കാലം കാത്തുവച്ച ദിനം! അവഹേളിക്കപ്പെട്ടപ്പോളും, വേട്ടയാടപ്പെട്ടപ്പോഴും കാത്തിരുന്നത് ഈ നിമിഷത്തിനുവേണ്ടി; ലോവലിന്റെ വാക്കുകൾ!

2019 ലാണ് കേരള സംസ്ഥാന ടെലിവിഷൻ പുരസ്ക്കാരം എനിക്ക് ലഭിക്കുന്നത്... ആ സന്തോഷം പറഞ്ഞറിയിക്കാൻ കഴിയാത്തതാണ് എനിക്ക് ... പലരും ആ സന്തോഷം വിളിച്ചറിയിക്കുകയും അനുമോദിക്കുകയും ചെയ്തിരുന്നു ...കഴിഞ്ഞ കുറച്ചുകാലങ്ങളായി എന്റെ ജീവിതത്തിലെ എല്ലാ നല്ല നിമിഷങ്ങളും ഞാൻ ഈ മുഖപുസ്തകത്തിലൂടെ നിങ്ങൾക്കുമുന്നിൽ പങ്കിടാറുണ്ട്- ലോവൽ പറഞ്ഞുതുടങ്ങുന്നു.

ഇന്നിപ്പോൾ പറയാൻ ആഗ്രഹിക്കുന്നതും അതുപോലൊരു സന്തോഷനിമിഷമാണ്... ജീവിതത്തിലെ കയ്പ്പേറിയ നിമിഷങ്ങളിൽ വേട്ടയാടപ്പെട്ടപ്പോളും സമൂഹത്തിനുമുന്നിൽ അവഹേളിക്കപ്പെട്ടപ്പോളും ഒന്നുമാത്രം ഞാൻ ഉറപ്പിച്ചിരുന്നു അഭിമാനത്തിന്റെ ഒരുനാൾ കാലമെനിക്കായ് കരുതിവയ്ക്കുമെന്ന്, ആദരിക്കപ്പെടുമെന്ന്.

ജീവിതത്തിൽ കുഞ്ഞ് കാര്യങ്ങൾപോലും വലിയ രീതിയിൽ അഭിമാനിക്കുന്നൊരാളാണ് ഞാൻ- എന്നും ലോവൽ പോസ്റ്റിൽ പറയുന്നു. ജനിച്ചനാൾമുതൽ കേട്ടുണരുന്നത് പൊങ്ങുമൂട് പുളിക്കൽ ഭാഗവതിയുടെ മുന്നിലെ മണിയടിശബ്ദം കേട്ടാണ്. എല്ലാ ദുഖങ്ങളും സന്തോഷങ്ങളും ആഗ്രഹങ്ങളും പുളിക്കൽ അമ്മയ്ക്കുമുന്നിലാണ് സമർപ്പിക്കുന്നതും.. ഇന്നതേ അമ്മയ്ക്കുമുന്നിൽ,എന്നും കാണുന്ന ജനങ്ങൾക്കുമുന്നിൽവച്ച് ഞാൻ ആദരിക്കപ്പെട്ടു.

എന്റെ പ്രിയപ്പെട്ട നാട്ടുകാരോടും,പോങ്ങുമൂട് പുളിക്കൽ ഭഗവതി ക്ഷേത്ര ട്രസ്റ്റ്‌ ഭാരവാഹികളോടും സ്നേഹവും നന്ദിയും എങ്ങനെ പ്രകടിപ്പിക്കണം എന്നെനിക്കറിയില്ല. ഏത് പുരസ്‌ക്കാരത്തേക്കാളും വിലമതിക്കാൻ ആകാത്തതാണ് എന്റെ സ്വദേശം എനിക്കുതന്ന ഈ ആദരവ്- - ലോവൽ മുൻപൊരിക്കൽ പങ്കിട്ട പോസ്റ്റിലാണ് ഇക്കാര്യം പറയുന്നത്.

എഴുത്തിന്റെ മാത്രം ലോകത്ത് ജീവിക്കുന്ന കേരള സ്റ്റേറ്റ് ഫിലിം അവാർഡ് അടക്കം നിരവധി പുരസ്‌ക്കാരങ്ങൾ ഏറ്റുവാങ്ങിയ ഒരച്ഛന്റെ മകനായിട്ടും എഴുത്തിന്റെ ലോകത്തേക്ക് എത്തിനോക്കാൻപോലും ശ്രമിക്കാത്തൊരാളാണ് ഞാൻ. എല്ലാം അമ്മയ്ക്കുമുന്നിൽ സമർപ്പിച്ചുകൊണ്ട് മുന്നോട്ട്- എന്നു പറഞ്ഞുകൊണ്ടാണ് ലോവൽ പോസ്റ്റ് അവസാനിപ്പിക്കുന്നത്.