ഭയങ്കരമായി ഡിപ്രഷനിലായിരുന്നപ്പോഴായിരുന്നു തുടക്കം! വീഴ്ചയില്‍ നിന്നും ഫീനിക്‌സ് പക്ഷിയെപ്പോലെ പറന്ന ജാസ്മിന്‍ ജാഫര്‍

എല്ലാവരുടെയും വീഡിയോകള്‍ കാണാറുണ്ട്. വീഡിയോ ചെയ്യാനിരിക്കുമ്പോഴേ അതിന് പിന്നിലെ എഫേര്‍ട്ടിനെക്കുറിച്ച് കൃത്യമായി മനസിലാവുകയുള്ളൂ. അങ്ങനെ പ്രത്യേകിച്ച് റോള്‍ മോഡലൊന്നും ഇല്ലാത്ത ആളാണ് ഞാന്‍. കൊവിഡ് കാലത്തായിരുന്നു ഡിഗ്രി പഠനം മുടങ്ങിയത്. ഇടയ്ക്ക് റേഡിയേഷന്‍ കോഴ്‌സിന് പോയെങ്കിലും അത് പാതിവഴിയില്‍ നിര്‍ത്തി. ആ സമയത്തായിരുന്നു എന്‍ഗേജ്‌മെന്റ് നടന്നത്. വൈകാതെ കല്യാണം കാണുമെന്നായിരുന്നു കരുതിയത്. ചില കാരണങ്ങളാല്‍ കല്യാണവും നീട്ടി വെക്കേണ്ടി വരികയായിരുന്നു.

ഭയങ്കരമായി ഡിപ്രഷനടിച്ച് നിന്ന സമയത്താണ് യൂട്യൂബ് ചാനല്‍ തുടങ്ങിയത്. വല്ലാത്തൊരു അവസ്ഥയിലൂടെ കടന്ന് പോവുകയായിരുന്നു. ഇനി എന്ത് ചെയ്യണമെന്നറിയാത്ത അവസ്ഥയായിരുന്നു. അത്തയ്ക്ക് അറ്റാക്ക് വന്ന സമയമായിരുന്നു അത്. വീട്ടിലെ അവസ്ഥയും മോശമായിരുന്നു. എത്ര കഷ്ടപ്പെട്ടിട്ടാണെങ്കിലും ഈ അവസ്ഥയില്‍ നിന്നൊരു മാറ്റം വേണമെന്നാഗ്രഹിച്ചിരുന്നു. ഉമ്മയും മുന്നക്കയുമാണ് എന്നെ ഏറ്റവും കൂടുതലായി മനസിലാക്കിയത്. ഉമ്മ 22 വര്‍ഷം കൊണ്ട് മനസിലാക്കിയത് മുന്നക്ക 22 വര്‍ഷം കൊണ്ട് മനസിലാക്കിയെന്നുമായിരുന്നു ജാസ്മിന്‍ പറഞ്ഞത്.

സങ്കടം തോന്നിയ ഒരുപാട് നിമിഷങ്ങള്‍ ജീവിതത്തിലുണ്ടായിട്ടുണ്ട്. യൂട്യൂബ് സബ്‌സ്‌ക്രബൈഴ്‌സ് കൂടുന്നത് കാണുമ്പോള്‍ ഭയങ്കരമായി സന്തോഷിക്കാറുണ്ട്. പുറത്ത് കാണിക്കുന്നതിനും അപ്പുറത്താണ് ആ സന്തോഷം. മുഖത്ത് നോക്കി കാര്യങ്ങള്‍ പറയുന്ന സ്വഭാവമാണ്. അത് എല്ലാവര്‍ക്കും ഇഷ്ടമാവണമെന്നില്ല. അഹങ്കാരി, തന്റേടി എന്നൊക്കെ ചിലര്‍ പറയും. ഭയങ്കരമായ വാശിയാണ്. എനിക്ക് സ്‌നേഹക്കൂടുതലുള്ളവരുടെ അടുത്ത് ഭയങ്കരമായ വാശി കാണിക്കും. സന്തോഷത്തോടെയും സമാധാനത്തോടെയും ജീവിക്കണമെന്നാണ് ആഗ്രഹിക്കുന്നത്.

ബോഡി ഷെയ്മിംഗ് കമന്റുകളൊക്കെ കേട്ടിട്ടുണ്ട്. എന്നോടുള്ള അസൂയ കൊണ്ടായിരിക്കും അവര്‍ പറയുന്നതെന്നാണ് ഞാന്‍ കരുതിയത്. അതൊരു പോസിറ്റീവ് ആറ്റിറ്റിയൂഡല്ലേ. ബോഡി ഷെയ്മിംഗ് ചെയ്യുന്നത് അവരുടെ മനസിന്റെ വളര്‍ച്ചക്കുറവ് കൊണ്ടാണെന്ന് കരുതിയാല്‍ മതി. ഉമ്മച്ചി എന്നെ മോട്ടിവേറ്റ് ചെയ്യാറുണ്ട്. എപ്പോഴും വീട്ടിൽത്തന്നെ ഇരിക്കാൻ ഇഷ്ടപ്പെടുന്നയാളാണ് ഞാൻ എന്നും ജാസ്മിൻ അന്ന് വ്യക്തമാക്കിയിരുന്നു..