പതിനഞ്ച് വര്‍ഷങ്ങള്‍, പതിനഞ്ച് പകലുകള്‍ പോലെ പോയി: വിവാഹ വാര്‍ഷികത്തില്‍ ഭാര്യയോട് നന്ദി പറഞ്ഞ് കിഷോര്‍ സത്യ

മലയാള ടെലിവിഷന്‍ ലോകത്തെ നിത്യ ഹരിത നായകന്മാരില്‍ ഒരാളാണ് കിഷോര്‍ സത്യ. അന്നും ഇന്നും നായക നിരയില്‍ തന്നെ ശോഭിച്ചു നില്‍ക്കുന്നു. ഇന്റസ്ട്രിയില്‍ നിന്നുള്ളവരുമായുള്ള സൗഹൃദത്തെ കുറിച്ചും ആത്മബന്ധത്തെ കുറിച്ചും എല്ലാം പലപ്പോഴും സോഷ്യല്‍ മീഡിയയില്‍ പോസ്റ്റുകള്‍ പങ്കുവയ്ക്കാറുണ്ട്. വല്ലപ്പോഴും കുടുംബ വിശേഷങ്ങളും ചിത്രങ്ങളും പങ്കുവയ്ക്കാനും മറക്കാറില്ല.

ഇപ്പോഴിതാ പതിനഞ്ചാം വിവാഹ വാര്‍ഷികത്തിന്റെ സന്തോഷത്തെ കുറിച്ച് പറഞ്ഞുകൊണ്ട് എത്തിരിയിരിയ്ക്കുകയാണ് കിഷോര്‍ സത്യം. താലി കെട്ടുമ്പോള്‍ എടുത്ത ഒരു ഫോട്ടോയും, സമീപകാലത്ത് ഭാര്യയ്‌ക്കൊപ്പം നിന്ന് എടുത്ത ഒരു ചിത്രവും പോസ്റ്റിനൊപ്പം പങ്കുവച്ചിട്ടുണ്ട്. 'ഇന്ന് പതിനഞ്ച് വര്‍ഷങ്ങള്‍.. പക്ഷെ ഈ പതിനഞ്ച് വര്‍ഷങ്ങള്‍ 15 പകലുകള്‍ പോലെ പോയി. താങ്ക്യു ഭാര്യേ' എന്ന് പറഞ്ഞുകൊണ്ടാണ് കിഷോര്‍ സത്യയുടെ പോസ്റ്റ്.

ശബരിമല യാത്രയില്‍ ആയത് കാരണമാണ് വിവാഹ വാര്‍ഷിക പോസ്റ്റ് പങ്കുവയ്ക്കാന്‍ വൈകിയത് എന്നും കിഷോര്‍ സത്യ പറഞ്ഞിട്ടുണ്ട്. കഴിഞ്ഞ ദിവസം സന്നിധാനത്ത് നിന്നുകൊണ്ടുള്ള ഫോട്ടോ കിഷോര്‍ പങ്കുവച്ചിരുന്നു.

വിവാഹ വാര്‍ഷികവുമായി ബന്ധപ്പെട്ട് പങ്കുവച്ച പോസ്റ്റിന് താഴെ ആശംകളുമായി സീരിയല്‍ സഹപ്രവര്‍ത്തകരും ആരാധകരും എത്തി. റിച്ചാര്‍ഡ് ജോസ്, ഉമ നായര്‍, റാണി ശരണ്‍, സുജിത്ത് വാസുദേവന്‍ എന്നിങ്ങനെ നീളുന്നു ആശംസകള്‍ അറിയിച്ച സെലിബ്രിറ്റികളുടെ പേരുകള്‍. സുഹൃത്തുക്കളും ആരാധകരും നല്‍കിയ വിവാഹ വാര്‍ഷിക ആശംസകള്‍ക്ക് എല്ലാം കിഷോര്‍ മറുപടിയും നല്‍കിയിട്ടുണ്ട്.

മന്ത്രകോടി എന്ന സീരിയലിലൂടെയാണ് കിഷോര്‍ സത്യയുടെ തുടക്കം. തുടര്‍ന്ന് എട്ടോളം മെഗാ സീരിയലുകളുടെ ഭാഗമായി. അതിനൊപ്പം സിനിമകളിലും മറ്റ് ടെലിവിഷന്‍ ഷോകളിലും കിഷോര്‍ സജീവമായിരുന്നു. നിലവില്‍ സൂര്യ ടിവിയില്‍ സംപ്രേക്ഷണം ചെയ്തുകൊണ്ടിരിയ്ക്കുന്ന സ്വന്തം സുജാത എന്ന സീരിയലില്‍ ആണ് കിഷോര്‍ അഭിനയിച്ചുകൊണ്ടിരിയ്ക്കുന്നത്.