ആപ്പ്ജില്ല

അടിക്കും എന്ന് അയാള്‍ ഒട്ടും പ്രതീക്ഷിച്ചില്ല, 'എന്തൊരു ഫിഗര്‍' ആണ് എന്ന് കമന്റ് അടിച്ച ആളുടെ കരണം അടിച്ചു പൊട്ടിച്ചു എന്ന് ശരണ്യ; വേദിക റിയല്‍ ലൈഫിലും ഭീകരി തന്നെ

എന്നെ നോക്കി 'എന്തൊരു ഫിഗര്‍' എന്ന് ഒരാള്‍ പറഞ്ഞു. അപ്പോള്‍ ഒന്നും പ്രതികരിച്ചില്ല. തിരിച്ച് വരുമ്പോള്‍ വീണ്ടും പറഞ്ഞു. അപ്പോള്‍ അടുത്തു പോയി എന്താ നിനക്ക് വേണ്ടത് എന്ന് ഞാന്‍ ചോദിച്ചു. അപ്പോള്‍ അയാള്‍ എന്റെ അച്ഛനെയും അമ്മയെയും എല്ലാം ചീത്ത വിളിച്ചു.

Lipi 2 Mar 2022, 4:39 pm
കുടുംബ വിളക്ക് എന്ന സീരിയലില്‍ ശ്രീനിലയത്തിലുള്ളവരെ ഉറക്കം കെടുത്തുന്ന കഥാപാത്രമാണ് വേദിക. എത്ര കിട്ടിയാലും പഠിയ്ക്കില്ല. സുമിത്രയെയും കുടുംബത്തെയും ഉപദ്രവിയ്ക്കുന്നത് വേദിക തുടര്‍ന്ന് കൊണ്ടിരിയ്ക്കുകയാണ്. യഥാര്‍ത്ഥ ജീവിതത്തില്‍ വേദികയുടെ സ്വഭാവം ഇല്ലെങ്കിലും, അല്പം ഭീകരി തന്നെയാണ് ശരണ്യ. പ്രതികരിക്കേണ്ട ഇടത്ത് പ്രതികരിക്കാറുമുണ്ട്. എംജി ശ്രീകുമാര്‍ അവതരിപ്പിയ്ക്കുന്ന പറയാം നേടാം എന്ന ഗെയിം ഷോയില്‍ പങ്കെടുക്കവെ മോശമായി പെരുമാറിയ ആളെ അടിച്ച സംഭവത്തെ കുറിച്ച് ശരണ്യ വിശദീകരിച്ചു.
Samayam Malayalam kudumba vilakku fame sharanya about casting couch i didnt face something like that
അടിക്കും എന്ന് അയാള്‍ ഒട്ടും പ്രതീക്ഷിച്ചില്ല, 'എന്തൊരു ഫിഗര്‍' ആണ് എന്ന് കമന്റ് അടിച്ച ആളുടെ കരണം അടിച്ചു പൊട്ടിച്ചു എന്ന് ശരണ്യ; വേദിക റിയല്‍ ലൈഫിലും ഭീകരി തന്നെ


​മലയാളിയായ ഗുജറാത്തി

അച്ഛനും അമ്മയും മലയാളികള്‍ ആണെങ്കിലും ശരണ്യ ജനിച്ചതും വളര്‍ന്നതും ഗുജറാത്തിലാണ്. അഭിനയ മോഹം ചെറുപ്പം മുതലേ ഉണ്ടായിരുന്നു. അതിന് വേണ്ടി ശ്രമിച്ചു കൊണ്ടേയിരുന്നു. തെലുങ്ക് സിനിമയിലൂടെ അഭിനയ ലോകത്ത് എത്തി. ബിയോണ്ട് ദ ബോര്‍ഡര്‍ എന്ന ചിത്രത്തിലൂടെ മലയാളത്തിലെത്തി. തുടര്‍ന്ന് ചങ്ക്‌സ്, ആകാശ മിഠായി, മാമാങ്കം, ആകാശ ഗംഗ 2 തുടങ്ങി 14 സിനിമകളില്‍ അഭിനയിച്ചു. കുടുംബ വിളക്ക് ശരണ്യ ചെയ്യുന്ന ആദ്യത്തെ സീരിയല്‍ ആണ്.

​കാസ്റ്റിങ് കൗച്ച് നേരിട്ടിട്ടുണ്ടോ

തെലുങ്ക് ഇന്റസ്ട്രിയില്‍ എല്ലാം അഭിനയിച്ചതല്ലേ, കാസ്റ്റിങ് കൗച്ച് നേരിട്ടിട്ടുണ്ടോ എന്ന് എംജി ശ്രീകുമാര്‍ ചോദിച്ചപ്പോള്‍, തനിയ്ക്ക് അത്തരം അവസ്ഥ ഒരിക്കലും ഉണ്ടായിട്ടില്ല എന്നായിരുന്നു ശരണ്യയുടെ പ്രതികരണം. എന്നാല്‍ എല്ലാ ഇന്റസ്ട്രിയിലും ഇത്തരം കാസ്റ്റിങ് കൗച്ച് ഉണ്ടാവും. അങ്ങനെ ഉണ്ടായാലും തനിയ്ക്ക് ഏത് വഴിയില്‍ പോകണം എന്ന് തീരുമാനിക്കുന്നത് ആ പെണ്‍കുട്ടിയാണ്.

​എന്നോട് പറഞ്ഞാല്‍

എന്നോട് ഇതുവരെ സിനിമയില്‍ ആരും വന്ന് മോശമായി സംസാരിച്ചിട്ടില്ല. എന്തുകൊണ്ടാണ് എന്ന് അറിയില്ല. എന്നോട് അങ്ങനെ എന്തെങ്കിലും മോശമായി ചെയ്താല്‍ ഞാന്‍ പ്രതികരിക്കും. അടി കൊടുക്കുകയും ചെയ്തു. അങ്ങനെ സംസാരിച്ച ഒരാളെ അടിച്ചിട്ടുമുണ്ട്.

​കരണം പൊളിച്ച സംഭവം

സ്‌കൂളില്‍ പഠിയ്ക്കുന്ന കാലത്ത്, കൂട്ടുകാരികള്‍ക്കൊപ്പം പോകുമ്പോള്‍ എന്നെ നോക്കി 'എന്തൊരു ഫിഗര്‍' എന്ന് ഒരാള്‍ പറഞ്ഞു. അപ്പോള്‍ ഒന്നും പ്രതികരിച്ചില്ല. തിരിച്ച് വരുമ്പോള്‍ വീണ്ടും പറഞ്ഞു. അപ്പോള്‍ അടുത്തു പോയി എന്താ നിനക്ക് വേണ്ടത് എന്ന് ഞാന്‍ ചോദിച്ചു. അപ്പോള്‍ അയാള്‍ എന്റെ അച്ഛനെയും അമ്മയെയും എല്ലാം ചീത്ത വിളിച്ചു. കൊടുത്തു ഒന്ന്, നല്ല അസ്സല് അടി. അത് അയാള്‍ ഒട്ടും പ്രതീക്ഷിച്ചിരുന്നില്ല. പിന്നെ അത്തരം ഒരു അനുഭവം ഉണ്ടായിട്ടില്ല - ശരണ്യ പറഞ്ഞു

രാജലക്ഷ്മിയുടെ കഥാപാത്രം പ്രേക്ഷകരെ തൃപ്തിപ്പെടുത്തുന്നുണ്ടോ ?

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ