ആ മനസ് നല്ലതാണ്! റിയാസിനേക്കാളും ഉയരത്തിലാണ് ആരതി! അവൾ പ്രതികരിക്കാതിരുന്നതിന് കാരണമുണ്ടെന്നും റോബിൻ! വീഡിയോ വൈറൽ

എന്നെക്കുറിച്ച് വരുന്ന ട്രോളുകള്‍ ഞാന്‍ ആസ്വദിക്കാറുണ്ട്. അവരുടെ ക്രിയേറ്റീവ് മൈന്‍ഡിനെക്കുറിച്ചാണ് ഞാന്‍ ആലോചിക്കുന്നത്. ഭയങ്കരമായി മുറിവേല്‍പ്പിക്കുന്നതിനും നല്ലത് ഹെല്‍ത്തിയായിട്ട് ട്രോള്‍ ചെയ്യുന്നതാണ്. തൊണ്ണൂറ്റൊന്‍പത് ശതമാനവും ഹെല്‍ത്തിയായിട്ടുള്ള ട്രോളുകളാണ് എനിക്ക് വന്നത്. വിമര്‍ശനങ്ങളും സ്വാഗതം ചെയ്യുന്നയാളാണ് ഞാന്‍. അതില്‍ നിന്നെന്തെങ്കിലും പഠിക്കാനോ ഇംപ്രൂവ് ചെയ്യാനോ ഉണ്ടെങ്കില്‍ അതിന് നോക്കും. നമ്മള്‍ വളരുന്നുണ്ടെങ്കില്‍ മാത്രമേ നമ്മളെക്കുറിച്ച് സംസാരിക്കുകയുള്ളൂ.

ഞാന്‍ ഭയങ്കര ഷോര്‍ട്ട് ടെംപേര്‍ഡായിട്ടുള്ള ആളാണ്. ഞാന്‍ കല്യാണം കഴിക്കാന്‍ പോവുന്ന കുട്ടിയെക്കുറിച്ച് പറയുന്നത് കേട്ടാല്‍ എനിക്ക് ദേഷ്യം വരും. ആ സമയത്തും ദേഷ്യം നിയന്ത്രിച്ച് ഞാന്‍ മിണ്ടാതിരിക്കുകയായിരുന്നു. ഞാന്‍ വരുന്നതിന് മുന്‍പേ സ്വയം പ്രൂവ് ചെയ്തയാളാണ് ആരതി. പുള്ളിക്കാരിക്ക് സെലിബ്രിറ്റികളുമായൊക്കെ നല്ല ബന്ധമുണ്ട്. പലരേയും പരിചയപ്പെടുത്തി തരുന്നത് ആരതിയാണ്. സ്ത്രീകള്‍ക്ക് വേണ്ടി സംസാരിക്കുന്നയാളാണ് റിയാസ് സലീം. ആ ഒരു വ്യക്തി തന്നെ പബ്ലിക്കായി ഒരു സ്ത്രീയെ മോശം പറയാന്‍ പാടില്ലായിരുന്നു. പുള്ളി അറിഞ്ഞ് തന്നെയാണ് അങ്ങനെ പറഞ്ഞത്.

എന്ത് പറയണമെന്ന് തീരുമാനിക്കേണ്ടത് റിയാസാണ്. റിയാസിനേക്കാളും ഉയരത്തില്‍ തന്നെയാണ് ആരതി. പുള്ളിക്കാരിയുടെ മനസ് നല്ലതാണ്, അതിന് മുന്നില്‍ റിയാസ് എപ്പോഴും ചെറുത് തന്നെയാണ്. ഒരു കല്ലിനാണെങ്കിലും അതിന് അതിന്റേതായ മൂല്യമുണ്ട്. അത് റിയാസ് മനസിലാക്കുക. നന്നായി സംസാരിക്കാനറിയുന്ന വ്യക്തിയാണ് റിയാസ്. ഓരോ കാര്യം പറയുമ്പോഴും ആലോചിക്കുക. റിയാസിനെ പ്രവോക്ക് ചെയ്യാനൊന്നും ആരതി വന്നിട്ടില്ല. അങ്ങനെ പറഞ്ഞത് കൊണ്ട് കുറേ ഇഷ്യൂ റിയാസിന് ഫേസ് ചെയ്യേണ്ടി വന്നിട്ടുണ്ട്.

ആരതി അതിനെതിരെ മിണ്ടാതിരുന്നത് റിയാക്റ്റ് ചെയ്യാനറിയാത്തത് കൊണ്ടല്ല. പുള്ളിക്കാരിയുടെ നിലപാടാണ് അത്. അതേക്കുറിച്ച് സംസാരിക്കേണ്ട കാര്യം പുള്ളിക്കാരിക്കില്ല. പബ്ലിക്ക് പ്ലാറ്റ്‌ഫോമില്‍ വന്ന് ഒരു സ്ത്രീയെ ഇന്‍സല്‍ട്ട് ചെയ്യേണ്ട കാര്യം താങ്കള്‍ക്കില്ല. എത്രയൊക്കെ ടാലന്റുണ്ടെങ്കിലും നല്ല മനസുണ്ടെങ്കിലേ ജീവിതത്തില്‍ എവിടെയെങ്കിലും എത്തുള്ളൂ. അതാണ് എനിക്ക് റിയാസിനോട് പറയാനുള്ളതെന്നായിരുന്നു റോബിന്‍ പറഞ്ഞത്.