ഇവിടെ എന്തൊക്കെയാണ് നടക്കുന്നത്! ഡോണയുടെ വീഡിയോ കണ്ട് റോസു ചോദിച്ചത്! വീഡിയോ വൈറല്‍

ടെലിവിഷന്‍ പ്രേക്ഷകര്‍ക്ക് പരിചിതരാണ് അജിതും ഡോണയും. റീല്‍സ് വീഡിയോയും യൂട്യൂബ് ചാനലിലൂടെയും ഇവര്‍ വിശേഷങ്ങള്‍ പങ്കിടാറുണ്ട്്. അടുത്തിടെയായിരുന്നു അജിത് യുകെയിലേക്ക് പോയത്. മിസ്റ്റര്‍ ആന്‍ഡ് മിസിസ് ഷോയിലും അജിതും ഡോണയും പങ്കെടുത്തിരുന്നു. ഞങ്ങളുടെ ആദ്യത്തെയും അവസാനത്തെയും ഷോയാണ് ഇതെന്നായിരുന്നു ഇരുവരും പറഞ്ഞത്. സാമ്പത്തികമായി കുറച്ച് പ്രശ്‌നങ്ങള്‍ വന്നെന്നും അതിനിടയില്‍ യുകെയിലേക്ക് പോവാന്‍ അവസരം ലഭിച്ചെന്നും അജിത് പറഞ്ഞിരുന്നു. പറ്റുന്ന സമയത്തെല്ലാം റീല്‍സും വ്‌ളോഗും ചെയ്യുമെന്നും അജിത് പറഞ്ഞിരുന്നു. കുടുംബത്തിലേക്ക് വീണ്ടുമൊരു കുഞ്ഞതിഥി എത്തുന്നതിന്റെ സന്തോഷവും ഡോണയും അജിതും പങ്കുവെച്ചിരുന്നു.
ഏഴാം മാസത്തിലെ ചടങ്ങിന്റെ വിശേഷങ്ങള്‍ പങ്കുവെച്ച് കഴിഞ്ഞ ദിവസം ഡോണ എത്തിയിരുന്നു. ഒരു മെറ്റേണിറ്റി ഷൂട്ടിന്റെ പിന്നാമ്പുറ കാഴ്ചകള്‍. ലെ റോസു, ഇവിടെ ഇത് എന്തൊക്കെയാണ് ഈ നടക്കുന്നതെന്ന ക്യാപ്ഷനോടെയാണ് അജിത് വീഡിയോ പോസ്റ്റ് ചെയ്തത്. എന്തൊക്കെയോ ആലോചിക്കുന്നു, മുകളിലേക്ക് നോക്കുന്നു, ചവിട്ടുന്നു, മുകളിലേക്ക് നോക്കുന്നു എന്നൊക്കെ ക്യാമറാമാന്‍ പറയുമ്പോള്‍ അതനുസരിച്ച് പോസ് ചെയ്യുകയാണ് ഡോണ. അതിനിടയിലാണ് റോസു വന്ന് അമ്മയെ കെട്ടിപ്പിടിച്ചത്. അമ്മയ്ക്ക് എന്ത് പറ്റിയെന്ന ആശങ്കയോടെയാണ് റോസു വന്നത്. നിരവധി പേരായിരുന്നു വീഡിയോയുടെ താഴെയായി കമന്റുകളുമായെത്തിയത്.
Also watch:
ബിഗ് സ്‌ക്രീന്‍ എന്‍ട്രി ആഗ്രഹിക്കുന്നവരാണ് ഞങ്ങള്‍ എന്ന് അജിതും ഡോണയും പറഞ്ഞിരുന്നു. നായകനായി തന്നെ വേണമെന്നില്ല, അച്ഛന്‍ വേഷങ്ങളും സ്വീകരിക്കുമെന്ന് അജിത് പറഞ്ഞിരുന്നു. സോഷ്യല്‍മീഡിയയും റീല്‍സുമൊക്കെ വിട്ട് പെട്ടെന്ന് മറ്റൊരു നാട്ടിലേക്ക് പോവേണ്ടി വരുന്നതില്‍ സങ്കടമുണ്ടെന്നും അജിത് പറഞ്ഞിരുന്നു. ഞങ്ങളെ കളിയാക്കുകയും വിമര്‍ശിക്കുകയുമൊക്കെ ചെയ്തവരോട് ഇതൊരു അവസാനമായി കാണരുതെന്നും അജിത് പറഞ്ഞിരുന്നു. അഭിനയം എന്ന് പറഞ്ഞ് നടന്ന് മാതാപിതാക്കള്‍ എന്ത് നേടിയെന്ന് ഭാവിയില്‍ മക്കള്‍ ചോദ്യം ചെയ്യുന്ന അവസ്ഥ ഉണ്ടാവരുത്, ഡോണയേയും മക്കളേയും ഇവിടെ വിട്ട് പോവുന്നതില്‍ സങ്കടമുണ്ടെന്നും അജിത് വ്യക്തമാക്കിയിരുന്നു. അധികം വൈകാതെ തന്നെ ഞാനും അങ്ങോട്ടേക്ക് പോവുമെന്നായിരുന്നു ഡോണ അന്ന് പറഞ്ഞത്.