ഈ വര്‍ഷം വിവാഹമുണ്ടാവും
വിവാഹം എപ്പോഴുണ്ടാവും എന്ന പ്രേക്ഷകരുടെ ആകാംക്ഷയെ മുതലെടുക്കുന്ന പല പോസ്റ്റുകളും പ്രേംമിജി ഇടയ്ക്കിടെ പങ്കുവയ്ക്കാറുണ്ട്. അത്തരത്തില്‍ ഈ വര്‍ഷം ആദ്യവും പ്രേമി ഒരു പോസ്റ്റ് പങ്കുവച്ചിരുന്നു. 'ഹാപ്പി ന്യൂ ഇയര്‍. ഈ വര്‍ഷം ഞാന്‍ വിവാഹിതനാകും. ഡോട്ട്' എന്ന് പറഞ്ഞായിരുന്നു പോസ്റ്റ്. ഇത് കേള്‍ക്കാന്‍ തുടങ്ങിയിട്ട് അഞ്ച് വര്‍ഷമായി. ഒന്ന് കെട്ടൂ എന്നായിരുന്നു അതിന് ആരാധകരുടെ കമന്റ്.
22 കാരിയായ വധു
അത് വെറും വാക്കല്ല, സത്യമാണ് എന്ന് തെളിയിക്കുന്ന പോസ്റ്റുകളാണ് ഇപ്പോള്‍ പുറത്തുവരുന്നത്. പ്രേംജി അമരന്‍ വിവാഹിതനാകാന്‍ പോകുന്നു, 44 കാരനായ പ്രേംജിയുടെ വധു 22 കാരിയായ വിനീതയാണ്. ഗായികയായ വിനീതയുമായി പ്രേംജി ഒരു വര്‍ഷത്തോളമായി പ്രണയത്തിലാണെന്നാണ് വരുന്ന റിപ്പോര്‍ട്ടുകള്‍. ഇരുവരും നേരത്തെ പങ്കുവച്ച പോസ്റ്റുകള്‍ എല്ലാം ഈ ബന്ധത്തിലേക്ക് വിരല്‍ ചൂണ്ടുന്നതായിരുന്നു.
വെങ്കട് പ്രഭു പറയാറുള്ളത്
പ്രശസ്ത സംവിധായകനായ വെങ്കട് പ്രഭുവിന്റെ സഹോദരന്‍ കൂടെയായ പ്രേംജിയുടെ വിവാഹത്തിന് വേണ്ടി കുടുംബവും ഏറെ നാളായി കാത്തിരിയ്ക്കുകയാണ്. ഏത് അഭിമുഖത്തില്‍ പോയാലും വെങ്കട് പ്രഭുവിനോട് ആദ്യം ചോദിയ്ക്കുന്നത്, പ്രേംജി എപ്പോള്‍ വിവാഹിതനാകും എന്നാണ്. അദ്ദേഹം അദ്ദേഹത്തിന്റെ ബാച്ചിലര്‍ ലൈഫ് ആസ്വദിക്കുകയാണെന്ന് പറഞ്ഞ് വെങ്കട് പ്രഭു ഒഴിഞ്ഞുമാറും
അവസാനം സംഭവിക്കുന്നു
അച്ഛന്‍ ഗംഗൈ അമരന്‍ പ്രേംജിയ്ക്ക് വേണ്ടി പെണ്ണിനെ അന്വേഷിച്ച് തുടങ്ങിയതായും, 2024 ല്‍ വിവാഹം ഉണ്ടാവുമെന്നും തരത്തിലുള്ള വാര്‍ത്തകള്‍ നേരത്തെ പുറത്ത് വന്നിരുന്നു. എന്നാല്‍ അച്ഛന്‍ കണ്ടെത്തും മുന്‍പേ പ്രേംജി തന്റെ പങ്കാളിയെ കണ്ടെത്തി എന്ന തരത്തിലാണ് തമിഴ് മാധ്യമങ്ങള്‍ ഇപ്പോള്‍ റിപ്പോര്‍ട്ട് ചെയ്യുന്നത്. എത്രയും പെട്ടന്ന് ഇക്കാര്യം ഔദ്യോഗികമായി അറിയിക്കണം, വിവാഹം ഇനി വച്ചു താമസിപ്പിക്കരുത് എന്നൊക്കെയാണ് സോഷ്യല്‍ മീഡിയയില്‍ വരുന്ന കമന്റുകള്‍