ചെറിയ രീതിയില്‍ ആ ചടങ്ങ് നടത്തി! ചെക്കന്റെ 28 കഴിഞ്ഞ സന്തോഷം പങ്കിട്ട് വിജയ് മാധവും ദേവികയും

ഫാമിലി വ്‌ളോഗിലൂടെയായി സജീവമാണ് വിജയ് മാധവും ദേവിക നമ്പ്യാരും. അഭിനയവും പാട്ടും ഡാന്‍സുമൊക്കെയായി സജീവമായ ദേവിക വിവാഹത്തോടെയായാണ് ബ്രേക്കെടുത്തത്. ഐഡിയ സ്റ്റാര്‍ സംിഗറിലൂടെയായി ശ്രദ്ധിക്കപ്പെട്ട ഗായകനാണ് വിജയ് മാധവ്. അറേഞ്ച്ഡ് മാര്യേജിലൂടെയായാണ് ഇവര്‍ ഒന്നിച്ചത്. വേണമെങ്കില്‍ ഈ വിവാഹത്തില്‍ നിന്നും പിന്‍മാറാമെന്ന് എന്‍ഗേജ്‌മെന്റ് കഴിഞ്ഞ സമയത്ത് വിജയ് ദേവികയോട് പറഞ്ഞിരുന്നു. ഇതോടെയായിരുന്നു ഇരുവരും പിരിഞ്ഞുവെന്ന തരത്തിലുള്ള പ്രചാരണങ്ങളുണ്ടായത്. ഒന്നിക്കും മുന്‍പേ തന്നെ ഞങ്ങളെക്കുറിച്ച് വ്യാജവാര്‍ത്തകള്‍ പ്രചരിച്ചുവെന്ന് ഇരുവരും വ്യക്തമാക്കിയിരുന്നു.
കൊവിഡ് കാലത്താണ് യൂട്യൂബ് ചാനല്‍ തുടങ്ങിയത്. തുടക്കം മുതലേ വീഡിയോകള്‍ക്ക് മികച്ച സ്വീകാര്യത ലഭിക്കുന്നുണ്ടായിരുന്നു. വീഡിയോ ചെയ്യുന്നത് നിര്‍ത്തരുതെന്നായിരുന്നു ആരാധകര്‍ ഇവരോട് പറഞ്ഞത്. കുഞ്ഞതിഥി വരാന്‍ പോവുന്നത് മുതലുള്ള എല്ലാ വിശേഷങ്ങളും ഇവര്‍ ചാനലിലൂടെ പങ്കുവെച്ചിരുന്നു. പ്രസവത്തിനായി ആശുപത്രിയില്‍ അഡ്മിറ്റായതും മകന്‍ ജനിച്ചപ്പോള്‍ മകനെയും ഇവര്‍ വീഡിയോയിലൂടെ കാണിച്ചിരുന്നു. ഞങ്ങളെ ഇത്രയുമധികം സ്‌നേഹിക്കുന്ന നിങ്ങളില്‍ നിന്നും ഇത് മറച്ചുവെക്കാന്‍ തോന്നിയില്ല. നിങ്ങള്‍ കണ്ണിടില്ലെന്ന് അറിയാം, കുഞ്ഞിനെ ഇപ്പോള്‍ കാണിക്കണോ എന്ന തരത്തിലുള്ള ചോദ്യങ്ങളൊന്നും ഞങ്ങള്‍ മൈന്‍ഡ് ചെയ്യുന്നില്ലെന്നും ഇരുവരും പറഞ്ഞിരുന്നു.
കുളിപ്പിക്കുന്നതുള്‍പ്പടെ കുഞ്ഞിന്റെ കാര്യങ്ങള്‍ ചെയ്യാനായി വിജയും ദേവികയ്‌ക്കൊപ്പം തന്നെയുണ്ട്. ഇപ്പോഴിതാ 28 ചടങ്ങ് നടത്തിയതിന്റെ സന്തോഷം പങ്കിട്ടെത്തിയിരിക്കുകയാണ് ഇരുവരും. അങ്ങനെ ഞങ്ങടെ ചെക്കന്റെ 28 കെട്ടു കഴിഞ്ഞു. ചെറിയ രീതിയിൽ വീട്ടിൽ വെച്ച് നടത്തിയ ഒരു ചടങ്ങാണ്. കുറച്ചു ബന്ധുക്കളും അടുത്തുള്ള സുഹൃത്തുക്കളും ദൈവാനുഗ്രഹം കൊണ്ട് എല്ലാം വളരെ നന്നായി കഴിഞ്ഞു. എല്ലാരുടെയും പ്രാർത്ഥനകൾക്കും സ്നേഹത്തിനും ഒരുപാടു സന്തോഷം എന്നായിരുന്നു വിജയ് കുറിച്ചത്.
ചരട് കെട്ടുന്നതിനിടെ കുടുംബാംഗങ്ങള്‍ നിര്‍ദേശം കൊടുക്കുന്നുണ്ടായിരുന്നു. കാലിലും കഴുത്തിലും കൈയ്യിലുമെല്ലാം സ്വര്‍ണ്ണാഭരണവും അണിയിച്ചിരുന്നു. ഇതുകൊണ്ട് എനിക്കൊരു ബിസിനസ് തുടങ്ങാനുണ്ടെന്നായിരുന്നു വിജയിന്റെ കമന്റ്. മോന്റെ പേരെന്താണ്, അതെന്താണ് പറയാത്തതെന്നായിരുന്നു ആരാധകരുടെ ചോദ്യങ്ങള്‍. വാവയുടെ പേര് പറഞ്ഞില്ലല്ലോ മാഷേ എന്നായിരുന്നു ചോദ്യങ്ങള്‍.