പേളിക്കൊപ്പം
പേളിയുമായുള്ള സൗഹൃദത്തെക്കുറിച്ച് നേരത്തെയും വാചാലനായിരുന്നു ജിപി. കുഞ്ഞതിഥിയായ നിലയെ കാണാനായി താനെത്തുമെന്നും അദ്ദേഹം പറഞ്ഞിരുന്നു. യൂട്യൂബ് ചാനലുമായി ജിപിയും സജീവമാണ്. 2 വര്ഷത്തിന് ശേഷമാണ് പേളിയും ജിപിയും കണ്ടുമുട്ടിയത്. എന്നത്തേയും പോലെ ഇപ്പോഴും ഞങ്ങള്ക്കിടയില് മികച്ച കെമിസ്ട്രിയാണുള്ളതെന്ന് ജിപി പറയുന്നു.
ഫോട്ടോയെടുക്കുമ്പോള്
ഞാന് വളരെ സന്തോഷത്തോടെ ഫോട്ടോയ്ക്ക് പോസ് ചെയ്തു. അവള് എന്തൊക്കെയോ ആലോചിച്ച് വേറൊരു ലോകത്തായിരുന്നു. എല്ലാ തവണയും ഇത് തന്നെയാണ് സംഭവിക്കാറുള്ളതെന്നും ജിപി കുറിച്ചത്. അനൂപ് ഷ്ണനായിരുന്നു പോസ്റ്റിന് താഴെ ആദ്യം കമന്റുമായെത്തിയത്. ഗൗണിൽ അതീവ സുന്ദരിയായാണ് പേളി എത്തിയത്. കുർത്തിയായിരുന്നു ജിപിയുടെ വേഷം.
കമന്റുകള്
പേളി ചേച്ചി പണ്ടത്തെ തേങ്ങക്കൊല സോംഗ് ഓര്ത്തുപോയതാരിക്കും. അതില് നിന്നും ഇപ്പോഴത്തെ ചെല്ലക്കുട്ടിയും ക്രേസി വേള്ഡുമൊക്കെ വന്നതിനെക്കുറിച്ച് ആലോചിച്ച് നിന്നതായിരിക്കുമെന്നായിരുന്നു ആരാധകരുടെ കമന്റുകള്. വീണ്ടും നിങ്ങള് ഇരുവരും ഒന്നിച്ച് സ്ക്രീനില് എത്തുന്നതിനായി കാത്തിരിക്കുകയാണ് ഞങ്ങള്. രണ്ടാളേയും വീണ്ടും ഒന്നിപ്പിച്ചതിന് സൈമയോട് നന്ദി പറയുന്നുവെന്നുള്ള കമന്റും പോസ്റ്റിന് താഴെയുണ്ട്.
നിലയ്ക്കൊപ്പം
കുഞ്ഞതിഥിയായ നിലയ്ക്കൊപ്പമായാണ് പേളിയും ശ്രീനിയും സൈമയിലേക്കെത്തിയത്. ഞങ്ങള്ക്കിടയിലേക്ക് നില എത്തിയിട്ട് 6 മാസമായെന്നും ഇരുവരും പറഞ്ഞിരുന്നു. നിലയുടെ ആദ്യ ഫ്ളൈറ്റ് യാത്രയിലെ വിശേഷങ്ങള് ചേര്ത്തുവെച്ചുള്ള വീഡിയോയും പേളി പോസ്റ്റ് ചെയ്തിരുന്നു. ക്ഷണനേരം കൊണ്ടായിരുന്നു വീഡിയോ വൈറലായി മാറിയത്. താരങ്ങളെല്ലാം കുഞ്ഞുനിലയെ കൊഞ്ചിക്കുന്നതിന്റെ ചിത്രങ്ങളും വീഡിയോയും സോഷ്യല് മീഡിയയിലൂടെ പ്രചരിച്ചിരുന്നു.