രാജിനി ചാണ്ടി മുതൽ- വീണ നായർ വരെ
രാജിനി മുതൽ വീണ നായർ വരെയുള്ള മത്സരാര്ഥികളെ കുറിച്ചാണ് മുൻപുള്ള ദിവസങ്ങളിൽ രഘു കുറിച്ചത്. എന്നാൽ അധികമാളുകളും വിമര്ശനത്തോടെയാണ് താരത്തിന്റെ കുറിപ്പ് ഏറ്റെടുക്കുന്നത്. തനിക്ക് ഈ വിമർശനങ്ങൾ കൂടുതൽ എഴുതാനുള്ള പ്രചോദനമാണ് നൽകുന്നതെന്നും താൻ എഴുത്തു തുടർന്നുകൊണ്ടിരിക്കുകയും ചെയ്യും എന്നുമാണ് താരം പറയുന്നത്.
ബിഗ് ബോസ്സിലെ ഫുക്രൂ - സെർജിയോ റാമോസ് ഗാർസിയ
ഇപ്പോൾ ഫുക്രുവിനെ കുറിച്ചാണ് രഘു പറയുന്നത്. ബിഗ് ബോസിലെ ഫുക്രൂ സെർജിയോ റാമോസ് ഗാർസിയ ആണ് എന്ന് രഘു പറയുന്നുണ്ട്. 2005 ഇൽ റയൽ മാൻഡ്രിഡ് 19 വയസുകാരൻ 'സെർജിയോ റെമോസിനെ ' 27 മില്യൺ യുറോക്ക് കരാർ ഉറപ്പിക്കുമ്പോൾ , സ്പാനിഷ് ഫുട്ബാളിൽ അതൊരു ചരിത്രമാകുകയായിരുന്നു . ഫുട്ബാൾ മൈതാനത്തിലെ പിൻ നിരയിലേക്ക് ഏറ്റവും വിലപിടിപ്പുള്ള ഒരു ടീനേജർ കടന്നു വരുന്നു . വളരെ ചെറു പ്രായത്തിൽ തന്നെ റെമോസ് സ്പാനിഷ് ഫുട്ബാൾ ആരാധകരുടെ ഹരമായി മാറി . മൈതാനത്തിൻ്റെ പിൻനിരയിൽ അത്രമേൽ ആരാധകർ ഉള്ള താരങ്ങൾ ലോകത്തു തന്നെ ചുരുക്കം .
'മികച്ച ശാരീരിക ക്ഷമത'
ലോക ഫുട്ബാളിലെ പിൻനിരയിൽ വന്മതിൽ എന്ന വിശേഷണം റെമോസിന് ആരാധകർ വെറുതെ ചാർത്തികൊടുത്തതല്ല . ഓരോ മത്സരങ്ങളിലും ഏറ്റവും മിനിമം 13 ഉറപ്പുള്ള ഗോൾ അവസരങ്ങൾ റെമോസ് തടഞ്ഞിടാറുണ്ട് .2005 മുതൽ തന്നെ റെമോസ് സ്പാനിഷ് ദേശീയ ഫുട്ബാൾ ടീമിൽ ഭാഗമായി .2010ഇൽ ഫിഫ ലോക കപ്പ് മത്സരത്തിലും സ്പെയിനിനു വേണ്ടി ശക്തനായ പിൻനിരക്കാരനായി റെമോസ് നിലകൊണ്ടു . മികച്ച ശാരീരിക ക്ഷമതയും , വായുവിൽ ഉയർന്ന് പൊങ്ങാനുള്ള കഴിവുമാണ് റെമോസിനെ പിൻനിരയിലും , ഗോൾ നേടുന്നതിലും മികവുള്ള താരമാക്കിയത് .
നാളത്തെ വാഗ്ദാനമാണ് ഫുക്രൂ
ലോകം അത്ഭുദത്തോടെ ഇന്നും നോക്കി കാണുന്നത് സെർജിയോയുടെ ക്രീയേറ്റീവ് ഫുട്ബോളാണ്. മൈതാനത്തിനകത്തും , പുറത്തും സെർജിയോ റെമോസ് പ്രിയങ്കരനാകുന്നത് അതുകൊണ്ടു തന്നെ .ക്രിയേറ്റിവ് മേഖലയിലെ നാളത്തെ വാഗ്ദാനമാണ് ഫുക്രൂ ,മികച്ച സ്പോർട്സ്മാനും , കലാകാരനുമായ ഫുക്രൂ ആരാധക മനസുകളിലും മൈതാനത്തും മിന്നും താരമാകട്ടെയെന്നും രഘു ആശംസിച്ചു.