ഒരു മാസം കംപ്ലീറ്റ് ബെഡ് റെസ്റ്റ്; ചെറിയ ഒരു സ്ട്രോക്ക് വന്നു, വലതു കണ്ണിന്റെ കാഴ്ചക്ക് മങ്ങലുണ്ടായി; ദേവീകൃപയാൽ എല്ലാം ശരിയായി; ദിവ്യ

കൊറോണക്ക് ശേഷം വീണ്ടും പൊങ്കാല ഇടാൻ കഴിഞ്ഞത് ഭാഗ്യമായി കരുതുന്നു. കൊറോണ സമയത്ത് ജോലി ഇല്ല എന്ന പോലെ തന്നെ പൊങ്കാല ഇടുമ്പോൾ ഉള്ള നമ്മുടെ ഐക്യം കൂട്ടായ്മ ഒക്കെ നഷ്ടപെട്ടപ്പോൾ വലിയ വേദന തോന്നി. വീണ്ടും പഴയപോലെ ആറ്റുകാൽ അമ്മയുടെ പൊങ്കാല ഇത്രയും ആക്റ്റീവ് ആയതുകാണുമ്പോൾ ഒരുപാട് ഒരുപാട് സന്തോഷം ആണ്. എന്റെ സ്വദേശം കൊല്ലം ആണ്. ഡിഗ്രിക്ക് പഠിക്കാൻ വേണ്ടി വന്നതാണ് ഇവിടെ. അന്ന് മുതൽ ഇന്ന് വരെ പൊങ്കാല ഞാൻ മുടക്കിയിട്ടില്ല.

ഈ വർഷം പൊങ്കാല ഇടാൻ കഴിഞ്ഞത് ഭാഗ്യമായി കരുതുകയാണ്. ഒരു രണ്ടുമാസം ഞാൻ അഭിനയത്തിൽ ബ്രേക്ക് എടുത്തിരുന്നു. ഒരു മാസം കംപ്ലീറ്റ് ബെഡ് റെസ്റ്റ് ആയിരുന്നു. ചെറിയ ഒരു സ്ട്രോക്ക് വന്നു. വലതുകണ്ണിന് ബ്ലർ ആണ് കാഴ്ചകൾ. എന്നിട്ടുപോലും എനിക്ക് കഴിഞ്ഞദിവസം സാന്ത്വനം ലൊക്കേഷനിൽ റീ ജോയിൻ ചെയ്യാൻ കഴിഞ്ഞു. അതും ഭാഗ്യമായി കരുതുന്നു. ഒരുപാട് സന്തോഷം തോനുന്നു.

ഇത്തവണ നന്ദി പ്രകാശനം ആണ് അമ്മയോട് എനിക്കുള്ളത്. ഒരുപാട് ആരോഗ്യ പ്രശ്നങ്ങൾ ഉണ്ടായിരുന്നു എങ്കിലും കലകളിൽ നിന്നും വിട്ടുനിക്കേണ്ട അവസ്ഥ ദേവി വരുത്തിയിട്ടില്ല. അതുകൊണ്ടുതന്നെ പൂർണ്ണ വിശ്വാസം ആണ് എനിക്ക് ആറ്റുകാൽ അമ്മയിൽ. ഇത്തവണ മകളെയും കൂടി പങ്കെടുപ്പിച്ചുകൊണ്ടാണ് എത്തിയത്.ഡബ്ബിങ്ങിൽ വീണ്ടും സജീവം ആയി. മോളുടെ ആദ്യ പൊങ്കാല ആണ്- ദിവ്യ പറയുന്നു.

തെക്കൻ തല്ലു കേസിൽ പദ്മപ്രിയക്ക് ഡബ്ബ് ചെയ്തിരുന്നു. അടുത്തിടെ ഇറങ്ങിയ സിനിമകളിലും, സാന്ത്വനം കുടുംബവിളക്ക് പരമ്പരകളിലെ ഡബ്ബിങിലും ഇപ്പോൾ സജീവം ആണെന്നും ദിവ്യ ആറ്റുകാൽ പൊങ്കാല ദിവസം മാധ്യമങ്ങളോട് പറഞ്ഞു.

ബാഹുബലി മലയാളത്തിൽ രമ്യാ കൃഷ്ണന് ശബ്ദം നൽകിയത് ദിവ്യയാണ്. ബാഗ്തിയിൽ അനുഷ്‌ക്കക്കും ശബ്ദം നൽകിയത് ദിവ്യയാണ്. ഡബ്ബിങ് ആർടിസ്റ്റ് ആകുന്നതിന് മുന്നേ ഒരു സ്റ്റാഫ് നേഴ്‌സായിരുന്നു ദിവ്യ.