നവംബര്‍ 2 ന്റെ പ്രത്യേകത
ക്രിസ്ത്യാനികളുടെ മത വിശ്വാസ പ്രകാരം നവംബര്‍ 2 മരിച്ചവര്‍ക്ക് വേണ്ടിയുള്ളതാണ്. മദേഴ്‌സ് ഡേ, ഫാദേഴ്‌സ് ഡേ എന്നൊക്കെ പറയുന്നത് പോലെ മരണപ്പെട്ട ആത്മക്കളെ പ്രാര്‍ത്ഥിയ്ക്കുന്ന ദിവസമാണ് നവംബര്‍ രണ്ട്. ആ ദിവസം എല്ലാവരും പള്ളിയില്‍ പോയി അപ്പന്‍ അപ്പൂപ്പന്‍മാര്‍ക്ക് വേണ്ടി പ്രാര്‍ത്ഥിയ്ക്കും. പാച്ചു പള്ളിയില്‍ പോകുന്നത് അനിയന്‍ കെസ്റ്ററിന് വേണ്ടിയാണ്.
അവനെ അടക്കിയത് ഇവിടെയാണ്
ഡിംപലിനെ കല്യാണം കഴിച്ച വീട്ടിലല്ല, സ്വന്തം വീട് നില്‍ക്കുന്ന ഇടവകയിലെ പള്ളിയില്‍ തന്നെയാണ് കെസ്റ്ററിനെ അടക്കം ചെയ്തത് എന്ന് അമ്മ പറയുന്നു. അതുകൊണ്ട് ഇന്നലെ (നവംബര്‍ 1ന്) കെസ്റ്ററിനെ കാണാന്‍ ഡിംപലും പാച്ചുവും വന്നതാണ്. പള്ളിയില്‍ പോയി മരണപ്പെട്ടവരുടെ എല്ലാം കല്ലറ അലങ്കരിക്കും. അതിന് വേണ്ടിയുള്ള ബൊക്കയും പൂക്കളും എല്ലാം തലേന്ന് തന്നെ വാങ്ങി സെറ്റ് ചെയ്തു വച്ചിരുന്നുവത്രെ.
പാച്ചുവിന് അറിയാം
പള്ളിയില്‍ എത്തിയാല്‍ പാച്ചുവിന് ആയാലും തൊമ്മുനിവ് ആയാലും (സഹോദരന്‍ ഡോണിന്റെ മകന്‍) കെസ്റ്റര്‍ എവിടെയാണ് അന്ത്യവിശ്രമം കൊള്ളുന്നത് എന്ന് അറിയാം. അവര്‍ നേരെ അങ്ങോട്ട് നടക്കും. പാച്ചുവിന് ഒരു വയസ്സ് കഴിഞ്ഞതേയുള്ള കൈ പിടിച്ച് പതിയെ പിച്ച വയ്ക്കും. അവനെ ഒരു മാലാഖയെ പോലെ ഒരുക്കിയാണ് കെസ്റ്ററിന്റെ കല്ലറയിലേക്ക് കൊണ്ടുപോയത്. കല്ലറയില്‍ പേര് എഴുതിയിട്ടൊന്നും ഇല്ല. അവന്റെ ഫോട്ടോ ഒന്നും എടുക്കാന്‍ പറ്റിയിട്ടില്ലല്ലോ. അതുകൊണ്ട് പേര് ഒന്നും എഴുതരുത് എന്ന് എല്ലാവരും പറഞ്ഞു
ഡിംപല്‍ ഇവിടെ തന്നെയാണോ
ഡിംപല്‍ എപ്പോഴും സ്വന്തം വീട്ടിലാണോ എന്ന് ചോദിച്ച് വരുന്ന കമന്റുകള്‍ക്കും ഈ വീഡിയോയില്‍ ഡെന്‍സി മറുപടി നല്‍കി. വീഡിയോ ഷൂട്ട് ചെയ്യുന്ന ദിവസം മാത്രമാണ് ഡിംപല്‍ ഇങ്ങോട്ട് വരുന്നത്. ഇവിടെ ആവുമ്പോള്‍ ഞാനും ഡിവൈനും ഒക്കെ ഉണ്ടാവും. അവിടെ ഡിവൈനും മമ്മിയും മാത്രമേ ഉണ്ടാവൂ. പാച്ചുവിനെ നോക്കാനും വീഡിയോ എടുക്കാനും അപ്പോള്‍ പറ്റില്ല. അതുകൊണ്ടാണ് വീഡിയോ ഇവിടെ വന്ന് എടുക്കുന്നത്. ഇതൊന്നും വിശദീകരിക്കേണ്ടി ആവശ്യമില്ല, എന്നിരുന്നാലും കമന്റില്‍ ചോദിച്ചവര്‍ക്ക് മറുപടി നല്‍കിയതാണ്- ഡെന്‍സി പറഞ്ഞു