അവൻ ഇറ്റലിയിൽ നിന്ന് വന്നപ്പോഴാണ് വിവാഹം: മുക്കുപണ്ടം ആണെന്ന് പറഞ്ഞു പലരും കളിയാക്കി; ഐശ്വര്യയുടെ പ്രണയ-വിവാഹവിശേഷങ്ങൾ

ഏറ്റവും കൂടുതൽ ആളുകൾ എന്നെ വിളിക്കുന്നത് ചിലങ്ക എന്നാണ്. എന്നെ ആളുകൾ തിരിച്ചറിയുമ്പോൾ എന്നെക്കാളും സന്തോഷം വ്യാസിന് ആണെന്ന് പറയുകയാണ് ഐശ്വര്യ. നോർമൽ ആയ ഒരു ലവ് സ്റ്റോറി ആണ് എന്റേത്. കോളേജിൽ ഓട്ടോയ്ക്കാണ് ഞാൻ പൊയ്ക്കൊണ്ടിരുന്നത്. കുറച്ചു ഹെൽത്ത് ഇഷ്യൂസ് ഉള്ളതുകൊണ്ടുതന്നെ അമ്മയും കൂടെ വരുമായിരുന്നു. ആ സമയത്ത് എന്നും ഒരു പയ്യൻ ഇങ്ങനെ ഓട്ടോയ്ക്ക് സൈഡിലൂടെ പോകാറുണ്ട്. ആ പയ്യനും എന്റെ ഓട്ടോ ചേട്ടനും തമ്മിൽ പരിചയക്കാരാണ്.

ഒരു ദിവസം അമ്മ ഓട്ടോ ചേട്ടനോട് ചോദിച്ചു ആ പയ്യൻ ആരാണ് എന്ന്. അമ്മയുടെ പരിചയക്കാരിയുടെ മകൻ ആണെന് അറിഞ്ഞതോടെ പിന്നെ അമ്മയും ഇവനും തമ്മിൽ ഹായ് ബൈ ബന്ധം ആയി. അപ്പോഴും ഞാൻ പുള്ളിയെ ശ്രദ്ധിക്കുന്നില്ല. ഞങ്ങൾ അയൽക്കാർ ആണെങ്കിലും പരസ്പരം അറിയുമായിരുന്നില്ല. അവസാനം ഓട്ടോ ചേട്ടൻ വഴി എല്ലാ വിവരങ്ങളും ഇവൻ അറിഞ്ഞു ഐശ്വര്യ പറയുന്നു.

പുള്ളി പറഞ്ഞ സമയം തന്നെ ഞാനും വീട്ടിൽ നിന്നും ഇറങ്ങും. ബിടെക് പഠിച്ചു കൊണ്ടിരിക്കുന്ന സമയത്താണ് ഇതൊക്കെ- വ്യാസും പ്രണയ കഥ പറയുന്നു.

എനിക്ക് ലണ്ടനിൽ പോകണം എന്നായിരുന്നു. ആ സമയത്താണ് അമ്മയും വ്യാസിന്റെ കാര്യം പറയുന്നത്. അതോടെ അമ്മയുടെ ഫോണിൽ നിന്നും ആദ്യ സംസാരം തുടങ്ങി. പിന്നെ പയ്യെ റിലേഷൻ ഷിപ്പിലും ആയി. ഒരു ദിവസം നമ്മൾ തമ്മിൽ പിണങ്ങി. അതോടെ ഇവൻ അമ്മയെ വിളിച്ചു എന്നെ കല്യാണം കഴിച്ചു തരുമോ എന്ന് ചോദിച്ചു. അമ്മയ്ക്ക് അത് കേട്ടിട്ട് നല്ല സന്തോഷം ആയി- നടി പറയുന്നു.

4 വര്ഷത്തെ പ്രണയത്തിന് ഒടുവിൽ ആണ് വിവാഹം നടക്കുന്നത്. നമ്മുടെ സെയിം എയ്ജ് ആണ്. ഇറ്റലിയിൽ ആയിരുന്നു വ്യാസ്. അവിടെ നിന്നും വരാൻ ഉള്ള സമയം മാത്രമാണ് വിവാഹത്തിന് എടുത്തത്. വന്ന ഉടനെ തന്നെ വിവാഹവും നടന്നു.

നെഗറ്റീവ് കമന്റ്സ് കണ്ടാൽ ആദ്യം ഒക്കെ സങ്കടം തനിക്ക് ഉണ്ടാകുമെന്ന് വ്യാസ് പറയുന്നു. വിവാഹത്തിന് അണിഞ്ഞത് മുക്കുപണ്ടം ആണെന്ന് ചില കമന്റുകൾ കണ്ടപ്പോൾ ചിലതിന് മറുപടി നൽകിയെന്നും വ്യാസ് ഐസിജിക്ക് നൽകിയ അഭിമുഖത്തിൽ പറയുന്നു.