേളി വീഡിയോ ചെയ്ത് തുടങ്ങിയത്.

എന്നെ ട്രോളുന്ന കാര്യത്തില്‍ ഏറെ മുന്നിലാണ് മമ്മി. ഡി ഫോര്‍ ഡാന്‍സില്‍ വെറൈറ്റിയാവാനായി ഞാന്‍ നടത്തുന്ന ശ്രമങ്ങളെല്ലാം കണ്ട് മമ്മി നന്നായി ട്രോളാറുണ്ടായിരുന്നു. ക്യാമറയ്ക്ക് മുന്നില്‍ നില്‍ക്കാന്‍ മമ്മിക്ക് ഇഷ്ടമില്ല. ഒരുപാട് നിര്‍ബന്ധിച്ചാണ് ഈ വീഡിയോയില്‍ കൂടെ നില്‍ക്കാന്‍ സമ്മതിച്ചത്. മമ്മിയുടെ സഹായത്തോടെയായിരുന്നു പേളി പ്രിയവിഭവം ഉണ്ടാക്കിയത്. 85 മാര്‍ക്കാണ് ഇതിന് താന്‍ നല്‍കുന്നതെന്നായിരുന്നു ഡാഡി കമന്റ്. ഞാന്‍ 105 മാര്‍ക്ക് തരുന്നുവെന്നായിരുന്നു ശ്രീനിയുടെ കമന്റ്.

കഴിഞ്ഞ വീഡിയോയില്‍ നിലയെ കാണിക്കാത്തതില്‍ പരിഭവം പറഞ്ഞിരുന്നു. ഇത്തവണ അവളെ കാണിക്കാം. നല്ല മൂഡിലാണ് അവള്‍, എപ്പോഴും തട്ടിക്കൊണ്ടിരിക്കും. ഞാന്‍ തട്ടിയാലേ ഉറങ്ങൂയെന്ന് കാണിക്കാനായി എന്റെ കൈയ്യെടുത്ത് അവള്‍ തന്നെ തട്ടും. അവളെ ഞാന്‍ ശാസ്ത്രീയ സംഗീതം പഠിപ്പിക്കുമെന്നും പേളി പറഞ്ഞിരുന്നു. നീ സുന്ദരി ബേബിയാണ്, നല്ല ബേബിയാണ്, കഴിഞ്ഞ വീഡിയോയില്‍ നിന്നെ കണ്ടില്ലെന്നായിരുന്നു എന്റെ ഫ്രണ്ട്‌സ് പറഞ്ഞതെന്നായിരുന്നു നിലയോട് പേളി പറഞ്ഞത്.