അമൃതയുടെ ആ സ്വഭാവത്തോട് മാത്രം എനിക്ക് യോജിക്കാനാവില്ല! ഭാര്യയുടെ ക്യാരക്ടറിൽ ഇഷ്ടമല്ലാത്ത കാര്യത്തെക്കുറിച്ച് ചോദിച്ചപ്പോള്‍ പ്രശാന്ത് പറഞ്ഞത്?

അമൃതയിലൂടെയായല്ല തനിക്ക് അവസരം ലഭിച്ചതെന്ന് പ്രശാന്ത് പറഞ്ഞിരുന്നു. അമൃത ഒരു സീരിയലിലേക്ക് എന്നെ റഫര്‍ ചെയ്തിരുന്നു. ഷൂട്ട് അധികം വൈകാതെ തുടങ്ങുമെന്ന് പറഞ്ഞിരുന്നു. അവസാനനിമിഷമാണ് അതില്‍ നിന്നും മാറ്റിയതിനെക്കുറിച്ച് അറിഞ്ഞത്. അമൃതയിലൂടെയായല്ല അഭിനയജീവിതം തുടങ്ങിയത്. അമൃത ഈ നായകനൊപ്പം അഭിനയിച്ചാല്‍ കൊള്ളാമെന്നൊന്നും എനിക്കില്ല. ഭാര്യ അഭിനയിച്ച പരമ്പരകളില്‍ ഏതാണ് ഇഷ്ടമെന്ന് ചോദ്യത്തിന് ഓട്ടോഗ്രാഫെന്നായിരുന്നു പ്രശാന്തിന്റെ മറുപടി.

അമൃതയെ ആദ്യം കണ്ടത് കോമഡി സ്റ്റാര്‍സിന്റെ സമയത്താണ്. ചിക്കന്‍ കാല് കടിച്ചുപറിക്കുന്ന സീനായിരുന്നു ആദ്യത്തേത്. തെറ്റ് ചെയ്താല്‍ തമാശയിലൂടെയായെങ്കിലും എന്നോട് വന്ന് പറയും. അങ്ങനെ ഒന്നും ഒളിപ്പിച്ച് വെക്കാറില്ല. അതേപോലെ ആള്‍ ഭയങ്കര സോഷ്യലാണ്. ജനുവിനായി സംസാരിക്കുകയും പെരുമാറുകയും ചെയ്യുന്നയാളാണ്. ആരെങ്കിലും എന്തെങ്കിലും സഹായം ചോദിച്ചാല്‍ പറ്റില്ലെന്ന് പറയാറില്ല. ഈ മൂന്ന് കാര്യങ്ങളാണ് ഭര്‍ത്താവില്‍ ഏറെയിഷ്ടമുള്ളതെന്ന് അമൃത ചോദ്യങ്ങള്‍ക്ക് മറുപടിയേകിയിരുന്നു.

നിലവിലെ പ്രൊജക്ടുകള്‍ തീര്‍ത്ത് ഇനി അഭിനയിക്കുന്നില്ലെന്നാണ് അമൃത പറഞ്ഞിട്ടുള്ളത്. ലഭിക്കുന്ന കഥാപാത്രത്തെ മനോഹരമായി ചെയ്യാനാണ് ശ്രമിക്കാറുള്ളത്. ഞങ്ങളെ നായികനായകന്‍മാരാക്കി സീരിയല്‍ ചെയ്യുന്നതിനോട് താല്‍പര്യമില്ലെന്നും ഇരുവരും പറഞ്ഞിരുന്നു. എല്ലാകാര്യങ്ങളും ഞങ്ങള്‍ അങ്ങോട്ടും ഇങ്ങോട്ടും പറയുന്നവരാണ്. രഹസ്യമായൊന്നും സൂക്ഷിക്കുന്നില്ല. വെറുതെ കരയുന്ന സ്വഭാവമുണ്ട് അമൃതയ്ക്ക്, അത് മാറ്റിയാല്‍ കൊള്ളാമെന്നാണ് തന്റെ അഭിപ്രായമെന്നും പ്രശാന്ത് പറഞ്ഞിരുന്നു.

അമൃത നല്ല കെയറിംഗാണ്. എന്താവശ്യമുണ്ടെങ്കിലും എപ്പോഴും വിളിക്കും. കാര്യങ്ങളെല്ലാം തിരക്കും. വീട് നന്നായി കൊണ്ടുനടക്കുന്നയാളാണ്. കുക്കിംഗും അറിയാം. എന്നാല്‍ നമ്മളെന്തെങ്കിലും ചെയ്യരുതെന്ന് പറഞ്ഞാല്‍ അത് ചെയ്ത് കാണിക്കുന്ന സ്വഭാവമുണ്ട് അമൃതയ്ക്ക്. അത് തനിക്കിഷ്ടമല്ലെന്നുമായിരുന്നു പ്രശാന്ത് പറഞ്ഞത്. നിരവധി പേരാണ് ഇവരുടെ വീഡിയോയ്ക്ക് താഴെ കമന്റുകളുമായെത്തിയിട്ടുള്ളത്.