എനിക്കും ഉണ്ട് പ്രണയം; വിവാഹം ഉടൻ ഉണ്ടാകും; ചന്ദനമഴയിലെ അമൃത പറയുന്നു!

തമിഴ്, മലയാളം സീരിയലുകളില്‍ സുപരിചിതയായ വിന്ദുജ മ്യൂസിക് ആല്‍ബങ്ങളിലും തിളങ്ങിയിട്ടുണ്ട്. മഴവില്‍ മനോരമയിലെ ആത്മസഖിയിലും, അമൃത ടിവിയിലെ കാളിഖണ്ഡിക എന്ന സീരിയലിലും വിന്ദുജയുടെ വേഷം ശ്രദ്ധേയമായിരുന്നു.

താരജാഡയില്ലാതെ ഇൻഡസ്ട്രിയിൽ നിൽക്കുന്ന ചുരുക്കം താരങ്ങളിൽ ഒരാൾ കൂടിയാണ് വിന്ദുജ. ഒരിടത്ത് ഒരു രാജകുമാരിയിൽ വിന്ദുജയുടെ അഭിനയപ്രകടനത്തിന് ആരാധകർ നിറഞ്ഞ കൈയ്യടിയാണ് ലഭിച്ചത്. ഒരു സാധാ നാട്ടിൻപുറത്തുകാരിയുടെ വേഷത്തിൽ പരമ്പരയിൽ എത്തുന്ന വിന്ദുജ യഥാർത്ഥ ജീവിതത്തിൽ മോഡേൺവേഷങ്ങളിൽ ആണ് അധികവും നിറയുന്നത്..

വിന്ദുജയെ കുറിച്ച് ഏറെ ഇറങ്ങിയ ഗോസ്സിപ് താരത്തിന് അഹങ്കാരം ആണെന്നുള്ളതാണ്. എന്നാൽ താൻ സാധാ ഒരു പെൺകുട്ടിയാണ് എന്നും, ശബ്ദത്തിലെ ട്യൂൺ കേട്ടതുകൊണ്ട് ആകും ആളുകൾ എനിക്ക് അഹങ്കാരം ആണെന്ന് കരുതി പോരുന്നതെന്നും കോഡെക്സ് മീഡിയയിൽ മുൻപ് നൽകിയ അഭിമുഖത്തിൽ താരം പറയുന്നു.

യഥാർത്ഥ ജീവിതത്തിൽ തനിക്ക് പ്രണയം തീർച്ചയായും ഉണ്ട്. അതിൽ കള്ളം പറയണ്ട കാര്യം ഇല്ല. പക്ഷെ ലവർ എന്നൊന്നും പറയാൻ ആഗ്രഹിക്കുന്നില്ല. അതൊക്കെ കോളേജ് കുട്ടികൾക്ക് ആണ് ചേരുക. വിവാഹം ഉടനെ ഉണ്ടാകുമെന്നും വിന്ദുജ പറയുന്നു.