ഇരട്ടി സന്തോഷം; നീണ്ട കാത്തിരിപ്പിനൊടുവിൽ അവരെത്തി; മക്കളെത്തിയ സന്തോഷം പങ്കുവച്ചുകൊണ്ട് സജി സുരേന്ദ്രൻ!

2005 ൽ ആണ് സംഗീതയും സജിയും വിവാഹിതരാകുന്നത്. നീണ്ട നാളത്തെ പ്രണയത്തിനു ഒടുവിൽ ആയിരുന്നു ഇരുവരും വിവാഹിതരായത്. സ്‌കൂൾ കാലഘട്ടം മുതലുള്ള പ്രണയമാണ് ഇരുവരുടേതും. സ്‌കൂളിൽ പഠിക്കുന്ന സമയം സംഗീതയുടെ സീനിയർ ആയിരുന്നു സജി.

ഇരുവരുടെയും നാടും വീടും അടുത്തടുത്തായതുകൊണ്ടുതന്നെ സജിയുടെ കുടുംബത്തിന് ഇരുവരും തമ്മിലുള്ള ബന്ധം മുൻപേ തന്നെ അറിയാമായിരുന്നു. സംഗീതയ്ക്ക് വിവാഹാലോചനകൾ വരുന്ന സമയത്താണ് ഒരിക്കൽ സിനിമ സ്റ്റൈലിൽ സജി വീട്ടിൽ എത്തുന്നതും, വിവാഹാഭ്യർത്ഥന നടത്തിയതും.

സജിയുടെ പ്രായത്തിന്റേതാണ് എന്ന് പറഞ്ഞുകൊണ്ട് സംഗീതയുടെ അമ്മ സജിയെ പിന്തിരിപ്പിക്കാൻ ശ്രമിച്ചുവെങ്കിലും സംഗീത പിന്മാറിയാൽ താൻ പിന്മാറാൻ തയ്യാറാണ് എന്നായിരുന്നു അദ്ദേഹത്തിന്റെ മറുപടി. പിന്നീട് ഇരുവരും സ്ട്രോങ്ങ് ആയി നിന്നുകൊണ്ടുതന്നെ, വിവാഹം ഇരു കുടുംബങ്ങളുടെയും സാന്നിധ്യത്തിൽ നടക്കുകയായിരുന്നു.

16 വർഷം മുൻപേ ഒരു മാർച്ച് 16 നായിരുന്നു സജിയുടെയും സംഗീതയുടെയും വിവാഹം. "ഓരോ വാർഷികവും പ്രത്യേകത നിറഞ്ഞതാണ്. എന്നാൽ ഇന്ന്, അതിലും കൂടുതൽ സന്തോഷമാണ് നൽകുന്നത്. അച്ഛനും അമ്മയും ആവുക എന്നത് ജീവിതത്തിലെ ഏറ്റവും മനോഹരമായ കാര്യമാണ്. കൗണ്ട്‌ഡൗൺ തുടരുന്നു. എന്ന് പറഞ്ഞുകൊണ്ടാണ് സജിയുടെ സ്വന്തം സംഗുവിന് അദ്ദേഹം വിവാഹവാര്ഷിക ആശംസകൾ ഈ വര്ഷം നേർന്നത്.

തിരുവനന്തപുരം ജില്ലയിലെ നെടുമങ്ങാടാണ് സജി സുരേന്ദ്രൻ ജനിച്ചത്. ലൂർദ്സ് മൗണ്ട് സ്കൂളിലെ പ്രാഥമിക വിദ്യാഭ്യാസത്തിന് ശേഷം മഹാത്മാഗാന്ധി കോളേജിൽ നിന്ന് ബിരുദം നേടി. അവിടത്തെ വിദ്യാഭ്യാസത്തിനിടയിൽ തന്നെ ഏതാനും ടി.വി. പരമ്പരകളിൽ അഭിനയിക്കുകയും സഹസംവിധായകനായി പ്രവർത്തിക്കുകയും ചെയ്തു അങ്ങിനെയാണ് അദ്ദേഹത്തിന്റെ കരിയർ ആരംഭിക്കുന്നത്.

മാനസം, മേഘം, ആലിപ്പഴം, മന്ദാരം, അമ്മയ്ക്കായ് തുടങ്ങിയ പരമ്പരകൾ സംവിധാനം ചെയ്തു. 2009-ൽ പുറത്തിറങ്ങിയ ഇവർ വിവാഹിതരായാൽ എന്ന ചിത്രത്തിലൂടെയാണ് ചലച്ചിത്രസംവിധായകനാകുന്നത്. അതിന് ശേഷം ഹാപ്പി ഹസ്ബന്റ്സ്, ഫോർ ഫ്രണ്ട്സ്, കുഞ്ഞളിയൻ എന്നീ ചിത്രങ്ങളിലൂടെ ചലച്ചിത്ര രംഗത്ത് സജീവമായി.ഇപ്പോൾ മനസ്സിനക്കരെ എന്ന പരമ്പരയിൽ സംവിധായകൻ ആയി പ്രവർത്തിക്കുകയാണ് സജി.