ആദ്യമായി പരസ്പരം നല്‍കിയ സമ്മാനം
അമൃതയ്ക്ക് ഗോപി സുന്ദര്‍ ആദ്യമായി നല്‍കിയ പ്രണയ സമ്മാനം എന്തായിരുന്നു എന്ന് പറഞ്ഞതിനെ കുറിച്ചുള്ള വീഡിയോ ആണ് ഇപ്പോള്‍ വൈറലാവുന്നത്. തിരിച്ച് അമൃത തനിയ്ക്ക് തന്നെ സമ്മാനത്തെ കുറിച്ച് ഗോപി സുന്ദറും പറയുന്നുണ്ട്.
അമൃതയ്ക്ക് നല്‍കിയത്
അമൃതയ്ക്ക് ഗോപി സുന്ദര്‍ ആദ്യമായി നല്‍കിയത് ഒരു മൂക്കുത്തി ആയിരുന്നുവത്രെ. അമൃതയ്ക്ക് ഏറ്റവും ഇഷ്ടമുള്ള സാധനമാണ് മൂക്കുത്തി. ഗോപി സുന്ദര്‍ നല്‍കിയ മൂക്കുത്തി കണ്ട് പലരും നല്ല അഭിപ്രായങ്ങള്‍ പറഞ്ഞിട്ടുണ്ട് എന്ന് അമൃത സുരേഷ് പറയുന്നു.
അമൃത നല്‍കിയത്
ഗോപി സുന്ദറിന് അമൃത ആദ്യമായി കൊടുത്ത സമ്മാനം കൈയ്യില്‍ കൊടുക്കാന്‍ പറ്റുന്നതായിരുന്നില്ലത്രെ. ഗോപി സുന്ദറിന്റെ സ്റ്റുഡിയോ കംപ്ലീറ്റ് മേക്കോവര്‍ ചെയ്യുകയായിരുന്നു. അതുവരെ തന്റെ സ്റ്റുഡിയോ മാര്‍ക്കറ്റ് പോലെയായിരുന്നു ഉണ്ടായിരുന്നത്, അമൃത അത് പൂങ്കാവനം ആക്കി എന്നാണ് ഗോപി സുന്ദര്‍ പറഞ്ഞത്.
ആഘോഷങ്ങളിലെല്ലാം കൂടെ ഗോപി സുന്ദറും
ഗോപി സുന്ദര്‍ വന്നതിന് ശേഷം തന്റെ ജീവിതത്തിലും കുടുംബത്തിലും നല്ല സന്തോഷ നിമിഷങ്ങള്‍ എല്ലാം അമൃത സോഷ്യല്‍ മീഡിയയില്‍ പങ്കുവച്ചിട്ടുണ്ട്. ഇരുവരും ഒന്നിച്ചുള്ള ഓണാഘോഷവും, മകള്‍ പാപ്പുവിന്റെ ജന്മദിനവും, അനിയത്തി അഭിരാമിയുടെ ജന്മദിനവും എല്ലാം ഗോപി സുന്ദറിന് ഒപ്പമാണ് അമൃത ആഘോഷിച്ചത്.