സുപ്രിയ എന്ന് കേട്ടാലേ നോക്കാറുള്ളൂ! ചക്കപ്പഴത്തിലേക്ക് ഇനി ഇല്ലേ എന്ന ചോദ്യത്തിന് ഹരിതയുടെ മറുപടി
മിനിസ്‌ക്രീനിലും ബിഗ് സ്‌ക്രീനിലുമൊക്കെയായി സജീവമാണ് ഹരിത. പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ചക്കപ്പഴത്തില്‍ തുരുമ്പ് സുമേഷിന്റെ ഭാര്യ സുപ്രിയയായി എത്തിയത് ഹരിതയായിരുന്നു. പരമ്പരയില്‍ നിറഞ്ഞുനിന്ന സുപ്രിയയെ ഇടയ്ക്ക് വെച്ച് കാണാനില്ലായിരുന്നു.
ചക്കപ്പഴമെന്ന പരമ്പരയില്‍ സുപ്രിയ എന്ന ക്യാരക്ടറിനെ അവതരിപ്പിച്ചത് ഹരിതയായിരുന്നു. പ്ലാവില വീട്ടില്‍ കുഞ്ഞുണ്ണിയുടെ ഇളയ മകനായ സുമേഷിന്റെ ഭാര്യ സുപ്രിയ എന്ന സുപ്രുവിന് മികച്ച സ്വീകാര്യതയായിരുന്നു ലഭിച്ചത്. പ്രണയിച്ച് വിവാഹിതരായ ഇവരുടെ ജീവിതത്തില്‍ സംഭവിക്കുന്ന രസകരമായ കാര്യങ്ങളും കാണിച്ചിരുന്നു. ജോലി ചെയ്യാന്‍ മടിയുള്ള സുമേഷ് വിവാഹശേഷവും അതേപോലെ തന്നെയായിരുന്നു. സ്വന്തമായി ബിസിനസ് എന്ന ആഗ്രഹം നടത്തിയെടുക്കാനായി സുപ്രിയ അങ്ങേയറ്റം ശ്രമിച്ചെങ്കിലും അത് നടന്നിരുന്നില്ല. ചക്കപ്പഴത്തിലെ സുപ്രു കരിയര്‍ ബ്രേക്കായി മാറിയ കഥാപാത്രങ്ങളിലൊന്നായിരുന്നുവെന്ന് ഹരിത പറയുന്നു. കേരളകൗമുദിക്ക് നല്‍കിയ അഭിമുഖത്തിലായിരുന്നു ഹരിത വിശേഷങ്ങള്‍ പങ്കുവെച്ചത്.
ലൊക്കേഷനിലുള്ളവരെല്ലാം സുപ്രിയ എന്നായിരുന്നു വിളിച്ചത്. ഹരിത എന്ന പേര് ആരെങ്കിലും വിളിച്ചാല്‍ ഞാന്‍ നോക്കാറില്ലായിരുന്നു. റാഫി നല്ല തമാശയാണ്, പക്ഷേ, പെണ്‍കുട്ടികളോട് സംസാരിക്കാന്‍ അവന് ഭയങ്കര ചമ്മലാണ്. ഞാന്‍ സംസാരിക്കാന്‍ നോക്കുമ്പോഴും കാര്യമായി സംസാരിക്കാറൊന്നുമുണ്ടായിരുന്നില്ല. മൂന്ന് മാസമൊക്കെ എടുത്താണ് ഞങ്ങള്‍ കമ്പനിയാവുന്നത്. റാഫിയുടെ കൂടെ ചെയ്യാന്‍ ഭയങ്കര കംഫര്‍ട്ടാണ്. ശ്രുതിയെ എനിക്ക് കുഞ്ഞെല്‍ദോ മുതല്‍ അറിയാം. അടിയും ബഹളവുമൊക്കെ ഉണ്ടാക്കാന്‍ താല്‍പര്യമാണ് അവള്‍ക്ക്. സുമേഷും സുപ്രിയയും പൈങ്കിളിയും ഒന്നിച്ചുള്ള കോംപോ നല്ലതാണെന്ന് കുറേ പേര് പറഞ്ഞിട്ടുണ്ട്. എന്നാണ് ചക്കപ്പഴത്തിലേക്ക് വരുന്നതെന്ന് എല്ലാവരും ചോദിക്കാറുണ്ട്. ഇതുവരെ ഞാന്‍ ആ ചോദ്യത്തിന് മറുപടി കൊടുത്തിരുന്നില്ല. ഇപ്പോള്‍ അതിന് മറുപടി ഇതാണ് ചക്കപ്പഴത്തിലേക്ക് ഇനി വരുന്നില്ലെന്നായിരുന്നു ഹരിത പറഞ്ഞത്.
ലൊക്കേഷനിലുള്ളവരെല്ലാം സുപ്രിയ എന്നായിരുന്നു വിളിച്ചത്. ഹരിത എന്ന പേര് ആരെങ്കിലും വിളിച്ചാല്‍ ഞാന്‍ നോക്കാറില്ലായിരുന്നു. റാഫി നല്ല തമാശയാണ്, പക്ഷേ, പെണ്‍കുട്ടികളോട് സംസാരിക്കാന്‍ അവന് ഭയങ്കര ചമ്മലാണ്. ഞാന്‍ സംസാരിക്കാന്‍ നോക്കുമ്പോഴും കാര്യമായി സംസാരിക്കാറൊന്നുമുണ്ടായിരുന്നില്ല. മൂന്ന് മാസമൊക്കെ എടുത്താണ് ഞങ്ങള്‍ കമ്പനിയാവുന്നത്. റാഫിയുടെ കൂടെ ചെയ്യാന്‍ ഭയങ്കര കംഫര്‍ട്ടാണ്. ശ്രുതിയെ എനിക്ക് കുഞ്ഞെല്‍ദോ മുതല്‍ അറിയാം. അടിയും ബഹളവുമൊക്കെ ഉണ്ടാക്കാന്‍ താല്‍പര്യമാണ് അവള്‍ക്ക്. സുമേഷും സുപ്രിയയും പൈങ്കിളിയും ഒന്നിച്ചുള്ള കോംപോ നല്ലതാണെന്ന് കുറേ പേര് പറഞ്ഞിട്ടുണ്ട്. എന്നാണ് ചക്കപ്പഴത്തിലേക്ക് വരുന്നതെന്ന് എല്ലാവരും ചോദിക്കാറുണ്ട്. ഇതുവരെ ഞാന്‍ ആ ചോദ്യത്തിന് മറുപടി കൊടുത്തിരുന്നില്ല. ഇപ്പോള്‍ അതിന് മറുപടി ഇതാണ് ചക്കപ്പഴത്തിലേക്ക് ഇനി വരുന്നില്ലെന്നായിരുന്നു ഹരിത പറഞ്ഞത്.
haritha haridas viral talk about chakkapazham