ടിക് ടോക് ബാനിനെ എങ്ങനെ അതിജീവിക്കാം; ലക്ഷ്മിയുടെ ഉപായം!

സോഷ്യൽ മീഡിയയിൽ തരംഗമായി മാറിയ പേരാണ് ലക്ഷ്മി മേനോൻ. മലയാളത്തിലെ ആദ്യ വനിതാ വ്‌ളോഗർ ആയിട്ടാണ് ലക്ഷ്മി കൂടുതൽ അറിയപ്പെട്ടത് എങ്കിലും ടിക് ടോക് വീഡിയോകളിലൂടെ ലക്ഷ്മി അരാധകരെ ഏറെ ചിരിപ്പിച്ച താരം കൂടിയാണ്. സ്വന്തമായ ശൈലിയിൽ ഉള്ള ടിക് ടോക് വീഡിയോകളിലൂടെയാണ് ലക്ഷ്മി വൈറൽ ആയിട്ടുള്ളത്. ടിക് ടോക് വീഡിയോകളിൽ ലക്ഷ്മിക്ക് ഒപ്പം അവതാരകനും നടനുമായ മിഥുൻ രമേശും, മകൾ തൻവിയും ചേരുമ്പോൾ അരാധകർക്ക് ഇരട്ടി സന്തോഷമാണ് സമ്മാനിച്ചത്.

ALSO READ: ബഡായ് ബംഗ്ളാവിൽ നിന്നുള്ള പിന്മാറ്റം; സമ്പൂർണ്ണ വ്‌ളോഗർ ആകാത്തതിന് പിന്നിൽ; വിശേഷങ്ങളുമായി ലക്ഷ്മി മേനോൻ!രാജ്യത്ത് ടിക് ടോക്, യൂസി ബ്രൗസര്‍ ഉള്‍പ്പെടെ 59 ചൈനീസ് ആപ്പുകള്‍ അടുത്തിടെയാണ് നിരോധിച്ചത്. ഇന്ത്യ ചൈന അതിര്‍ത്തി തര്‍ക്കത്തെ തുടര്‍ന്ന് ചൈനീസ് ആപ്ലിക്കേഷനുകള്‍ നിരോധിക്കണമെന്ന ആവശ്യം ശക്തമായതിനു പിന്നാലെയാണ് ടിക് ടോക് തരംഗം കെട്ടടങ്ങിയത്. എന്നാൽ ഒരു ടിക് ടോക് ബാനും തന്നെ ബാധിക്കില്ലെന്ന് കാണിക്കുന്നതാണ് ഇപ്പോൾ ലക്ഷ്മി പങ്ക് വച്ച ഒരു വീഡിയോ. ടിക് ടോക് ബാൻ കാരണം താൻ വീണ്ടും യൂ ട്യൂബിലേക്ക് മടങ്ങി എത്തുന്നു എന്നും താരം അറിയിച്ചു.

താൻ എങ്ങിനെ ടിക് ടോക് ബാനിനെ അതിജീവിക്കുന്നു എന്ന് കാണിക്കുന്ന വീഡിയോ ആണ് ലക്ഷ്മി ആരാധകർക്കായി പങ്ക് വച്ചത്.

വീഡിയോ കാണാം!

View this post on Instagram ടിക് ടോക് ബാൻ A post shared by Lakshmi Menon✌🎥 (@lakshmimenon89) on Jul 3, 2020 at 3:37am PDT

ടിക് ടോക് എന്ന പ്ലാറ്റ് ഫോമിൽ നമ്മൾക്ക് ഒരുപാട് കഴിവുകൾ ഉള്ള ആളുകളെ കാണാൻ സാധിക്കും. യൂ ട്യൂബിനെക്കാൾ കുറച്ചുകൂടി എളുപ്പം ആണ്. നമ്മൾ യൂ ട്യൂബിൽ വീഡിയോസ് സ്ക്രിപ്റ്റ് എഴുതി, എഡിറ്റ് ചെയ്തു വരുന്ന അത്രയും ബുദ്ധിമുട്ട് ഇല്ല ടിക് ടോക്കിൽ നമ്മൾക്ക് എന്തെങ്കിലും ചെയ്യാൻ. ഒരു ദിവസം തന്നെ എത്ര വീഡിയോസ് വേണമെങ്കിലും ചെയ്യാം. അതാണ് ടിക് ടോക്കിനോടുള്ള കമ്പം കൂടിയതെന്ന് ലക്ഷ്മി മുൻപ് വ്യക്തമാക്കിയിരുന്നു.