എന്റെ മൂഡ് മാറുന്നതും
"എന്നോട് വല്ലതും കഴിച്ചോന്ന് സ്ഥിരമായിട്ട് ചോദിക്കുന്ന ഒരേയൊരാള് എന്റെ അമ്മയായിരിക്കും. എന്റെ മാറി മാറി വരുന്ന ഇഷ്ടങ്ങളും അനിഷ്ടങ്ങളും ഒക്കെ ചെറുപ്പം മുതലെ നല്ലോണം മനസ്സിലാക്കുന്ന ഒരേയൊരാൾ അമ്മയായിരിക്കും. എന്റെ മൂഡ് മാറുന്നതും ശരിയാവുന്നതുമൊക്കെ മനസ്സിലാക്കുന്നതും അമ്മ തന്നെ"
ഇന്നും ആ പത്തുവയസ്സുകാരി
"ചെറുപ്പത്തിലെ മുതൽ അപ്പനോട് വളരെ ക്ലോസാണെങ്കിലും അമ്മ വഴി പോയാൽ കാര്യങ്ങൾ വേഗത്തിൽ നടന്നു കിട്ടുമായിരുന്നു. എനിക്ക് രണ്ട് കുട്ടികളുണ്ട് എങ്കിലും എന്നെ ഒരു പത്ത് വയസ്സുകാരിയായി കാണുന്ന ഒരേയൊരാൾ അമ്മയായിരിക്കും. സീരിയലിന്റെ ഷൂട്ട് കഴിഞ്ഞ് വീടെത്തുമ്പോൾ രാത്രി പത്ത് മണിയാവും, ഇത്രയും നാളായിട്ടും ഞാൻ വീട്ടിലെത്തിയിട്ടെ അമ്മ കിടക്കൂ"
ഒരേയൊരാൾ അമ്മയാണ്!
"അമ്മക്ക് ഉറങ്ങാൻ മേലായിരുന്നോന്ന് ചോദിച്ചാൽ, ഇന്നെന്താണോ ഉറക്കം വന്നില്ലാന്ന് പറയും. എന്നെക്കണ്ട് അന്നത്തെ വിശേഷങ്ങളൊക്കെ ചോദിച്ചാലേ അമ്മയ്ക്കുറങ്ങാൻ പറ്റു. എനിക്കു വേണ്ടി കാത്തിരിക്കുന്ന ഒരാളുണ്ടെങ്കിൽ അതെന്റെ അമ്മ തന്നെയാണ്. നമുക്കെന്തേലും ഫ്രസ്ട്രേഷൻ ഉണ്ടേൽ അത് പറയാനും പെട്ടെന്ന് ദേഷ്യം വന്ന് ദേഷ്യപ്പെട്ടാൽ അത് കേട്ടു നിൽക്കേം, പിന്നെ മോളേ നീ ഒക്കെയാണോന്ന് ചോദിക്കുകയും ചെയ്യുന്ന ഒരേയൊരാൾ അമ്മയാണ്"
ഒരിക്കലും നമ്മളെ വിട്ടു പോകില്ലെന്ന് ഉറപ്പുള്ള വ്യക്തി
"ഒരിക്കലും നമ്മളെ വിട്ടു പോകില്ലെന്ന് ഉറപ്പിക്കാൻ പറ്റുന്ന ഒരേയൊരാൾ അമ്മയായിരിക്കും. എന്റെ കാര്യത്തിൽ എന്നെ ഒരിക്കലും മാറ്റി നിർത്തില്ലാന്ന് എനിക്ക് ഉറപ്പുള്ള ഒരേയൊരാൾ അമ്മയായിരിക്കും. ഈ മദേഴ്സ്ഡേയിൽ എല്ലാ അമ്മമാർക്കും എന്റെ ഹൃദയം നിറഞ്ഞ മദേഴ്സ്ഡേ ആശംസകൾ. നിങ്ങളെല്ലാവരും നമുക്കൊക്കെ കിട്ടിയിരിക്കുന്ന ഏറ്റവും വലിയ ഗിഫ്റ്റാണ്, സ്വർഗ്ഗത്തീന്ന് വന്ന ഒരു സമ്മാനം..!",
കടപ്പാട്: മഴവിൽ മനോരമ.