ഇവൾക്കൊരു മൂന്ന് സെന്റും മുറിയും പണിതിട്ടുണ്ട്! യമുനയുടെ ജീവിതത്തിലെ ഏറ്റവും വലിയ സ്വപ്നം സഫലമാക്കി ദേവൻ! ഇതിലും വലിയൊരു സർപ്രൈസ് ലഭിക്കാനില്ലെന്ന് പ്രിയപ്പെട്ടവർ

എനിക്കവളെ വീട്ടുകാരി എന്ന് വിളിക്കാനാവില്ല. കാര്യം നമുക്ക് വീടില്ല. എന്റെ പേരില്‍ എനിക്ക് ഒരു മുറിയെങ്കിലും വേണമെന്നുള്ളതാണ് ജീവിതത്തിലെ ഏറ്റവും വലിയ ആഗ്രഹമെന്നായിരുന്നു യമുന പറഞ്ഞത്. ദേവേട്ടന്‍ ഇതുവരെ അങ്ങനെ ഗിഫ്‌റ്റൊന്നും തന്നിട്ടില്ല. ഞാനിവള്‍ക്കൊരു മൂന്ന് സെന്റും മുറിയും പണിതിട്ടുണ്ടെന്ന് പറഞ്ഞായിരുന്നു ദേവന്‍ യമുനയ്ക്ക് വീടിന്റെ താക്കോല്‍ നല്‍കിയത്. ഈ വീട്ടില്‍ ആദ്യം വെക്കുന്ന ഡെക്കറേഷന്‍ ഇവളുടെ കാലിന്റെ ഫോട്ടോയാണെന്നും ദേവന്‍ പറഞ്ഞിരുന്നു.

സ്വന്തമായൊരു വീട് എന്നതാണ് ജീവിതത്തിലെ ഏറ്റവും വലിയ ആഗ്രഹമെന്ന് നേരത്തെ യമുന പറഞ്ഞിരുന്നു. സാമ്പത്തിക പ്രതിസന്ധിയില്‍ നിന്നും സ്വന്തം വീട് തിരിച്ചുപിടിച്ചത് യമുനയായിരുന്നു. അച്ഛന്റെ വിയോഗശേഷം താനറിയാതെയായാണ് അമ്മ അത് സഹോദരിക്ക് നല്‍കിയതെന്നും, പിന്നീട് വേറൊരു സാഹചര്യത്തിലാണ് അതേക്കുറിച്ച് അറിഞ്ഞതെന്നും താരം പറഞ്ഞിരുന്നു.

സ്ഥലം മേടിക്കുന്നതിനിടയിലായിരുന്നു ദേവനെ കണ്ടത്. അദ്ദേഹം തന്റെ ജീവിതപങ്കാളിയായി വരുമെന്നൊന്നും അന്ന് കരുതിയിരുന്നില്ലെന്ന് യമുന പറഞ്ഞിരുന്നു. ലോക്ഡൗണ്‍ സമയത്ത് മക്കള്‍ അവരുടെ അച്ഛനൊപ്പമായിരുന്നു. ആ സമയത്ത് പുറത്തേക്ക് പോവാനോ പുറമെയുള്ളവര്‍ക്ക് തനിക്കരികിലേക്ക് വരാനോ പറ്റുന്നുണ്ടായിരുന്നില്ല. ആ സമയത്ത് ശരിക്കും ഒറ്റപ്പെടല്‍ അനുഭവിച്ചിരുന്നുവെന്നും യമുന വ്യക്തമാക്കിയിരുന്നു.

അമ്മയെ വിവാഹം ചെയ്യാനാഗ്രഹമുണ്ടെന്ന് ദേവേട്ടന്‍ മക്കളോടായിരുന്നു പറഞ്ഞതെന്ന് യമുന പറയുന്നു. എനിക്ക് അമ്മയെ വിവാഹം കഴിക്കാനിഷ്ടമാണെന്നും അത് നിങ്ങള്‍ക്ക് ബുദ്ധിമുട്ടാവുമോയെന്നുമായിരുന്നു ചോദിച്ചത്. ഞങ്ങള്‍ക്ക് ബുദ്ധിമുട്ടില്ലെന്നും നോ റിട്ടേണ്‍സ്, നോ എക്‌സ്‌ചേഞ്ച് എന്നുമായിരുന്നു അവരുടെ മറുപടിയെന്നുമായിരുന്നു യമുന പറഞ്ഞത്. മൂകാംബികയില്‍ വെച്ച് നടന്ന വിവാഹത്തിന്റെ ചിത്രങ്ങള്‍ സോഷ്യല്‍മീഡിയയിലൂടെ വൈറലായിരുന്നു.