'നിങ്ങളുടെ ദൈവം ഉടൻ തിരികെ ബിഗ് ബോസിൽ എത്തുമായിരിക്കും; മഞ്ജുവിന്റെ തുറന്ന് പറച്ചിൽ!

ബിഗ് ബോസ് മത്സരാർത്ഥി ആകും മുൻപ് തന്നെ പ്രേക്ഷകരുടെ പ്രിയങ്കരിയായി മാറിയ താരമാണ് മഞ്ജു പത്രോസ്. ഒരു റിയാലിറ്റി ഷോയിലൂടെ തുടങ്ങിയ മഞ്ജുവിന്റെ യാത്ര ബിഗ് ബോസ് വരെ എത്തി നിൽക്കുകയാണ്. ബിഗ് ബോസിൽ എത്തിയ ശേഷം സോഷ്യൽ മീഡിയയിൽ ഒരു വിഭാഗത്തിന്റെ വെറുപ്പ് നേരിടേണ്ടി വന്നെങ്കിലും, പതിവ് ചിരിയിലൂടെ താരം വീണ്ടും പൂർവ്വാധികം ശക്തിയോടെ തന്നെ മുൻപോട്ട് പോവുന്നതും ഉണ്ട്. ബിഗ് ബോസിൽ നിന്നും മടങ്ങിയെത്തിയ താരം പുതിയ ഒരു പരമ്പരയിലൂടെ മിനി സ്ക്രീനിലേക്കും വ്‌ളോഗിങ്ങിലേക്കും മടങ്ങിയെത്തുകയും ചെയ്തു. ഇപ്പോൾ താരത്തിന്റെ പുതിയഎഫ് ബി പോസ്റ്റാണ് വൈറൽ ആയിരിക്കുന്നത്.

ഇന്ന് എനിക്ക് ഒരുപാട് സന്തോഷം ഉള്ള ദിവസമാണ്. കഴിഞ്ഞ 12വർഷത്തോളമായി ഞങ്ങളെ അലട്ടി കൊണ്ടിരുന്ന സാമ്പത്തിക ബാധ്യതകൾ ഇന്ന് തീർന്നു. ഇനിയൊരു ചെറിയ വീടുണ്ടാക്കണം. ബിഗ്ഗ്‌ബോസിനോടും എന്നെ സ്നേച്ചവരോടും നന്ദി എന്നാണ് മഞ്ജു പറയുന്നത്.

ALSO READ: 'എനിക്കത് ഒരിക്കലും തുറന്നു പറയാന്‍ തോന്നിയില്ല'; അച്ഛനെയും രജിത്തിനെയും പറ്റി വീണ നായർ!

ഈ ഒരു ആവശ്യത്തിന് വേണ്ടി ആയിരുന്നു ഞാൻ ബിഗ്ഗ്‌ബോസിലേക്ക് പോയത്. അവിടെ ഞാൻ എന്ന വ്യക്തിയായിട്ട് തന്നെയാണ് നിന്നത്. അത് എന്നെ വിമർശിച്ചവർ പറഞ്ഞ പോലെയാണെങ്കിലും ശരി. എന്റെ നിലപാടുകൾ അന്നും ഇന്നും ഒന്ന് തന്നെ ആണെന്നും മഞ്ജു വ്യക്തമാക്കി. മാത്രമല്ല ഇല്ലാത്ത വാർത്തകൾ ഇക്കിളി വാർത്തകളായി പ്രചരിപ്പിച്ചു വ്യൂസും സബ്സ്ക്രൈബേഴ്സിനെയും നേടുവാൻ നോക്കുന്ന ചില മാധ്യമങ്ങളോടും മഞ്ജു തുറന്നു സംസാരിക്കുന്നുണ്ട്.

ബിഗ് ബോസ് ഒരു ഗെയിംഷോ ആയിരുന്നു. അതവിടെ കഴിഞ്ഞു എന്ന് വിശ്വസിക്കാനാണ് ഞാൻ ആഗ്രഹിക്കുന്നത്.നിങ്ങളുടെ ദൈവം ഉടൻ ബിഗ്ഗ്‌ബോസിൽ തിരികെ എത്തുമായിരിക്കും. അദ്ദേഹത്തെ ഇഷ്ടമുള്ളവർ സപ്പോർട്ട് ചെയ്യാനും വോട്ടുകൾ നൽകാനും മഞ്ജു അഭ്യർത്ഥിച്ചു. മാത്രമല്ല ഉപദ്രവിക്കരുത്
എല്ലാം ഇവിടെ കഴിഞ്ഞു എന്ന് ഞാൻ വിശ്വസിക്കുന്നു. ഇത് ഒരു പുതിയ തുടക്കമാകട്ടെ എനിക്കും നിങ്ങൾക്കുമെന്നും മഞ്ജു എഫ് ബി കുറിപ്പിലൂടെ പറയുന്നു.