ഇനി അഭിനയത്തിലേക്കില്ല; വിവാഹശേഷം ഇരുകുടുംബങ്ങളും ഒന്നായി; പാർവതി വിജയ്

കുടുംബവിളക്ക് പരമ്പരയിലെ ക്യാമറമാൻ അരുൺ ആണ് പാർവതിയെ സ്വന്തം ആക്കിയത്. മൂന്നുമാസത്തെ പ്രണയമാണ് വിവാഹത്തിൽ എത്തിയതെന്ന് പാർവതി പറയുന്നു. ആദ്യം അരുണിന്റെ വീട്ടിൽ നിന്നുമായിരുന്നു പിന്തുണ എങ്കിൽ ഇപ്പോൾ വിവാഹ ശേഷം സ്വന്തം വീട്ടിൽ നിന്നും പരിപൂർണ്ണ പിന്തുണയാണ് ലഭിക്കുന്നത് എന്നും പാർവ്വതി വ്യക്തമാക്കി.

വിവാഹത്തിന് ആദ്യമൊക്കെ എതിർപ്പുകൾ ഉണ്ടായിരുന്നുവെങ്കിലും ഇപ്പോൾ ഇരു കുടുംബങ്ങളും ഒന്നായി.അമ്മ എന്നും വീഡിയോ കാൾ ഒക്കെ ചെയ്യും. വളരെ സന്തോഷത്തോടെയാണ് ഇപ്പോൾ ജീവിതം പോകുന്നത്. ലോക് ഡൗൺ ആയതുകൊണ്ട് പുറത്തേക്കൊന്നും പോകാൻ സാധിക്കാത്തത് മാത്രമാണ് സങ്കടം.

ഇനി ശീതളായി ഞാൻ കുടുംബവിളക്കിൽ ഉണ്ടാകില്ല. എനിക്ക് പകരക്കാരി ആയി അമൃത പരമ്പരയിലേക്ക് എത്തുകയും ചെയ്തു. മാത്രമല്ല ഇനി അഭിനയമേഖലയിൽ നില്ക്കാൻ എനിക്ക് താത്പര്യം ഇല്ല. ഞാൻ ബിബിഎ കംപ്ലീറ്റ് ചെയ്ത ശേഷമാണ് അഭിനയത്തിലേക്ക് എത്തിയത്.

മുൻപും അഭിനയമോഹം എന്നൊന്നും ഉണ്ടായിരുന്നില്ല. അന്നും എംബിഎ എടുക്കണം എന്നായിരുന്നു ആഗ്രഹം. ഇപ്പോഴും അത് തന്നെയാണ് ആഗ്രഹവും ലക്ഷ്യവും. ഇപ്പോഴത്തെ സാഹചര്യങ്ങൾ മാറിക്കഴിഞ്ഞാൽ അപ്പോൾ തന്നെ പഠിക്കാൻ ചേരാൻ ആണ് തീരുമാനം.