ഞാനും ഏട്ടനും വേർപിരിയുന്നു; അനുഭവിക്കാവുന്നതിന്റെ മാക്സിമം അനുഭവിച്ചു; അത്രത്തോളം ഉപദ്രവിച്ചിട്ടുണ്ട്; ജീവിതം നഷ്‌ടമായി; ദീപ്തി

എന്റെ പേഴ്സണൽ വിവരങ്ങൾ ഒന്നും ഞാൻ അങ്ങനെ സോഷ്യൽ മീഡിയ വഴി പറയാത്ത ആളായിരുന്നു. എന്നാൽ ചില കാര്യങ്ങൾ പറയാതിരിക്കാൻ ആകില്ല. അതിനെ ഏതുരീതിയിൽ എടുക്കും എന്ന് അറിയില്ല. എന്നെ കൃത്യമായി അറിയുന്ന ചില ആളുകൾക്ക് എല്ലാം അറിയുന്നതാണ്. ഒരാളെയും നമ്മൾ ബുദ്ധിമുട്ടിക്കാൻ പാടില്ല എന്നുണ്ടായിരുന്നു. എന്നാൽ എന്നെ കൊണ്ട് ഇത് പറയിക്കുന്നതാണ്. എല്ലാവർക്കും എന്റെ ഏട്ടനെ ഞാൻ പറഞ്ഞതുകൊണ്ടാണ് അറിയുന്നത്. ഞാൻ കൊടുത്ത ബഹുമാനം ആണ് നിങ്ങൾക്ക് അറിയുന്നത്- എന്നാൽ അതൊന്നും അല്ല സത്യം- ദീപ്തി പറയുന്നു

ഞാനും ഏട്ടനും വേർപിരിയുന്നു എന്ന് കണ്ടപ്പോൾ നിങ്ങൾക്ക് അത് ഷോക്കായി എന്ന് മനസിലായി. ഞങ്ങൾ പൂർണ്ണ സന്തോഷത്തോടെ ആണ് പിരിയാൻ തീരുമാനിച്ചത്. ഒരുമിച്ചു പോകാൻ ആകാത്തത് കൊണ്ടാണ് വേർപിരിഞ്ഞത്. പലരും ഇതേ കാര്യം രഹസ്യമായി പറയുന്നുണ്ട്, ഇനി ആരും രഹസ്യമായി പറയണ്ട അതുകൊണ്ടാണ് ഞാൻ തന്നെ തുറന്ന് പറയുന്നത്. ഇത്രയും നാളും എന്റെ മനസ്സ് പറഞ്ഞ കാര്യങ്ങൾ ആണ് ഞാൻ ചെയ്തിട്ടുള്ളത്. ഞാൻ ആരുടെ മുൻപിലും എന്നെ അടിയറവ് വയ്ക്കാൻ ഉദ്ദേശിക്കുന്നില്ല. നമ്മുടെ ജീവിതം ആണ് നമ്മൾ ആണ് അതിന് എന്ത് വന്നാലും ഉത്തരവാദികൾ-

രണ്ടുവർഷമായി നടത്തിയ ആലോചനയുടെ തീരുമാനം ആണ്. വീട്ടിൽ നമ്മുടെ വിഷയങ്ങൾ എത്തിയിട്ട് ആറു മാസത്തോളം മാത്രമേ ആയിട്ടുള്ളൂ. ഞാൻ വീട്ടുകാരെ ഡിപ്പെൻഡ് ചെയ്തതല്ല ജീവിക്കുന്നത്. എന്റെ ജീവിതത്തിൽ എല്ലാം നല്ല രീതിയിൽ മുൻപോട്ട് പോയ്കൊണ്ടിരിക്കുകയായിരുന്നു. എന്നാൽ അതിന്റെ ഇടയ്ക്കാണ് ഏട്ടൻ ആൽക്കഹോളിന് അഡിക്റ്റ് ആകുന്നത്. ഡീ അഡിക്ഷൻ സെന്ററിൽ ഒക്കെ കൊണ്ട് പോയിരുന്നു. എന്നാൽ ഒരു മാറ്റവും ഉണ്ടായില്ല- ദീപ്തി പറയുന്നു.

കുടിച്ചിട്ട് ഒരുപാട് ഉപദ്രവിക്കുകമായിരുന്നു. എന്നെ ശരിക്കും ഉപദ്രവിച്ചിട്ടുണ്ട്. ഞാൻ ആരോടും പറഞ്ഞിട്ടില്ല. എപ്പോഴോ കൊടുത്ത ഒരു വാക്ക് അതിന്റ പേരിൽ ഞാൻ ഒരുപാട് സഹിച്ചു. ഭർത്താവിന്റെ വീട്ടിൽ പോയി നിക്കാത്തതുകൊണ്ട് പലരും ചോദ്യങ്ങൾ ചോദിച്ചിരുന്നു. എന്നാൽ അതൊക്കെ എന്റെ സേഫ്റ്റിക്ക് വേണ്ടിയാണു ഞാൻ നിക്കാതെ ഇരുന്നത്. ഏട്ടൻ ഇവിടെയും വന്നു നിക്കുമായിരുന്നു. എല്ലാ കാര്യങ്ങളും ഞാൻ ഏട്ടനെ ഏൽപ്പിച്ചിരുന്നു. കാരണം ബിസി ആയിരുന്നാൽ മദ്യപാനത്തെ കുറിച്ച് ചിന്തിക്കാതെ ഇരിക്കാൻ വേണ്ടിയാണു അങ്ങനെ ചെയ്തത്. എന്റെ വീട്ടുകാർ ഏട്ടനെ സ്വന്തം മകനെ പോലെയാണ് കണ്ടത്. എന്നിട്ടും മാറ്റം ഉണ്ടായില്ല

ഞാൻ എടുത്ത തീരുമാനം തെറ്റല്ല. ഞാൻ അനുഭവിച്ചത് അത്രത്തോളം ഉണ്ടായിരുന്നു. പല വീഡിയോസിലും ഞാൻ പറഞ്ഞിട്ടുണ്ട് എനിക്ക് ഉറങ്ങാൻ പറ്റുന്നില്ല എന്ന്. ഉറങ്ങാൻ പറ്റാത്തത് ആണോ ഉറക്കാത്തത് ആണോ എന്ന് ഞാൻ പറഞ്ഞിട്ടില്ല ഇത് വരെ. നെഗറ്റീവ് ഉള്ളപ്പോഴും ജീവിതത്തിലെ പോസിറ്റീവ് കണ്ട് ആശ്വസിക്കുകയായിരുന്നു ഞാൻ ഇത് വരെ. ഏട്ടന്റെ കൃഷിയും കാര്യങ്ങളും ഞാൻ പറഞ്ഞത്, അദ്ദേഹത്തിന് മാറ്റങ്ങൾ വരും എങ്കിൽ വരട്ടെ എന്നോർത്തിട്ടാണ്. എന്നെ കുറിച്ച് മോശം ആയി ഇപ്പോഴും പറഞ്ഞുകൊണ്ടിരിക്കുന്നു.

നിയമപരമായി ഞാൻ മുൻപോട്ട് പോകുകയാണ്. സാമൂഹിക ജീവിതത്തിനു വേണ്ടി കുടുംബം വേണ്ട എന്ന് ഞാൻ വച്ച് എന്നൊക്കെയാണ് ആളുകൾ പറയുന്നത്. എന്നാൽ ആദ്യം മുതലെ ഭർത്താവ് മദ്യപാനിയാണ്, ഉപദ്രവിക്കുന്നു എന്ന് പറഞ്ഞുകൊണ്ട് എനിക്ക് റീച്ച് ഉണ്ടാക്കേണ്ട കാര്യം ഇല്ലായിരുന്നു. അതുകൊണ്ടാണ് ഒന്നും പറയാതെ ഇരുന്നത്. മാത്രമല്ല കൂടെ നിർത്തിക്കൊണ്ട് കുറ്റപ്പെടുത്തേണ്ട കാര്യം ഉണ്ടായിരുന്നില്ല. മാർച്ച് അവസാനം ഡീ അഡിക്ഷൻ സെന്ററിൽ നിന്നും ഏട്ടൻ ഇറങ്ങിയപ്പോഴും ഞാൻ പ്രതീക്ഷിച്ചിരുന്നു മാറ്റങ്ങൾ. എന്നാൽ ഒന്നും സംഭവിച്ചില്ല

ഞാൻ എടുത്ത തീരുമാനം ഉറച്ചതാണ്. അത് നല്ലതായാലും,ചീത്ത ആയാലും ഞാൻ ആണ് അത് നേരിടേണ്ടത്. അനുഭവിച്ചത് അത്രയും ഞാൻ ആണ്. ഇപ്പോഴും അനുഭവിക്കുന്നതും ഞാൻ ആണ്. ഈ തീരുമാനം ഞാൻ എടുക്കാൻ വൈകി എന്നാണ് എനിക്ക് തോന്നുന്നത്. കാരണം എന്റെ അനുകമ്ബ കൊണ്ട്. അവസരങ്ങൾക്ക് മേലെ അവസരങ്ങൾ ഞാൻ കൊടുത്തുകൊണ്ട് ഇരിക്കുകയായിരുന്നു. എന്നാൽ ഒരുമാറ്റവും ഉണ്ടായില്ല. എനിക്ക് ഇപ്പോൾ ആളുമായി ഒരു കോണ്ടാക്റ്റും ഇല്ല. ഈ തീരുമാനം ഉറച്ചതാണ് - ദീപ്തി പറയുന്നു.