'നിന്റെ കെയർ വളരെ വ്യക്തമായി മനസിലാക്കിയിട്ടുള്ള ആളാണ് ഞാൻ' മണിക്കുട്ടനെ കുറിച്ച് ജോൺ!

ആത്മസുഹൃത്തിനെകുറിച്ചു പറയാനുള്ള അവസരത്തിൽ ആണ് കഴിഞ്ഞ ദിവസം മണിക്കുട്ടൻ രണ്ടു സുഹൃത്തുക്കളെ കുറിച്ച് തുറന്നു പറഞ്ഞത്,. രണ്ടാം ക്ലാസ് മുതൽ പത്താം ക്ലാസുവരെ അച്ഛനും അമ്മയും ജോലി ചെയ്തിരുന്ന വീട്ടിലായിരുന്നു താൻ നിന്നത് എന്ന് പറഞ്ഞുതുടങ്ങിയ സംസാരം ആണ് ഏവരുടെയും കണ്ണ് നനയിച്ചത്. വളരെ അന്തര്‍മുഖനായിരുന്ന ആ വീട്ടിലെ കുട്ടിയുമായുള്ള സ്നേഹബന്ധത്തെക്കുറിച്ചും പിന്നീട് ഉണ്ടായ സംഭവവികാസങ്ങളെക്കുറിച്ചുമാണ് ആദ്യം മണിക്കുട്ടൻ മനസ്സ് തുറന്നത്.

പിന്നീട് മണിക്കുട്ടൻ തുറന്നു പറഞ്ഞാത് റിനോജ് എന്ന കൂട്ടുകാരനെകുറിച്ചാണ് അവന് തന്നോടുണ്ടായിരുന്ന സ്നേഹത്തെകുറിച്ചാണ് മണി വാചാലൻ ആയത്. താൻ നടനായപ്പോള്‍ ഓരോ കാര്യങ്ങളും നോക്കിയിരുന്നത് അവനായിരുന്നതായി പറഞ്ഞ മണിക്കുട്ടൻ, അവർ തമ്മിൽ ഉണ്ടായിരുന്ന സൗഹൃദത്തിന്റെ ആഴത്തെക്കുറിച്ചും അവസാനം പ്രിയ സുഹൃത്തിന്റെ അകാല വേര്പാടിനെകുറിച്ചും വികാരാധീനനായി.

കഴിഞ്ഞ ദിവസത്തെ എപ്പിസോഡിൽ മണികുട്ടന്റെ തുറന്നുപറച്ചിലിന് പിന്നാലെയാണ് നടൻ ജോൺ ജേക്കബ് അദ്ദേഹത്തെ കുറിച്ച് പോസ്റ്റ് എഴുതിയത്. സുഹൃത്തുകൾക്ക് വേണ്ടി ഒരുപാട് കെയർ ചെയ്യുന്ന ആളാണ് അദ്ദേഹമെന്നും ജോൺ പോസ്റ്റിലൂടെ വ്യക്തമാക്കി. ഒപ്പം മണികുട്ടന് ആശംസകളും ജോൺ സോഷ്യൽ മീഡിയ പോസ്റ്റിലൂടെ അറിയിച്ചു.

മണി, ഇന്നാണ് നീ ബിബി യിൽ മനസ്സ് തുറന്നത്. നിന്റെ കൂട്ടുകാരൻ എന്ന നിലയിലും ഒരുപാട് പരിപാടിക്ക് ഒരുമിച്ചുനൃത്തം ചെയ്തിട്ടുള്ള വ്യക്തിയെന്ന നിലയിലും നീ സ്നേഹിക്കുന്നവരെയും നിന്റെ സുഹൃത്തുക്കളെയും എത്രത്തോളം കെയർ ചെയ്യുമെന്ന് വളരെ വ്യക്തമായി മനസിലാക്കിയിട്ടുള്ള ഒരു ആളാണ് ഞാൻ. നിനക്കു നഷ്ടമായ നിന്റെ ആത്മസുഹൃത്തിന്റെ ദുഃഖത്തിൽ ഞാനും പങ്കു ചേരുന്നു, അതോടൊപ്പം നിനക്കു ബിബി യിൽ വിജയാശംസകൾ നേരുന്നു. കേറി വാ.