എന്റെ യോഗ്യത അളക്കാന്‍ നിങ്ങളാരാണ്! വിമര്‍ശകര്‍ക്ക് മാസ് മറുപടിയുമായി ഹില

യൂട്യൂബ് ചാനലിലൂടെയായി പ്രേക്ഷകര്‍ക്ക് പരിചിതയാണ് ഹില എന്ന അസ്ല മാര്‍ലി. ജീവിതവിശേഷങ്ങള്‍ മാത്രമല്ല സെക്‌സ് എജ്യുക്കേഷനെക്കുറിച്ചും സ്ത്രീകള്‍ ശ്രദ്ധിക്കേണ്ട കാര്യങ്ങളെക്കുറിച്ചുമെല്ലാം അവര്‍ സംസാരിക്കാറുണ്ട്. സെക്‌സ് എജ്യുക്കേഷന്‍ വീഡിയോ ചെയ്യാന്‍ എന്ത് യോഗ്യതയാണ് നിങ്ങള്‍ക്കുള്ളതെന്ന ചോദ്യത്തിന് മറുപടിയുമായെത്തിയിരിക്കുകയാണ് ഹില. തന്റെ വിദ്യാഭ്യാസ യോഗ്യതകളെക്കുറിച്ചായിരുന്നു പുതിയ വീഡിയോയിലൂടെയായി ഹില വാചാലയായത്.
സംസാരിക്കുന്ന വിഷയത്തെക്കുറിച്ച് കൃത്യമായി പഠിക്കാറുണ്ട്. വേണ്ടത്ര തയ്യാറെടുപ്പുകള്‍ നടത്തിയതിന് ശേഷമായാണ് സംസാരിക്കാറുള്ളത്. അറിയാന്‍ ആഗ്രഹിക്കുന്ന കാര്യങ്ങളെക്കുറിച്ചാണ് നിങ്ങള്‍ സംസാരിക്കുന്നതെന്നാണ് ഹിലയോട് ആരാധകര്‍ പറയാറുള്ളത്. പ്രണയത്തെക്കുറിച്ചും ബ്രേക്കപ്പിനെക്കുറിച്ചുമൊക്കെയുള്ള ഹിലയുടെ തുറന്ന് പറച്ചില്‍ വൈറലായിരുന്നു. അടുത്തിടെയായിരുന്നു താന്‍ വിവാഹിതയാവാന്‍ പോവുകയാണെന്ന് വ്യക്തമാക്കി ഹില എത്തിയത്. ആഗ്രഹിച്ച പോലൊരാളെയാണ് തനിക്ക് ജീവിതപങ്കാളിയായി കിട്ടിയതെന്നും ഹില പറഞ്ഞിരുന്നു.
Also Read:
സെക്‌സ് എജ്യുക്കേഷന്‍ വീഡിയോ ചെയ്യാന്‍ തുടങ്ങിയപ്പോള്‍ മുതല്‍ ചില ചേട്ടന്‍മാര്‍ നാലാംകിട കമന്റുകളുമായി വന്നിരുന്നു. നിന്റെ ക്വാളിഫിക്കേഷന്‍ എന്താടീ, നിനക്കെന്തെങ്കിലും ഡിഗ്രി ഉണ്ടോ എന്നൊക്കെയാണ് അവരുടെ ചോദ്യങ്ങള്‍. സെക്‌സ് എന്നല്ലാതെ നിനക്ക് വേറെന്തെങ്കിലും അറിയുമോ, ഇവിടെ ഡോക്ടര്‍മാരുണ്ടല്ലോ. ഈ നാലാംകിട യൂട്യൂബര്‍ വന്നിട്ട് ഇതൊക്കെ എന്തിനാണ് പറയുന്നതെന്നാണ് ചോദ്യങ്ങള്‍. എന്തായാലും ഞാന്‍ എന്റെ ക്വാളിഫിക്കേഷന്‍ പറഞ്ഞ് തരാം. ഡ്യുവല്‍ ഡിഗ്രിയായിരുന്നു. ജെമ്മോളജി, ഫോറന്‍സിക്& സൈബര്‍ സെക്യൂരിറ്റി. പിജി എംഎസ് ഡബ്ല്യു സ്‌പെഷലൈസ്ഡ് ഇന്‍ ചൈല്‍ഡ് റൈറ്റ്‌സ്& ചൈല്‍ഡ് പ്രൊട്ടക്ഷന്‍. അതുകഴിഞ്ഞാണ് സെക്‌സ് എജ്യുക്കേഷനിലും കൗണ്‍സലിംഗിലും സര്‍ട്ടിഫിക്കറ്റ് കോഴ്‌സ് ചെയ്തത്. ഇനി വൈകാതെ പിഎച്ച്ഡിക്ക് അപ്ലൈ ചെയ്യാനുള്ള തീരുമാനത്തിലാണ്. കല്യാണമായത് കൊണ്ട് എനിക്ക് അതിന് കഴിഞ്ഞിട്ടില്ല. ഉടനെ അത് ചെയ്യും. മേലില്‍ ഇജ്ജാതി പട്ടി ഷോ കമന്റുകള്‍ ചെയ്യാന്‍ നില്‍ക്കരുതെന്നുമായിരുന്നു ഹില പറഞ്ഞത്.