ഞങ്ങളെ ശത്രുക്കൾ ആക്കിയവരോട് എനിക്ക് പറയാൻ ഉള്ളത് ഇത്ര മാത്രം; സത്യം അറിയാതെ വൈറൽ ആക്കാൻ നിൽക്കരുത്; ജീജ പറയുന്നു

രണ്ടുവർഷമായി എന്റെ മനസ്സിൽ ഉണ്ടായിരുന്ന ഒരു വേദന അത് ക്ലിയർ ആയി, കോവിഡ് സമയത്താണ് ഞാൻ യൂ ട്യൂബിൽ കൂടുതൽ ശ്രദ്ധിക്കാൻ തുടങ്ങുന്നത്. അപ്പോൾ ആണ് മേഘ്ന വിൻസെന്റ് എന്ന് പറയുന്ന നമ്മുടെ ആർട്ടിസ്റ്റിനു ഞാൻ കൊടുത്ത ഒരു കമന്റ് ഇന്നത്തെ യൂ ട്യൂബ് ചാനലുകാർ അത് വൈറലാക്കിയത്. അതിന്റെ സത്യം എന്താണ് എന്ന് ആരോടും എന്നോടോ മേഘ്‌നയോടോ ചോദിച്ചില്ല. എനിക്ക് അങ്ങനെ ഉള്ളവരോട് പറയാൻ ഉള്ളത് നിങ്ങൾ ഇത്തരം കാര്യങ്ങൾ ശരിയാണോ തെറ്റാണോ എന്ന് അറിയാതെ വൈറൽ ആക്കരുത് എന്നാണ്.

കൊച്ചു പ്രേമൻ ചേട്ടന്റെ ബോഡി കാണാൻ പോയപ്പോൾ എന്റെ അടുത്ത് നിന്നുള്ള ആ മധുര ശബ്ദം കേട്ടാണ് തിരിഞ്ഞു നോക്കിയത്. നോക്കുമ്പോൾ മേഘ്നയാണ്. നല്ല സുന്ദരി ആയ കുഞ്ഞുമോൾ. കുറെ നേരം ഞങ്ങൾ കൂടെ നിന്നു. എന്നോട് ആ കുട്ടി ചോദിച്ചു ആന്റിക്ക് എന്നോട് എന്തെങ്കിലും നീരസം ആണോ എന്ന്. ഇന്ന് ആന്റി എന്നോട് ചിരിച്ചപ്പോൾ ഒരുപാട് സന്തോഷം ആയെന്നും. ഞാൻ അപ്പോൾ അതിനോട് പറഞ്ഞു, മോളെ ഇത് തന്നെയാണ് എന്റെയും അവസ്ഥ എന്ന്. കാരണം ഇനി മോൾ എന്നെ കാണുമ്പൊൾ എങ്ങനെ ആണ് പ്രതികരിക്കുക എന്ന് ആയിരുന്നു എന്റെ ചിന്ത എന്ന്.

എനിക്ക് ആ കുഞ്ഞിനെ കാണുമ്പൊൾ എനിക്ക് എന്റെ വീട്ടിൽ ഉള്ള കുട്ടി ആയിട്ടാണ് എനിക്ക് തോന്നിയത്. ഞങ്ങൾ രണ്ടുപേരും ഒരുപാട് കാര്യങ്ങൾ പങ്കുവച്ചു. നമ്മുടെ കൂടെ ഒരുപാട് സുഹൃത്തുക്കളും ഉണ്ടായിരുന്നു.കുറേക്കാലം കഴിഞ്ഞു എല്ലാവരേം കണ്ടപ്പോൾ ഒരുപാട് സന്തോഷമായി.ഞങ്ങൾ തമ്മിലുള്ള ഈ സന്തോഷം ഞാൻ എന്റെ വേണ്ടപെട്ടവരോട് പറഞ്ഞോട്ടെ എന്ന് ചോദിച്ചപ്പോൾ ആ കുട്ടി ചെയ്തോളാൻ ആണ് പറഞ്ഞത്. അതുകൊണ്ടാണ് ഞാൻ ഇപ്പോൾ ഇത് പങ്കിട്ടത് എന്നും ജീജ പറയുകയുണ്ടായി.

അബദ്ധം എന്നോ മനസാക്ഷിയുണ്ടോ കുട്ടിക്ക്, നിന്റെ ഭർത്താവിനെ എനിക്കറിയാം, ഫാമിലി അറിയാം.. നാണമില്ലേ അങ്ങിനെ പറയാൻ നല്ല കുടുംബക്കാർ ആണ്. നല്ല പയ്യൻ. വല്ലതും പറയുമ്പോൾ ഓർത്തോളൂ, ഇതൊക്കെ എന്നെ പോലെയുള്ളവർ കാണുന്നുണ്ട്. എന്ന്", എന്നുപറഞ്ഞുകൊണ്ടാണ് ജീജ രംഗത്ത് വന്നത്. എന്നാൽ ഇതിനുള്ള വിശദീകരണം ആണ് ഇപ്പോൾ ജീജ നൽകിയത്.