ഞങ്ങൾക്ക് അറിയാം കുഞ്ഞിന്റെ ജെൻഡർ: നിങ്ങൾ എന്തിനാ വേവലാതിപ്പെടുന്നെ, ആണോ പെണ്ണോ മനുഷ്യനായി കണ്ടാൽ പോരെ; സിയ

ബേബിയുടെ ജെൻഡർ എന്താണ് എന്ന് ചോദിച്ചുകഴിഞ്ഞാൽ നമ്മൾ അത് പറയാൻ താത്പര്യപെടുന്നില്ല, അത്രേ ഉള്ളൂ. ഒരു കുട്ടി ജനിക്കുമ്പോൾ തന്നെ അത് ട്രാൻസ് ആയിട്ട് ഭൂമിയിലേക്ക് ജനിക്കുന്നില്ല ആണും പെണ്ണും ആയി തന്നെയാണ് ഏതൊരു മനുഷ്യനും ഭൂമിയിൽ ജനിക്കുന്നത്. അത് സത്യമാണ്. പിന്നെ ഭാവിയിൽ ആണ് നമ്മുടെ ജെൻഡർ എന്താണെന്ന് നമ്മൾ തീരുമാനിക്കുന്നത്. അതുപോലെയാണ് ഞങ്ങളുടെ കുഞ്ഞും, ബേബി വലുതാകുമ്പോൾ തീരുമാനിക്കട്ടെ ബേബിയുടെ ജെൻഡർ എന്താണ് എന്ന്.

ബോയ് ആണോ ഗേൾ ആണോ എന്ന് നമ്മൾ ഇപ്പോൾ പറയുന്നില്ല എന്ന് മാത്രം. പക്ഷെ ഞങ്ങൾ അറിയാം അത് ഏതു ജെൻഡർ ആണ് എന്ന്. ഒരിക്കലും ഷെയർ ചെയ്യാതെ ഇരിക്കില്ല. നമ്മൾ പറയുക തന്നെ ചെയ്യും. ബേബി കുറച്ചു കൂടി വലുതാകട്ടെ, ഹെൽത്തി ആയി ഞങ്ങളുടെ കൈകളിൽ ഒതുങ്ങട്ടെ ഫോട്ടോസ് ആയാലും പേര് ആയാലും ബേബിയുടെ ചിത്രങ്ങൾ ആയാലും ഞങ്ങൾ ഓപ്പൺ ആയി പറയും. പക്ഷെ സമയം ആകട്ടെ- സിയ ബിഹൈൻഡ് വുഡ്സിനോട് പറഞ്ഞു.

ഈ ഒരു സമയത്ത് വേണ്ട എന്നാണ് ഞങ്ങൾ തീരുമാനിച്ചിരിക്കുന്നത്. ഞങ്ങളുടെ കുട്ടിയല്ലേ, ഞങ്ങൾക്ക് ഇഷ്ടമുള്ള സമയം ആകുമ്പോൾ നമ്മൾ പറയും. അതിനു നിങ്ങൾ എന്തിനാണ് ഇത്ര വേവലാതി പെടുന്നത് എന്ന് മനസിലാകുന്നില്ല. ആണോ പെണ്ണോ ആയികോട്ടെ അതിനെ മനുഷ്യൻ ആയി കണ്ടാൽ പോരെ. കുഞ്ഞിനെ കുഞ്ഞായി കാണൂ. അതിനെ ആണോ പെണ്ണോ, അതിന്റെ ജാതിയോ മതമോ ഒന്നും നോക്കേണ്ട കാര്യം ഇല്ലല്ലോ. നമ്മുടെ സമൂഹം ആണ് ഇത്തരം കാര്യങ്ങൾ കൊണ്ട് മനുഷ്യനെ തരം തിരിക്കുന്നത്- സിയാ പറഞ്ഞു.

കോഴിക്കോട് മെഡിക്കൽ കോളേജ് ആശുപത്രിയിൽ വച്ചായിരുന്നു സഹദ് കുഞ്ഞിന് ജന്മം നൽകിയത്. പ്രസവിക്കുന്നതിന്റെ ടെൻഷനും കാര്യങ്ങളും ഒക്കെ ഉണ്ടായിരുന്നു എങ്കിലും അവനെ ഇത്രയും ആളുകൾ പിന്തുണക്കുകയും സ്നേഹിക്കുകയും ചെയ്തതിന്റെ ഫലമായി വളരെ കൂൾ ആയിട്ടാണ് അവൻ പ്രസവിച്ചത്. സി സെക്ഷൻ ആയിരുന്നു എന്നും കഴിഞ്ഞദിവസം സിയക്കും, സഹാദിനും വേണ്ടപ്പെട്ടവർ പറയുകയുണ്ടായി.