ഗര്‍ഭിണിയായത് ആരേയും അറിയിച്ചില്ല! ഒരു ട്രീറ്റ്മെന്റിലാണെന്നാണ് വിളിച്ചവരോട് പറഞ്ഞത്! ഒന്‍പതാം മാസത്തിൽ വലിയൊരു പരീക്ഷണമാണ് നേരിട്ടത്! മകളുടെ ജനനത്തെക്കുറിച്ച് ശ്രീകല ശശിധരന്‍റെ വാക്കുകൾ

നവംബര്‍ രണ്ടിനായിരുന്നു ശ്രീകലയ്ക്ക് പെണ്‍കുഞ്ഞ് ജനിച്ചത്. സാവേദിന് ശേഷമായാണ് മകള്‍ ജനിച്ചത്. സാന്‍വിത എന്നാണ് മകളുടെ പേര്. യുകെയിലായിരുന്ന ശ്രീകലയും വിപിനും മാര്‍ച്ചിലായിരുന്നു തിരുവനന്തപുരത്തേക്ക് തിരിച്ചെത്തിയത്. ഗര്‍ഭിണിയാണെന്നറിഞ്ഞത് നാട്ടിലെത്തിയതിന് ശേഷമായിരുന്നു. അധികമാരോടും ഇതേക്കഉരിച്ച് പറഞ്ഞില്ല. നന്നായി ശ്രദ്ധിച്ചിരുന്നു. മോള്‍ ജനിച്ച സന്തോഷം ഇപ്പോഴാണ് പങ്കിടുന്നതെന്നും ശ്രീകല പറയുന്നു.

നേരത്തെ ഒരുതവണ അബോര്‍ഷനായിരുന്നു. ആ വിഷമത്തില്‍ കഴിയുന്നതിനിടയിലായിരുന്നു വീണ്ടും ഗര്‍ഭിണിയായത്. അനിയത്തിയോ അനിയനോ വേണമെന്ന് മകന്‍ ആഗ്രഹിച്ചിരുന്നു. ഗര്‍ഭിണിയാണെന്നറിഞ്ഞ ശേഷം അധികം പബ്ലിസിറ്റിയൊന്നും കൊടുക്കാതെ മുന്നോട്ട് പോവുകയായിരുന്നു. ആദ്യത്തേത് മോനായതിനാല്‍ പെണ്‍കുഞ്ഞ് ജനിച്ചിരുന്നെങ്കില്‍ എന്നാഗ്രഹിച്ചിരുന്നു. ആ ആഗ്രഹം സഫലമായതിന്റെ സന്തോഷത്തിലാണ് ശ്രീകലയും വിപിനും.

വലിയൊരു പരീക്ഷണം നേരിട്ടതിനെക്കുറിച്ചും ശ്രീകല പറഞ്ഞിരുന്നു. ഒമ്പതാം മാസം കൊവിഡ് പോസിറ്റീവായിരുന്നു. ഗര്‍ഭാവസ്ഥയിലായിരുന്നതിനാല്‍ വാക്‌സിനും എടുത്തിരുന്നില്ല. കൊവിഡ് നെഗറ്റീവാകാതെ ആശുപത്രിയിലും അഡ്മിറ്റാവാന്‍ പറ്റുമായിരുന്നില്ല. അനിത പിള്ള ഡോക്ടറായിരുന്നു ആ സമയത്ത് എല്ലാപിന്തുണയും തന്ന് കൂടെനിന്നത്. ഒരാഴ്ച കഴിഞ്ഞപ്പോഴേക്കും പ്രശ്‌നങ്ങളെല്ലാം മാറിയിരുന്നു. കുറച്ച് ടെന്‍ഷനടിച്ചെങ്കിലും അവസാനം വലിയ സന്തോഷമാണ് ദൈവം എനിക്ക് തന്നത്.

മോളുടെ വരവില്‍ മോന് വലിയ സന്തോഷമാണ്. ക്ലാസിലേക്ക് പോവും മുന്‍പ് അവള്‍ക്ക് ഉമ്മയൊക്കെ കൊടുക്കാറുണ്ട്. നാട്ടിലേക്ക് എത്തിയെന്നറിഞ്ഞതിന് ശേഷം കുറേ സീരിയലുകളിലേക്കായി വിളിച്ചിരുന്നു. ആ സമയത്ത് ഗര്‍ഭിണിയാണെന്നൊന്നും പറഞ്ഞിരുന്നില്ല. ഒരു ട്രീറ്റ്‌മെന്റിലാണ്, പിന്നെയാവാം എന്നായിരുന്നു പറഞ്ഞത്. മകള്‍ വലുതായതിന് ശേഷം തിരിച്ചുവരവിനെക്കുറിച്ച് ആലോചിക്കാമെന്നുമായിരുന്നു ശ്രീകല പറഞ്ഞത്.