സുഹൈദ് കുക്കുവിന് വിവാഹം; വധു ദീപ; വീട്ടിൽ സീനാണോയെന്ന് ആരാധകർ!

മഴവില്‍ മനോരമയിലെ ഡി ഫോര്‍ ഡാന്‍സ് എന്ന പരിപാടിയിലൂടെ മലയാളികള്‍ക്ക് സുപരിചിതനായ കുക്കു (സുഹൈദ് കുക്കു) വിവാഹിതനാകുന്നു. നിരവധി സിനിമകളിലും വേഷമിട്ടിട്ടുള്ള സുഹൈദ് കുക്കു ദീപ പോളിനെയാണ് വിവാഹം ചെയ്യുന്നത്. ഇന്നാണ് ഇരുവരുടെയും വിവാഹം. ഇരുവരുടെയും ഹൽദി ആഘോഷത്തിന്റെ ചിത്രങ്ങൾ ഇപ്പോൾ വൈറലാകുന്നുണ്ട്. ഇരുവരും ഒരേ നിറത്തിലുള്ള ഡ്രെസ്സുകൾ ധരിച്ചാണ് ചടങ്ങിൽ പങ്കെടുത്തത്.

ഇരുവരും തമ്മിലുള്ള ചിത്രങ്ങൾ പങ്കു വച്ച് കൊണ്ട് സുഹൈദ് സോഷ്യൽ മീഡിയയിൽ കുറിച്ചതിങ്ങനെ.

"ഏഴുവർഷത്തെ സൗഹൃദം, പ്രണയം, ഫൈറ്റ്. അവസാനം ഞങ്ങളുടെ ബിഗ് ഡേയ്ക്ക് വേണ്ടി കാത്തിരിക്കുന്നു. കൂടെ നിന്നവർക്കും ചേർത്തുപിടിച്ചവർക്കും ഒരുപാട് നന്ദി."

ALSO READ: റോയ്‌സ് വിവാഹിതനാകുന്നു; വധു സോണിയ;

നിരവധിയാളുകളാണ് സുഹൈദിനും ദീപയ്ക്കും ആശംസയുമായി എത്തുന്നത്. മുത്തേ, അഭിനന്ദനങ്ങൾ. ഇനി ഒന്നും നോക്കണ്ട പൊളിച്ചോ, ഹാപ്പി മാരീഡ് ലൈഫ്‌ എന്നാണ് ഉപ്പും മുളകിലെ മുടിയൻ കുക്കുവിന് ആശംസ നേർന്നു കൊണ്ട് കുറിച്ചത്.

അതേ സമയം ഇരുവരുടെയും വിവാഹത്തിനെതിരെയും ചിലർ കമന്റുകൾ പങ്ക് വയ്ക്കുന്നുണ്ട്. ഇന്റർ റിലീജിയസ് മാര്യേജ് ആണെന്നും കാക്ക കൊത്തി പോയെന്നും, വീട്ടിൽ കേറ്റുമോ എന്നും ചിലർ കമന്റുകൾ ഇട്ടു രംഗത്ത് വന്നിട്ടുണ്ട്.