നീണ്ടനാളത്തെ കാത്തിരിപ്പിനൊടുവിൽ അവർ ഒന്നായി; ആശംസകളുമായി റിഷിയും!

താരവിവാഹങ്ങള്‍ അവസാനിക്കുന്നില്ല. ഒന്നിന് പിന്നാലെ ഒന്നൊന്നായി വിവാഹങ്ങളാണ്. പൊതുവെ വിവാഹത്തിന്റെ സമയം കൂടിയാണിത്. ഡി ഫോര്‍ ഡാന്‍സ് എന്ന റിയാലിറ്റി ഷോയിലൂടെ പ്രേക്ഷകര്‍ക്ക് സുപരിചിതനായി മാറിയ കുക്കുവെന്ന സുഹൈദിന്റെ വിവാഹമായിരുന്നു വ്യാഴാഴ്ച. വിവാഹ വിരുന്നിന്റെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. ഇവരുടെ പ്രണയകഥയും വിവാഹവാര്‍ത്തയും മെഹന്ദി ചടങ്ങിനിടയിലെ ചിത്രങ്ങളുമൊക്കെ സോഷ്യല്‍ മീഡിയയിലൂടെ വൈറലായി മാറിയിരുന്നു.

നീണ്ടനാളത്തെ കാത്തിരിപ്പിനൊടുവിലായാണ് കുക്കുവും ദീപയും ഒരുമിച്ചത്. ഇവരുടെ വിവാഹത്തില്‍ പങ്കെടുക്കാനായി സിനിമാലോകത്ത് നിന്നുള്ളവരും എത്തിയിരുന്നു. പ്രിയ പ്രകാശ് വാര്യര്‍, റോഷന്‍ കരിക്കിലൂടെ ശ്രദ്ധ നേടിയ അനഘ തുടങ്ങിയവര്‍ വിവാഹവിരുന്നില്‍ പങ്കെടുക്കാനായി എത്തിയിരുന്നു. 7 വര്‍ഷത്തെ പ്രണയത്തിനൊടുവിലായാണ് ഇരുവരും ഒരുമിച്ചത്. ഹല്‍ദി ചടങ്ങിന്റെ ചിത്രങ്ങള്‍ പുറത്തുവന്നതോടെയാണ് കുക്കുവിന്റെ പ്രണയം പരസ്യമായത്.

ALSO READ : സൗഭാഗ്യയെ അർജുന് അല്ലാതെ ലോകത്ത് വേറാർക്കും ഞാൻ കൊടുക്കില്ല'; നിറകണ്ണോടെ താര!

ബിഗ് ഡേയ്ക്ക് വേണ്ടി കാത്തിരിക്കുകയായിരുന്നു തങ്ങളെന്നും കൂടെ നിന്നവര്‍ക്കും ചേര്‍ത്തുപിടിച്ചവര്‍ക്കും നന്ദിയെന്നും കുക്കു ഇന്‍സ്റ്റഗ്രാമില്‍ കുറിച്ചിരുന്നു. ഡി ഫോര്‍ ഡാന്‍സില്‍ നിന്നും ബിഗ് സ്‌ക്രീനിലേക്കെത്തിയ കുക്കു ഇതിനകം തന്നെ നിരവധി സിനിമകളില്‍ അഭിനയിച്ച് കഴിഞ്ഞിട്ടുണ്ട്. ഉപ്പും മുളകിലെ മുടിയനെ അവതരിപ്പിക്കുന്ന റിഷിയുള്‍പ്പടെ നിരവധി പേരാണ് ഇവര്‍ക്ക് ആശംസ അറിയിച്ച്് എത്തിയിട്ടുള്ളത്.