19 വയസ്സിന് മുൻപേ ഞാൻ അവളെ കല്യാണം കഴിച്ചു: രാജിനി ചാണ്ടിയുടെ മാപ്പിള!

ബിഗ് ബോസ് മത്സരാർത്ഥി രാജിനി ചാണ്ടി ഇന്ന് മലയാളികളുടെ പ്രിയങ്കരിയായ താരമാണ്. ഷോയിൽ എത്തും മുൻപ് തന്നെ താരം മുത്തശ്ശി ഗദയിലൂടെ പ്രേക്ഷകരുടെ ഇഷ്ടം നേടിയിരുന്നു. ബിഗ് ബോസിന്റെ ഈ സീസണിലെ ഏറ്റവും മുതിർന്ന മത്സരാർത്ഥി, വീട്ടിനുള്ളിൽ ആദ്യം എത്തിയ വ്യക്തി, അതേസമയം എലിമേഷനിലൂടെ പുറത്തായതും രാജിനി ചാണ്ടി തന്നെയാണ്. പക്ഷേ ബിഗ് ബോസ് ഷോയിലൂടെ താരം നേടിയെടുത്ത ജനപ്രീതി തന്നെയാണ് ഇപ്പോൾ താരത്തിന്റെ ജീവിതത്തിൽ വഴിത്തിരിവായിരിക്കുന്നത്.

രാജിനിയും ഭർത്താവും വനിതാ ഫിലിം ഫെയർ അവാർഡിൽ പങ്കെടുക്കാൻ എത്തിയപ്പോഴാണ് രാജിനിയുടെ സ്വന്തം മാപ്പിള ചാണ്ടി വാചാലൻ ആകുന്നത്. എങ്ങിനെയാണ് ഇത്ര ഇൻസ്പിരേഷൻ രാജിനിക്ക് നൽകുന്നത് എന്ന അവതാരകയുടെ ചോദ്യത്തിനാണ് ചാണ്ടി മറുപടി നൽകിയത്.

ALSO READ: റോണ്‍സണ്‍ വീണ്ടും വിവാഹം കഴിച്ചാൽ ആർക്കാണ് നഷ്ടം; ചോദ്യമുയർത്തി സോഷ്യൽ മീഡിയ!

"പത്തൊൻപത് വയസ്സിന് മുമ്പേയാണ് ഞാൻ വിവാഹം കഴിച്ചത്. അത് കഴിഞ്ഞിട്ട് രാജിനിക്ക് ആവശ്യമുള്ള ഫീൽഡിൽ എല്ലാം ഞാൻ എൻകറേജ് ചെയ്തു. ഞങ്ങൾ മുംബൈയിൽ ആയിരുന്നു വളരെ നാൾ. അവിടെ ഞങ്ങളുടെ സൊസൈറ്റിയിലും ആ സർക്കിളിലും വളരെ പോപ്പുലർ ആയിരുന്നു. ഇവിടെ വന്നു റിട്ടയർമെന്റ് കഴിഞ്ഞിട്ട് പുള്ളി ആക്റ്റീവ് ആയിരുന്നു"

" ആലുവായിൽ ആണ് ഞങ്ങൾ താമസം. അവിടെയും കൂട്ടുകാരുടെ ഒരു സർക്കിൾ ഉണ്ടായിരുന്നു. പെട്ടെന്ന് ആണ് 65 ആം വയസ്സിൽ സിനിമയിലേക്ക് അഭിനയിക്കാൻ പോകുന്നത്. അത് ഇവളുടെ ഒരു ബബ്ലി പ്രകൃതം ഒക്കെ കണ്ട് ആണ് വിളി വന്നത്. എന്നോട് ചോദിച്ചപ്പോൾ സമ്മതിച്ചു. ഇത്ര കേന്ദ്ര കഥാപത്രം ആണ് എന്നൊന്നും അറിഞ്ഞിരുന്നില്ല. പുറത്തുവന്നപ്പോൾ ആണ് കൂടുതൽ കാര്യങ്ങൾ മനസിലായത്" ചാണ്ടി പറയുന്നു.

ഇപ്പോൾ സെലിബ്രിറ്റികൾ ആയില്ലേ എന്ന അവതാരകയുടെ ചോദ്യത്തിന് മറുപടി നൽകിയത് രാജിനി ചാണ്ടിയാണ്. ഞങ്ങൾ പണ്ടും ഇപ്പോഴും എന്നും ഒരേപോലെയാണ്. ഞങ്ങൾക്ക് മാറ്റം ഒന്നും വന്നിട്ടില്ലെന്നും അവർ വ്യക്തമാക്കി.