സമയമെടുത്താലും
ചില കാര്യങ്ങള്‍ പ്രാവര്‍ത്തികമാവാന്‍ സമയമെടുക്കും. ഒരുപാട് ആഗ്രഹിച്ച കാര്യം യാഥാര്‍ത്ഥ്യമാവുമ്പോള്‍ ജീവിതം കൂടുതല്‍ അര്‍ത്ഥവത്തായി മാറും. ധൈര്യവും സ്ഥിരോത്സാഹവും ഉണ്ടെങ്കില്‍ ഒന്നില്‍ നിന്നും നിങ്ങളെ പിന്തിരിപ്പിക്കാന്‍ ആര്‍ക്കും കഴിയില്ല. സ്വപ്നം സഫലമാക്കാനായി എല്ലാവര്‍ക്കും ശക്തമായി പോരാടാനാവും. സ്വപ്നം കാണുകയും അത് യഥാര്‍ത്ഥ്യമാക്കാനും കഴിയും.
സിനിമയില്‍
കുഞ്ഞായിരിക്കുമ്പോള്‍ എനിക്കിഷ്ടപ്പെട്ട സിനിമയില്‍ ഒരു കറുത്ത ബിഎം ഡബ്ലു കണ്ടിരുന്നു. എനിക്ക് അത് പോലൊന്നുണ്ടായിരുന്നുവെങ്കില്‍ എന്നായിരുന്നു ഞാനാഗ്രഹിച്ചത്. മുതിര്‍ന്നപ്പോഴും ആ ആഗ്രഹം മനസിലുണ്ടായിരുന്നു. വര്‍ഷങ്ങള്‍ക്ക് ശേഷവും എന്റെ മനസില്‍ അങ്ങനെയൊരാഗ്രഹം അവശേഷിക്കുന്നുണ്ടായിരുന്നു.
യാഥാര്‍ത്ഥ്യമായത്
കാലം മാറിയപ്പോഴും മനസിലെ ആഗ്രഹം ശക്തമായിരുന്നു. കഠിനപ്രയത്‌നത്തിലൂടെ ആ സ്വപ്നം ഞാന്‍ യാഥാര്‍ത്ഥ്യമാക്കി. സ്വപ്‌നമാണോയെന്നായിരുന്നു ആദ്യം ഞാന്‍ ചിന്തിച്ചത്. പിന്നീടാണ് യാഥാര്‍ത്ഥ്യമാണെന്ന് മനസിലാക്കിയത്. കറുത്ത ബിഎം ഡ്ബ്ലു സ്വന്തമാക്കിയതിനെക്കുറിച്ച് ലക്ഷ്മി നക്ഷത്ര കുറിച്ചത് ഇങ്ങനെയായിരുന്നു.
ഷിയാസുമെത്തി
താരങ്ങളും ആരാധകരുമടക്കം നിരവധി പേരാണ് ലക്ഷ്മി നക്ഷത്രയുടെ പോസ്റ്റിന് താഴെ കമന്റുകളുമായെത്തിയത്. ബിഎം ഡബ്ലു കുടുംബത്തിലേക്ക് സ്വാഗതം എന്നായിരുന്നു ഷിയാസ് കുറിച്ചത്. ഇനി വേണം ബിഎംഡബ്ലുവില്‍ ഒന്ന് പോവാന്‍, ആ വീഡിയോ ഞങ്ങളെ കാണിക്കണമെന്നുമായിരുന്നു ആരാധകരുടെ കമന്റുകള്‍.