എല്ലാവരും പോയി; ആ രാഹുലും പോയി; മാളൂ നീ ഇങ്ങനെ ഇരുന്നോ; കൊണ്ട് പോകാൻ ഏതു രാജകുമാരൻ വരും? ചോദ്യവുമായി ആരാധകർ!

പൊന്നമ്പിളി നായകൻ രാഹുൽ രവി കഴിഞ്ഞ ദിവസം ആണ് വിവാഹിതൻ ആകുന്നത്. വിവാഹ വീഡിയോ വൈറൽ ആയതോടെയാണ് മാളവികയോട് അഭ്യർത്ഥനയുമായി ആരാധകർ എത്തിയത്. പൊന്നമ്പിളി പരമ്പരയിൽ ആണ് രാഹുലും മാളവികയും ഒരുമിച്ച് അഭിനയിച്ചത്.താൻ വിവാഹിതൻ ആകാൻ പോകുന്നു എന്ന് സോഷ്യൽ മീഡിയയിലൂടെ രാഹുൽ പറഞ്ഞപ്പോഴും വധു ആയി എത്തുന്നത് മാളവിക ആകും എന്ന കണക്കുകൂട്ടലിൽ ആയിരുന്നു പ്രേക്ഷകർ.

സ്‌ക്രീൻ നായകന്മാർ ഒന്നിന് പിറകെ വിവാഹിതർ ആവുകയും എൻകേജ്ഡ് ആവുകയും ചെയ്തതോടെയാണ് മാളവികയ്ക്ക് വിവാഹം വേണ്ടേ എന്ന ചോദ്യം ഉയർത്തികൊണ്ട് പ്രേക്ഷകർ എത്തിയത്. അമ്മുവിൻറെ അമ്മ എന്ന പരമ്പരയിൽ ശ്രീനിഷിന്റെ നായികയായി എത്തിയതും യുവയുടെ നായികയായി, മഞ്ഞിൽ വിരിഞ്ഞ പൂവിൽ എത്തിയതും മാളവിക ആയിരുന്നു. ഇവർ രണ്ടുപേരും ജീവിത നായികമാരെ കണ്ടെത്തിയതോടെയാണ് പ്രേക്ഷകർ മാളവികയുടെ പിന്നാലെ കൂടിയത്.

ഒരു ചാനൽ പരിപാടിയിൽ പങ്കെടുക്കവെ തന്റെ വിവാഹത്തെകുറിച്ചു മാളവിക മനസ്സ് തുറന്നിരുന്നു. ന്റെ വിവാഹത്തിന് സർപ്രൈസുകളൊന്നുമില്ലയെന്നും എല്ലാവരേയും അറിയിച്ചു കൊണ്ടുളള വിവാഹമായിരിക്കുമെന്നും മാളവിക പറഞ്ഞു. വീട്ടിൽ വിവാഹം ആലോചിച്ച് തുടങ്ങിയെന്നും നടി കൂട്ടിച്ചേർത്തു. എന്നാൽ പ്രണയ വിവാഹമായിരിക്കില്ലെന്നും അറേഞ്ച് മാരേജ് ആയിരിക്കുമെന്നും താരം വ്യക്തമാക്കിയിട്ടുണ്ട്.

മാളൂ എല്ലാരും പോയി. നീ ഇങ്ങനെ ഇരുന്നോ, ഇപ്പൊ രാഹുലും പോയി. ശ്രീനി പോയി, യുവ പോയി, എല്ലാവരും പോയി. നീ ആർക്ക് വേണ്ടിയാണ് കാത്തിരിക്കുന്നത് എന്ന ആരാധകരുടെ സംസാരം ആണ് ചിരി പടർത്തിയത്. രാഹുലിന്റെ വിവാഹ വീഡിയോ വൈറൽ ആയതോടെയാണ്, മാളവികയോട് അഭ്യർത്ഥനയുമായി പ്രേക്ഷകർ എത്തിയത്.