'ആഹാ' ലൊക്കേഷനിലെ ചിരികൾ; ഓർമ്മച്ചിത്രം പങ്കിട്ട് ഇന്ദ്രജിത്ത്!

ഇന്ദ്രജിത്ത് സുകുമാരൻ നായകനായി അടുത്തതായി റിലീസിന് ഒരുങ്ങുന്ന ചിത്രമാണ് 'ആഹാ'. ചിത്രത്തിൻ്റെ അണിയറപ്രവർത്തനങ്ങൾ പുരോഗമിക്കുകയാണ്. അതിനിടെ ചിത്രത്തിൻ്റെ ലൊക്കേഷൻ ഓർമ്മ പങ്കുവെച്ചിരിക്കുകയാണ് നടൻ ഇന്ദ്രജിത്ത്. ലൊക്കേഷനിലെ സിനിമാ പ്രവർത്തകരുമായുള്ള സെൽഫി ചിത്രമാണ് ഓർമ്മ പുതുക്കിക്കൊണ്ട് ഇന്ദ്രജിത്ത് പങ്കുവെച്ചിരിക്കുന്നത്. ലൊക്കേഷനിലെ ചിരികൾ എന്നാണ് ഇന്ദ്രജിത്ത് ചിത്രം പങ്കുവെച്ചുകൊണ്ട് കുറിച്ചിരിക്കുന്നത്.

Also Read: ഇവരില്ലാതെ എന്ത് ഓണം ഓണക്കാലത്തെ സ്ഥിരം സിനിമകള്‍

വടംവലിക്കാരുടെ കഥ പറയുന്ന ചിത്രമാണ് ആഹാ. ചിത്രത്തിൻ്റെ ടീസർ പുറത്തിറക്കിയത് മോഹൻലാൽ ആയിരുന്നു. വടംവലി ആസ്പദമാക്കി സംവിധായകൻ ബിബിന്‍ പോൾ സാമുവലാണ് ചിത്രം ഒരുക്കുന്നത്. ഈ ചിത്രം മുഴുനീള സ്പോർട്സ് ഡ്രാമയായാണ് ഒരുക്കുന്നത്. കുടുംബ ബന്ധങ്ങൾക്കും പ്രണയത്തിനും സംഗീതത്തിനും പ്രാധാന്യം നല്‍കിയാണ് ചിത്രം ഒരുക്കിയിട്ടുള്ളത്. എൺപത്തിനാ അധികം ലൊക്കേഷനുകളിലായി ആയിരത്തോളം ആർട്ടിസ്റ്റുകളാണ് ചിത്രത്തിൽ അഭിനയിച്ചിരിക്കുന്നത്. ആഹായുടെ സംഗീത സംവിധാനം നിർവഹിച്ചിരിക്കുന്നത് സയനോര ഫിലിപ്പാണ്. സയനോര ഫിലിപ്പ്, ജുബിത് നമ്പറാടത്, ടിറ്റോ. പി.തങ്കച്ചൻ എന്നിവർ ചേർന്നാണ് ഗാനങ്ങൾ രചിച്ചിരിക്കുന്നത്.

Also Read: നിറകണ്ണുകളോടെ സിജു വിൽസൺ; 'മാരീചൻ' ഫസ്റ്റ് ലുക്ക് പോസ്റ്റർ!

സാസ പ്രൊഡക്ഷൻസിന്റെ ബാനറിൽ പ്രേം എബ്രഹാം ആണ് ചിത്രം നിർമ്മിക്കുന്നത്. രാഹുൽ ബാലചന്ദ്രനാണ് ചിത്രത്തിന്റെ ഛായഗ്രാഹകൻ. ശാന്തി ബാലചന്ദ്രന്‍, അമിത് ചക്കാലക്കൽ, അശ്വിൻ കുമാർ, മനോജ്.കെ.ജയൻ, സിദ്ധാർഥ ശിവ തുടങ്ങിയവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഏറെ നാളത്തെ പരിശീലനത്തിന് ശേഷമാണ് ചിത്രത്തിനായി താരങ്ങൾ തയ്യാറായത്. വടംവലിയിലെ യഥാർഥ ഹീറോകളും ചിത്രത്തിൽ എത്തുന്നുണ്ടെന്നാണ് റിപ്പോർട്ടുകൾ.