പാർട്ട് ടൈം ജോബ്; പ്രണയം, വിവാഹം കുടുംബം;നിങ്ങളുടെ ആനന്ദിന് പറയാൻ വിശേഷങ്ങൾ ഏറെ!

അനിമേഷനാണ് ആദ്യം ചെയ്തത്. പിന്നീട് ഞാൻ ഇന്റീരിയർ ഡിസൈനർ ആയി മാറുകയും സ്വന്തമായി സ്ഥാപനമിട്ടു ജോലി നോക്കി വരികയും ആയിരുന്നു. രണ്ടു വര്ഷം ആയിട്ടേ ഒള്ളൂ അഭിനയരംഗത്തേക്ക് എത്തിയിട്ട്. അതും ജീവിത്തിൽ അഭിനയത്തിന്റെ ബാല പാഠങ്ങൾ അല്ലെങ്കിൽ അഭിനയ ജീവിതത്തിൽ ഒരു മാർഗ്ഗദീപം ആയി നിലനിന്നത് സംവിധായകൻ ഡോ. ജനാർദ്ദനൻ സാർ ആണ്. അദ്ദേഹത്തിന്റെ നീര്മാതളം എന്ന പരമ്പരയിൽ കൂടിയാണ് ഞാൻ അഭിനയ രംഗത്തേക്ക് എത്തുന്നത്. തികച്ചും അപ്രതീക്ഷിതമായിരുന്നു എന്റെ അഭിനയ ജീവിതത്തിലേക്കുള്ള കാൽ വയ്പ്പ്. ഫോട്ടോ കണ്ട് ഇഷ്ടപെട്ടുകൊണ്ടാണ് അദ്ദേഹം എന്നെ അഭിനയിക്കാൻ വിളിക്കുന്നത്. ലൊക്കേഷൻ എന്ന സംഭവം തന്നെ അറിയുന്നത് നീർമാതളത്തിലൂടെയാണ്. അദ്ദേഹമാണ് അതിനുള്ള ഭാഗ്യം തന്നത്.

ആദ്യത്തെ സീരിയലിലും എന്റെ കഥാപാത്രത്തിന്റെ പേര് ആനന്ദ് എന്ന് തന്നെ ആയിരുന്നു.ചെമ്പരത്തിയിലും ഞാൻ ആനന്ദായി തന്നെയാണ് എത്തുന്നത്. അതിന്റെ സന്തോഷം ഇല്ലേയെന്നു ചോദിച്ചാൽ സന്തോഷം ഉണ്ട്. ഈ മേഖലയിലേക്ക് എത്താൻ ആയതിൽ ഒരുപാട് സന്തോഷവും ഉണ്ട്.മാത്രവുമല്ല ഇപ്പോൾ ചെമ്പരത്തിയിൽ എത്തിയ ശേഷമാണ് കൂടുതൽ ആളുകൾ എന്നെ തിരിച്ചറിയാൻ തുടങ്ങുന്നത്. അതിൽ ഒരുപാടധികം സന്തോഷം.

എനിക്ക് പൊതുവെ വില്ലൻ കഥാപത്രങ്ങളോടാണ് ഇഷ്ടം. കാരണം ദേഷ്യപ്പെടാനുള്ള റോളുകൾ വന്നാൽ എനിക്ക് വളരെ ഭംഗിയായി ചെയ്യാനാകും, അതെ സമയം കരയുന്ന സീനുകൾ വന്നാൽ വളരെ കഷ്ടമാണ്. ആ സീനുകൾ എടുക്കാൻ ബുദ്ധിമുട്ട് തോന്നിയിട്ടുണ്ട്. എന്നുകരുതി ഇതേ കഥാപാത്രങ്ങൾ മാത്രമേ ചെയ്യൂ എന്നൊന്നും ഇല്ല. ചെയ്യാൻ പറ്റുന്ന നല്ല കഥാപാത്രങ്ങൾ എന്ത് കിട്ടിയാലും ചെയ്യാൻ എനിക്ക് മടിയില്ല. ബിഗ് സ്ക്രീനിലേക്ക് പോകാൻ മടിയൊന്നുമില്ല. നല്ല വേഷങ്ങൾ കിട്ടിയാൽ അതും പരീക്ഷിക്കാൻ തായറെടുക്കുന്നു.

ഒരു മാസം എല്ലാ ദിവസവും ഷൂട്ട് ഉണ്ടാകില്ലല്ലോ. വീടിനുള്ളിൽ വെറുതെ ഇരിക്കുന്ന ഒരുപാട് സന്ദർഭങ്ങൾ ഉണ്ട്. അപ്പോൾ ജോലിക്കു വേണ്ടി തന്നെ ഇട്ട പോസ്റ്റാണ് അത്. ഞാൻ പറഞ്ഞല്ലോ ഞാൻ ഇന്റീരിയർ ഡിസൈനർ ആണ്. അപ്പോൾ ചെയ്ത വന്ന പ്രൊഫഷൻ മറക്കാതെ ഇരിക്കുന്നത് നല്ലതാണെന്നു തോന്നി. മാത്രവുമല്ല, ഞാൻ എന്റെ തൊഴിലിനെ അത്രയധികം ബഹുമാനിക്കുന്ന ഒരാൾ കൂടിയാണ്. അതുകൊണ്ടുതന്നെ ജോലി ചെയ്യാൻ എനിക്ക് മടിയൊന്നും ഇല്ല.

എല്ലാവര്ക്കും പ്രണയം ഉണ്ടല്ലോ, പ്രണയം ഇല്ലാത്തവർ ആരാണ് ഉള്ളത് (ചിരിക്കുന്നു). വിവാഹ സങ്കല്പങ്ങൾ എന്നൊന്നും പറയാനില്ല. വിവാഹം കഴിക്കണം. സമയം ആകട്ടെ അപ്പോൾ എല്ലാം അതിന്റെ വഴിയേ നടക്കും.അച്ഛനും അമ്മയും, അനിയനും അനുജത്തിയും അടങ്ങുന്നതാണ് എന്റെ കുടുംബം.