കൊച്ചിനെ പോലും നോക്കാത്ത തള്ള എന്നെഴുതിയാലും അതെന്നെ ബാധിക്കില്ല! എന്റെ മോനെ നോക്കാൻ എനിക്കറിയാം! മകനൊപ്പമുള്ള ഔട്ടിങ്ങിന്റെ വിശേഷങ്ങൾ പങ്കിട്ട് വരദ

അടുത്തിടെയായിരുന്നു വരദ യൂട്യൂബ് ചാനല്‍ തുടങ്ങിയത്. ഹോം ടൂറും ഡേ ഇന്‍ മൈ ലൈഫുമെല്ലാം ചെയ്തതിന് പിന്നാലെയായാണ് ഫാമിലി ഔട്ടിങ് വ്‌ളോഗ് പോസ്റ്റ് ചെയ്തത്. അമ്മേ വെള്ളത്തില്‍ പോണമെന്ന് പറഞ്ഞ് മകനാണ് പോവേണ്ട സ്ഥലം എങ്ങനെയായിരിക്കണമെന്ന് പറഞ്ഞത്. അങ്ങനെയാണ് ഈ സ്ഥലത്തേക്ക് വരാന്‍ തീരുമാനിച്ചതെന്നും വരദ പറഞ്ഞിരുന്നു. മകനും മമ്മിക്കുമൊപ്പമായുള്ള ഔട്ടിങ്ങ് വീഡിയോയാണ് വരദ പങ്കുവെച്ചത്.

വേണ്ടതെല്ലാം കഴിച്ച് അവന്‍ കളിക്കാന്‍ പോയിരിക്കുകയാണ്. മമ്മയും അമ്മാമയും കഴിക്ക്, ഇടയ്ക്ക് വന്ന് ഞാനും കഴിച്ചോളാമെന്നാണ് അവന്‍ പറഞ്ഞത്. ശല്യമില്ലാതെ സ്വസ്ഥമായി കഴിക്കാമല്ലോയെന്ന് കരുതി. കൊച്ചിനെ പോലും നോക്കാത്ത തള്ള എന്ന് ഇതിന്റെ താഴെ കമന്റിടണം കേട്ടോ, അതൊന്നും എന്നെ ബാധിക്കില്ല, കാരണം എന്റെ കൊച്ചിനെ നോക്കാന്‍ എനിക്കറിയാമല്ലോയെന്നും വരദ പറഞ്ഞിരുന്നു. ഇടയ്ക്ക് മകനെ വരദ വിളിക്കുകയും ടേസ്റ്റ് നോക്കാനായി പറയുകയും ചെയ്യുന്നുണ്ടായിരുന്നു.

വ്യത്യസ്തമായ ശൈലിയിലൂടെയായാണ് വരദ വിശേഷങ്ങള്‍ പങ്കിടുന്നത്. സംസാരശൈലി ഏറെയിഷ്ടമാണെന്ന് ആരാധകരെല്ലാം പറഞ്ഞിരുന്നു. വീഡിയോകളെല്ലാം നിമിഷനേരം കൊണ്ടാണ് വൈറലായി മാറാറുള്ളത്. അമ്മയും മോനുമല്ലാതെ ജിഷിന്‍ ചേട്ടനേയും വീഡിയോയില്‍ കൊണ്ടുവന്നൂടേയെന്ന് കുറേപേര്‍ കമന്റുകളിലൂടെയായി ചോദിച്ചിരുന്നു. ഹോം ടൂറില്‍ പോലും അദ്ദേഹത്തെ കാണിച്ചില്ലല്ലോയെന്നായിരുന്നു കമന്റുകള്‍.

വരദയും ജിഷിനും വേര്‍പിരിഞ്ഞുവെന്ന തരത്തിലുള്ള റിപ്പോര്‍ട്ടുകളായിരുന്നു അടുത്തിടെ പ്രചരിച്ചത്. വിവാഹമോചനത്തെക്കുറിച്ച് ഇരുവരും പ്രതികരിച്ചിട്ടില്ലെന്നും ആരാധകര്‍ പറഞ്ഞിരുന്നു. സോഷ്യല്‍മീഡിയയില്‍ നടക്കുന്ന ചര്‍ച്ചകളെല്ലാം കാണുമ്പോഴും ഇരുവരും മൗനം പാലിക്കുകയാണ്. പുതിയ വീഡിയോയ്ക്ക് താഴെ ജിഷിനെക്കുറിച്ച് ചര്‍ച്ചകളുണ്ടായിരുന്നുവെങ്കിലും കമന്റുകളെല്ലാം അപ്രത്യക്ഷമാവുകയായിരുന്നു പിന്നീട്.