ജനിപ്പിച്ച സ്വന്തം കുഞ്ഞിനെ ആരെങ്കിലും അടിച്ചൊടിക്കുമോ എനിക്ക് അതുപോലെയാണ്; ഫിറോസ് -സജ്‌ന പറയുന്നു!

നമ്മൾ വീടിന്റെ ഫുൾ വർക്ക് ആ കോൺട്രാക്ടർക്ക് കൊടുത്തിട്ടുണ്ടാരുന്നില്ല. ഇന്റീരിയർ വർക്കൊക്കെ നമ്മൾ മറ്റാളുകളെ ആണ് ഏൽപ്പിച്ചത്. വേറെ കരാർ ഒന്നും ആ കോൺട്രാക്ടറും, ഞങ്ങളുമായി ഉണ്ടായിരുന്നില്ല. ആറുമാസം കൊണ്ട് തീർക്കാവുന്ന പണി രണ്ടുവര്ഷത്തോളമായി അയാൾ കൊണ്ടുനടക്കുകയാണ്. നമ്മളുടെ സ്വപ്ന ഭവനമാണ് ഇത്. ഒരു ലോൺ കൂടി എടുക്കണം എന്നുള്ളതുകൊണ്ട് പണി വേഗം തീർക്കാൻ ആണ് ഞങ്ങൾ അയാളോട് പറഞ്ഞത്. എന്നാൽ വീണ്ടും പണം ആവശ്യപ്പെട്ടു.

ബിഗ് ബോസ് ഉൾപ്പെടെയുള്ള പരിപാടികളിൽ നിന്നും കിട്ടിയ തുക ബൾക്കായിട്ടാണ് അയാൾക്ക് കൊടുത്തത്. ഘട്ടം ഘട്ടം ആയിട്ടല്ല, അയാളെ വിശ്വസിച്ചിട്ട് ഞങ്ങൾ ഒരുമിച്ചു കൊടുക്കും. ഞങ്ങൾ വിളിച്ചാൽ ഫോൺ പോലും പുള്ളി എടുക്കില്ല. പുള്ളി തീർക്കേണ്ട പണി വലിച്ചു നീട്ടികൊണ്ട് പോയി. ഞങ്ങൾ വാടകവീട്ടിൽ ആണ് താമസം. എത്രയും വേഗം ഇങ്ങോട്ട് താമസം ആയാൽ മാത്രമേ പല കാര്യങ്ങളിലും തീരുമാനം ആകൂ എന്നുള്ളതുകൊണ്ടാണ് നമ്മൾ വീടിന് നമ്പർ ഇടനായി ഡോർ ഇടീക്കുന്നത്.

നമ്ബർ ഇട്ടത് പുള്ളി അറിഞ്ഞിരുന്നു. എന്തുകൊണ്ടോ ഇത് അറിഞ്ഞ ശേഷമാണ് ഗുണ്ടായിസം ഇത്രയും ഉണ്ടായത്- ഫിറോസും സജ്നയും ഒരേ സ്വരത്തിൽ പറയുന്നു.

ഇവരുടെ പ്രസ്താവനകൾ ശരിവയ്ക്കുന്ന തരത്തിലാണ് മഴവിൽ കേരളം ചാനലിനോട് അയൽവാസികളും പ്രതികരിച്ചത്. ആ കോൺട്രാക്ടർ പറയുന്നത് തീർത്തും നുണയാണ്. ഞങ്ങൾ ഒരു ബുള്ളറ്റിന്റെ ശബ്ദം കേട്ടിട്ടാണ് ശ്രദ്ധിക്കുന്നത്, ആളിനെയും ഞങ്ങൾ കണ്ടു. അവർ (സജ്‌നക്കും ഫിറോസിനും) കഷ്ടപെട്ടുണ്ടാക്കിയ വീട് അവർ തന്നെ എന്തിനു നശിപ്പിക്കണം അതെല്ലാം നുണകഥകൾ ആണ് എന്നും അയൽവാസികൾ പറഞ്ഞു.

ഞങ്ങൾ കൂടി നിന്നാണ് പണി നടത്തിയത്. ഞങ്ങളുടെ സ്വപ്നം തന്നെയാണ് ഈ അടിച്ചുടച്ചു ഇട്ടത്. ഐശ്വര്യമായി കയറി താമസിക്കേണ്ട വീടാണ് പുള്ളി നശിപ്പിച്ചിട്ടത്. സ്വന്തം കുഞ്ഞിനെ ജനിപ്പിച്ചിട്ട് അടിച്ചു കൈയും കാലും ഒടിച്ചിടുന്ന പോലെ അല്ലെ ഇത്. എനിക്ക് എന്റെ കുഞ്ഞിനെ പോലെയാണ് ഈ വീട്. നമ്ബർ കിട്ടിയപ്പോൾ പോലും ഞങ്ങൾക്ക് വലിയ സന്തോഷം ആയിരുന്നു. അയാൾ ഇങ്ങനെ ചെയ്യും എന്ന് ഒരിക്കലും ഞങ്ങൾ കരുതിയില്ല.- സജ്നയും ഫിറോസും പറയുന്നു.