ഹാൻ പറഞ്ഞ മലയാളി ഹൗസ് താരമായ ഡാലു; ഡിംപലുമായുള്ള ആഗാധമായ ആ ബന്ധത്തിന് ഉലച്ചിൽ ഉണ്ടായതെപ്പോൾ? ഈ ഡാലു ശരിക്കും ആരാണ്: വിശേഷങ്ങൾ!

റീമ കല്ലിങ്കല്‍ ഫസ്റ്റ് റണ്ണറപ്പായ മിസ് കേരള മത്സരത്തിൽ കൊറിയോഗ്രാഫി ചെയ്ത ഡാലു കൃഷ്ണദാസ്, മലയാളി ഹൌസ് താരമായ ഡാലു, അങ്ങനെ പല വിശേഷണങ്ങൾ ഉള്ള താരം കോഴിക്കോടുകാരനാണ്. സിനിമകള്‍ക്ക് വേണ്ടി കാസ്റ്റിങ്ങും ടി.വി. സീരിയലില്‍ ആര്‍ട്ടിസ്റ്റുകളെ തിരഞ്ഞെടുക്കുന്ന മത്സരങ്ങളിലും ഡാലു സജീവ സാന്നിധ്യമായിരുന്നു.

വർഷങ്ങൾ ആയി ഡാലു ഫാഷൻ ഡിസൈൻ രംഗത്ത് സജീവമാണ്. ജനിച്ചത് കോഴിക്കോടാണെങ്കിലും പഠിച്ചതും വളർന്നതും ഉൗട്ടിയിലായിരുന്നു. നിരവധി ഷോകളുടെയും പരസ്യ മോഡലുകളുടെയും കോറിയോഗ്രാഫികള്‍ ഇതിനകം ഡാലു ചെയ്തുകഴിഞ്ഞു.

ഹോട്ടൽ മാനേജ്മെന്റ് ബിരുദമെടുത്ത ഡാലു ബെംഗലൂരു എഐഫ് ടി ഫാഷൻ ഡിസൈനിങ് ഇൻസ്റ്റിറ്റ്യൂട്ടിൽ നിന്നാണ് ഫാഷൻ ഡിസൈനിങ് പഠിക്കാൻ പ്രവേശനം നേടിയത്. അതുവഴിയാണ് ഡാലുവിന്റെ സ്വപ്നങ്ങൾക്ക് ചിറക് വച്ചത്. അങ്ങനെയാണ് ആദ്യം ഡിസൈനിങ്ങിലേക്കും പിന്നീട് കൊറിയോഗ്രാഫിയിലേക്കും ഡാലു തിരിയുന്നത്.

ആയിരത്തിലേറെ ഫാഷൻ ഷോകൾ, ഫാഷൻ വീക്കുകൾ ചെയ്തിട്ടുള്ള ഡാലു നിരവധി തവണ തെക്കേ ഇന്ത്യയിലെ മികച്ച ഫാഷൻ കൊറിയോഗ്രഫർക്കുളള അവാർഡ് സ്വന്തം ആക്കിയ വ്യക്തികൂടിയാണ്. ഇന്ത്യയിലെ മികച്ച ക്രിയേറ്റീവ് ഫാഷൻ കൊറിയോഗ്രഫർ പുരസ്കാരം നേടിയ ഡാലുവിന്റെ സോഷ്യൽ മീഡിയ അകൗണ്ടുകൾ പരിശോധിച്ചാൽ തന്നെ ആളെ കൃത്യമായും മനസിലാകും.

ഡിംപലിന്റെ പ്രിയ സുഹൃത്ത് ഹാൻ പറഞ്ഞ ഡാലു ഇതാണ് എന്ന് പിന്നീടാണ് സോഷ്യൽ മീഡിയയയ്ക്ക് മനസിലാകുന്നത്. ഹാൻ പറഞ്ഞ ചില കാര്യങ്ങൾ സത്യമായിരുന്നോ എന്ന് ഡിംപലിന്‌ ഒപ്പം ഡാലു പങ്കിട്ട ചിത്രങ്ങൾ കണ്ടാൽ ഏതൊരാൾക്കും സംശയം തോന്നിപോകും.

തന്റെയും ഡാലുവിന്റെയും പ്രിയപ്പെട്ടവൾ ആയിരുന്നു ഡിംപൽ എന്നും, ബിഗ് ബോസിൽ പോകുന്ന വിവരം ഞങ്ങളോട് പറഞ്ഞില്ലെന്നും കഴിഞ്ഞ ദിവസവും ഹാൻ വ്യക്തമാക്കി. മാത്രമല്ല ഡിംപൽ തങ്ങളുമായി വർഷങ്ങളായുള്ള സൗഹൃദം ആയിരുന്നു. ഇടക്ക് എന്താണു സംഭവിച്ചത് എന്ന് അറിയില്ലെന്നും ഹാൻ പറഞ്ഞിരുന്നു.

ഡാലുവിന്റെ ഇൻസ്റ്റ പോസ്റ്റിൽ നിന്നും തനിക്ക് ഏറെ പ്രിയപ്പെട്ട വ്യക്തിയായിരുന്നു ഡിംപൽ എന്ന് മനസിലാക്കാൻ കഴിയും. ഇത്രയും അഗാധമായ ബന്ധത്തിന്റെ ഇടയിൽ എപ്പോഴാണ് വിള്ളൽ ഉണ്ടായതെന്നും ഇപ്പോൾ ബിഗ് ബോസ് പ്രേമികൾ ചോദിക്കുന്നു.