പ്രസവത്തിനുപോലും സ്വന്തം വീട്ടിൽ പോകാത്തതിനുകാരണം; മകൾക്ക് എന്തുകൊണ്ട് സരസ്വതി നായർ എന്ന പേര് വന്നു; അനുരാധ പറയുന്നു

ഞാൻ ഗർഭിണി ആണെന്ന് അറിഞ്ഞപ്പോൾ തന്നെ ആദ്യം പ്രാർത്ഥിച്ചത് മോൾ ആകണം എന്നായിരുന്നു. അങ്ങനെ മോളെ തന്നെ കിട്ടി. അതിൽ സന്തോഷം. ഒരു മോഡേൺ പേരൊന്നും നമുക്ക് വേണം എന്നില്ലായിരുന്നു. ഈസിയായി പറയാൻ പറ്റുന്ന, ഒരു ട്രഡീഷണൽ ആയ പേര് എന്തെങ്കിലും വേണം എന്നുണ്ടായിരുന്നു. ആണ്കുട്ടിക്കും പെൺകുട്ടിക്കും വേണ്ടിയുള്ള പേരുകൾ നോക്കി വച്ചപ്പോൾ ലക്ഷ്മിയമ്മയാണ്‌ സരസ്വതി എന്ന പേര് നിർദ്ദേശിക്കുന്നത്- അനുരാധ പറയുന്നു.

വളരെ സ്മൂത്തായ ഒരു ജേർണി ആയിരുന്നു. ഒരു പ്രശ്നങ്ങളും ഇല്ലാത്ത രണ്ടുമാസം. മൂന്നുമാസം ആയപ്പോഴാണ് ശർദ്ദിയും, തലകറക്കവും ഉണ്ടായത്. ഭക്ഷണത്തിനോട് വലിയ താത്പര്യം ഒന്നും ഉണ്ടായിരുന്നില്ല. നോർമൽ ആയ ഭക്ഷണം മാത്രമാണ് കഴിച്ചത്. വീട്ടിലെ ചെറിയ പണികൾ ഒക്കെയും ഞാൻ തന്നെ ചെയ്യുമായിരുന്നു. ആ സമയത്ത് വീഡിയോസ് ഒന്നും എടുക്കാൻ തോന്നിയില്ല. ഏഴുമാസം ആയിട്ട് അനൗൺസ് ചെയ്‌താൽ മതി എന്ന് നമ്മൾ തീരുമാനിച്ചതാണ്-

ഫ്ള്യൂഡിന്റെ കുറവ് ഉണ്ടായിരുന്നതുകാരണം ഡേറ്റിന് മുൻപേ തന്നെ കുഞ്ഞിനെ സി സെക്ഷനിലൂടെ എടുത്തു. പോസ്റ്റ് പാർട്ടത്തെ കുറിച്ച് ഒരുപാട് ആളുകൾ ചോദിക്കുന്നുണ്ട്. പിന്നെ ആളുകൾക്ക് അറിയേണ്ടത് എന്തുകൊണ്ടാണ് ഞാൻ എന്റെ വീട്ടിൽ പോകാതെ ഇവിടെ നില്കുന്നത് എന്ന്. ഞാൻ അത് എവിടെയും അധികം പറഞ്ഞിട്ടുള്ള കാര്യമല്ല, കാരണം എന്റെ അമ്മയ്ക്ക് ഒരു വര്ഷം മുമ്പേയാണ് ബ്രെസ്റ്റ് ക്യാൻസർ ആണെന്ന് മനസിലാക്കുന്നത്. അതിനുവേണ്ടിയുള്ള ട്രീട്മെന്റും മറ്റും നടക്കുന്ന സമയമായിരുന്നു.

അമ്മ ഹെൽത്തി ആയിരുന്നുവെങ്കിലും എനിക്ക് കുറച്ചു ഡിമാൻഡ്‌സ് വേണ്ടുന്ന സമയം ആയിരുന്നല്ലോ, എങ്കിലും അമ്മയെ ബുദ്ധിമുട്ടിക്കാൻ എനിക്ക് ഇഷ്ടമായിരുന്നില്ല. എന്റെ വീടും ഈ വീടും തമ്മിൽ അധികം ദൂരമില്ല. എപ്പോൾ വേണമെങ്കിലും അങ്ങോട്ടും ഇങ്ങോട്ടും പോകുമായിരുന്നു. ഞാൻ തന്നെ എടുത്ത തീരുമാനം ആയിരുന്നു ഇവിടെ നിൽക്കാം എന്നത്. ഇതാണ് ആ ചോദ്യത്തിന് ഉത്തരം അനു പറയുന്നു.