എടീ നിന്നെയൊക്കെ അടിച്ചു വളർത്തണം എന്നാലേ നീ ഒക്കെ നന്നാകൂവെന്ന് എന്നോട് നേരിട്ട് ആളുകൾ പറഞ്ഞിട്ടുണ്ട്; നയന പറയുന്നു

കൂടെവിടെ എന്ന പരമ്പരയിലെ ഒറ്റ കഥാപാത്രത്തിലൂടെ മിനി സ്‌ക്രീൻ പ്രേക്ഷകർക്ക് പ്രിയങ്കരിയായി മാറിയ നടിയാണ് നയന. ചെറുപ്പം മുതലേ റിയാലിറ്റി ഷോ വേദികളിൽ സ്ഥിരം സാന്നിധ്യമായിരുന്ന നയന നാലുവയസ്സുമുതൽ നൃത്തം അഭ്യസിച്ചു തുടങ്ങിയതാണ്. ഒരു റിയാലിറ്റി ഷോയുടെ ടൈറ്റിൽ വിന്നർ ആയതുമുതൽ ആണ് അഭിനയരംഗത്തിൽ നയന സജീവമായത്. നയനയുടെ വിശേഷങ്ങൾ വായിക്കാം.

നൃത്തം ചെറുപ്പം മുതലേ പഠിക്കുന്ന ആളായിരുന്നു. കാരണം അമ്മയുടെ ആഗ്രഹമായിരുന്നു എന്നെ നൃത്തം പഠിപ്പിക്കണം എന്നുള്ളത്. അങ്ങനെയാണ് ചെറുതിലെ മുതലേ തന്നെ നൃത്തം അഭ്യസിക്കാൻ തുടങ്ങിയത്.

ചെറുപ്പത്തിൽ തന്നെ ഇവയിൽ എന്ത് സോങ് കണ്ടാലും നൃത്തം ചെയ്യുമായിരുന്നു. അപ്പോൾ മുതൽ തന്നെ അമ്മ മനസിലാക്കി എനിക്ക് നൃത്തത്തോടുള്ള ഇഷ്ടം- ഷെഫ് പിള്ളയോട് നയന പറയുന്നു.

മൂന്നോ നാലോ വയസ്സ് ഉള്ളപ്പോൾ മുതലാണ് നൃത്തം പഠിച്ചു തുടങ്ങുന്നത്. പ്ളേ സ്‌കൂളിൽ പഠിക്കുമ്പോൾ തന്നെ സ്‌കൂൾ ആനുവൽ ഡേയ്ക്ക് പാർട്ടിസിപ്പേറ്റ് ചെയ്യുമായിരുന്നു. നാലാം ക്‌ളാസിൽ എത്തിയപ്പോൾ തന്നെ വെസ്റ്റേണും ക്ലാസ്സിക്കലും ചെയ്യുമായിരുന്നു. ചെറുപ്പം മുതലേ ഭരതനാട്യവും മോഹിനിയാട്ടവും കുച്ചിപ്പുടിയും പഠിച്ചു വന്നപ്പോഴാണ് ടിവിയിൽ സൂപ്പർ ഡാൻസർ എന്ന ഡാൻസ് റിയാലിറ്റി ഷോയുടെ ആഡ് കാണുന്നത്. വെറുതെ അപ്ലൈ ചെയ്തു. കിട്ടും എന്നൊന്നും പ്രതീക്ഷിച്ചില്ല. നാലഞ്ച് റിയാലിറ്റി ഷോ അതിനുശേഷം ചെയ്തു. ആറാമത്തെ റിയാലിറ്റി ഷോയിലാണ് വിന്നർ ആകാൻ ആയത്.


ഇപ്പോൾ നൃത്ത അധ്യാപിക ആണ്. എങ്കിലും ഓരോ ദിവസവും നൃത്തത്തെ കുറിച്ച് കൂടുതലായി പഠിച്ചുകൊണ്ടിരിക്കുകയാണ്. അതിപ്പോൾ കൊച്ചുകുട്ടികളെ ആണെങ്കിൽ കൂടിയും ഞാൻ പഠിച്ചുകൊണ്ടിരിക്കുകയാണ്. ടീച്ചർ എന്ന നിലയിൽ അല്ല കുട്ടികളോട് ചേച്ചി എന്ന നിലയിലാണ് ഞാൻ നിൽക്കുന്നത്. ഇതുവരെ മൂന്നാല് സിനിമകളിൽ അഭിനയിച്ചിട്ടുണ്ട്. ആദ്യം ചെയ്ത സിനിമ പട്ടണത്തിൽ ഭൂതം ആണ്. റിയാലിറ്റി ഷോ വഴിയാണ് അഭിനയരംഗത്തേക്ക് എത്തിയത്- ബാല്യകാല സഖി ആണ് ഏറ്റവും ഒടുവിൽ ചെയ്ത സിനിമ. ഇഷ തൽവാറിന്റെ ചെറുപ്പകാലം ആണ് അഭിനയിച്ചത്. സുഹറ എന്ന കഥാപാത്രവും. അത്രയും വലിയ റോൾസ് അല്ല ചെറിയത് ആണ് ചെയ്തത് ഒക്കെയും.

കോളേജ് കാലഘട്ടം കഴിഞ്ഞശേഷം ആണ് സീരിയൽ അഭിനയ രംഗത്തേക്ക് എത്തിയത്. വീട്ടിൽ പഠനം കുറച്ച് ഇമ്പോർട്ടന്റ് ആയ കാര്യമാണ്. അതുകൊണ്ടുതന്നെ ഏറെ വൈകിയാണ് അഭിനയരംഗത്തേക്ക് സജീവം ആകുന്നത്. സീരിയൽ രംഗത്ത് വില്ലത്തി കഥാപാത്രം അഭിനയിച്ചപ്പോൾ നേരിട്ട് ആളുകൾ കാണുമ്പൊൾ എടീ നിന്നെയൊക്കെ അടിച്ചു വളർത്തണം എന്നാലേ നീ ഒക്കെ നന്നാകൂ എന്നൊക്കെയുള്ള കമന്റുകൾ ആയിരുന്നു കിട്ടിയത്. മോളുടെ ചേച്ചി ആണല്ലേ, ഇവളെയൊക്കെ അടിച്ചു വളർത്താത്തോണ്ട് ആണെന്ന് ഒക്കെ പറഞ്ഞു കൊടുക്കും. കാരണം കൂടെവിടെയിൽ ഞാൻ കൊടും ക്രൂരതകൾ ആണ് ചെയ്തത്- നയന പറയുന്നു.